چند مزاحیہ تُک بندیاں

[عرفان سعید]

(اپنے چند متفرق مزاحیہ اشعار پیش کرنے کی جسارت کر رہا ہوں)

کشتی کاروبار کی ایسی نہر میں
کنگھیاں میں بیچوں گنجوں کے شہر میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سب لڑکیاں چھوڑ چکی جب سے پہنچے تیس کو
سب چھوڑیں جیسے ڈبل روٹی کے پہلے پیس کو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اس بار عید پہ قرباں گائے کرنی چاہی
مہنگی تھی اتنی بس کر ہی پائے مرغ و ماہی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہر روز کا آنا جانا وین کے نرغے میں
کچھ فرق باقی نہیں اب میرے اور مرغے میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پینا خالص دودھ کا ٹھہرا ہے گویا حج پہ جانا
سوہنی دھرتی پہ ہے نعمت یہ طفلِ مج کا کھانا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تقدیر کے ہاتھوں شادی کے رشتے میں ایسے اٹکے
بجلی کے دو تار ملنے سے جیسے پے در پے جھٹکے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رہی فن میں مہارت کی ضرورت ہر اناڑی کو
جلا بیٹھا ہے پہلے کش پہ ملا اپنی ڈاڑھی کو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دسمبر یخ تھا، وہ بولے، چلے بھی آؤ میخانے!
گزارش کی اگر لوٹا دیں میرے آپ دستانے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جو گالی پر سزا ہوتی عجب نظارے ہوجاتے
یہ پنجابی گھٹن سے ہی خدا کو پیارے ہوجاتے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نمازِ تراویح پڑھنے گیا تو؟
یا گھر بیٹھا ٹی وی ہی تکتا رہا تو؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(عرفان)​

 

[راحیل فاروق]

جو گالی پر سزا ہوتی عجب نظارے ہوجاتے
یہ پنجابی گھٹن سے ہی خدا کو پیارے ہوجاتے

لاجواب، عرفان بھائی۔ کیا ہی کہنے۔ اجازت دیں تو اپنے احباب کو ارسال کر دوں؟

 

[رانا عبدالرحمن]

جو گالی پر سزا ہوتی عجب نظارے ہوجاتے
یہ پنجابی گھٹن سے ہی خدا کو پیارے ہوجاتے

Wahhhh bht zbardast! Iska jawab nhi

 

[عرفان سعید]

لاجواب، عرفان بھائی۔ کیا ہی کہنے۔ اجازت دیں تو اپنے احباب کو ارسال کر دوں؟

راحیل بھائی اگر آپ ان دومصرعوں کو اس قابل جانتے ہیں تو سو بسم اللہ۔
آپ جیسے باعلم اور قادر الکلام شخص سے اتنی پذیرائی ملنا میرے لیے ایک اعزاز سے کم نہیں۔