چنگا کیہ کیہ اے - محمد اجمل بیگ ناز

[شمشاد]

گھار وچ دانہ چنگا
مٹھا گھٹ کھانا چنگا
کپڑا ودھیا پانا چنگا
تے قرضہ چھیتی لاہنا چنگا

بوری نالوں توڑا چنگا
کھوتے نالوں گھوڑا چنگا
تماکو ہُندا کوڑا چنگا
تے بُوہا ہمیشہ چوڑا چنگا

بکرے دا اے گوشت چنگا
شورے نالوں روسٹ چنگا
گھگھوی دا اے پوست چنگا
تے پرانا ہندا دوست چنگا

غماں وچ رونا چنگا
وقت اُتے سونا چنگا
کدی دا پروہنا چنگا
تے پاسے دا اے سونا چنگا

میلے وچ رولا چنگا
سَپ کولوں نیولا چنگا
دالاں نوں اے اولا چنگا
تے بندے کولوں مولا چنگا

گھراں وچ طاق چنگا
کرنا نئیں مذاق چنگا
مُنڈا نئیں عاق چنگا
تے حساب بیباق چنگا

ٹھنڈ وچ تاپ چنگا
غیراں کولوں آپ چنگا
یاراں نالوں باپ چنگا
تے دلاں دا ملاپ چنگا

گھڑے دا اے پانی چنگا
ہان دا اے ہانی چنگا
دل دا اے جانی چنگا
تے حکم آسمانی چنگا

گھراں وچ اناج چنگا
سر دا اے تاج چنگا
دِھیاں نوں اے داج چنگا
تے دلاں اتے راج چنگا

بندہ ہووے سادہ چنگا
اَن پڑھ نوں قاعدہ چنگا
کھنگ نوں جوشاندہ چنگا
تے پورا کرنا وعدہ چنگا

اَمباں اُتے بُور چنگا
ڈھول وجے دُور چنگا
اَکھیاں وچ نوُر چنگا
تے موسیٰ نوں اے طُور چنگا

نِت دا نئیں بخار چنگا
لینا نئیں اُدھار چنگا
کُڑیاں دا نئیں یار چنگا
بندہ نئیں گنوار چنگا

بڈھے توں جوان چنگا
اللہ دا دھیان چنگا
مٹھرا اے بیان چنگا
تے ناول توں قرآن چنگا
(محمد اجمل بیگ نازؔ)

 

[تلمیذ]

سواد آگیا اے پڑھ کے، شمشاد جی۔ ایہہ اجمل بیگ ہوراں نوں کتھووں ڈھونڈیا جے؟ ہر ہر بیت حق تے سچ اے۔ ڈاہڈے تجربے دیاں گلاں تے مبنی نظم رلتی کیتی اے تساں۔ جزاک اللہ۔

ذرا اینہاں اکھراں دی ٹائپنگ ٹھیک کر دیو:

تماکو ہُندا گوڑا چنگا ۔۔۔کوڑا
تے پاسے دا اسے سونا چنگا ۔۔۔ اے
کگوی دا اے پوست چنگا۔۔۔ گھگھی

نالے مینوں ایس لفظ دا مطلب سمجھ نئیں آیا۔ جے تہانوں یاں کسے ہور بیلی نوں پتہ ہووے تے شکر گذاری
دالاں نوں اے اولا چنگا

سید شہزاد ناصر, سید زبیر,
فلک شیر, نیرنگ خیال[/ [USER=380]قیصرانی, بھلکڑ,

تسیں وی پڑھو تے چس لئو[/USER]

 

[شمشاد]

بہت شکریہ۔ ابھی ٹائپو ٹھیک کرتا ہوں۔

پسند کرن دا بہت شکریہ۔

 

[نیرنگ خیال]

نالے مینوں ایس لفظ دا مطلب سمجھ نئیں آیا۔ جے تہانوں یاں کسے ہور بیلی نوں پتہ ہووے تے شکر گذاری
دالاں نوں اے اولا چنگا
[/USER]

میرا خیال اے ایہہ اکھر "اولا" یعنی پردہ ۔۔ یا چھپنا۔۔۔ جیویں کہیندے نین کہ ساڈے تو کادا اولا اے۔۔۔
باقی تہانوں پتا کے بس اوپری اوپری جئی سمجھ اے میری ۔۔۔ ہو سکدا اے میں غلط ای کیہا ہوے۔۔۔

 

[سید زبیر]

شمشاد جی !لا جواب کلام

 

[بھلکڑ]

بہوں ودھیہاکلام !!!

سواد آگیا اے پڑھ کے، شمشاد جی۔ ایہہ اجمل بیگ ہوراں نوں کتھووں ڈھونڈیا جے؟ ہر ہر بیت حق تے سچ اے۔ ڈاہڈے تجربے دیاں گلاں تے مبنی نظم رلتی کیتی اے تساں۔ جزاک اللہ۔

ذرا اینہاں اکھراں دی ٹائپنگ ٹھیک کر دیو:

تماکو ہُندا گوڑا چنگا ۔۔۔ کوڑا
تے پاسے دا اسے سونا چنگا ۔۔۔ اے
کگوی دا اے پوست چنگا۔۔۔ گھگھی

نالے مینوں ایس لفظ دا مطلب سمجھ نئیں آیا۔ جے تہانوں یاں کسے ہور بیلی نوں پتہ ہووے تے شکر گذاری
دالاں نوں اے اولا چنگا

سید شہزاد ناصر, سید زبیر,
فلک شیر, نیرنگ خیال[/ [USER=380]قیصرانی, بھلکڑ,

تسیں وی پڑھو تے چس لئو[/USER]

سر اولے نوں شاید اردو وچ آملہ کہندے نے!
ایہدا اچار وی کھایا جاندا اے ۔۔۔۔ بالکہ بڑا ای لذیز ہُندا اے!!
دالاں نالوں بہتر اے ایک خوراک دے طور تے ایسے لئی شاعر نے اے لائن لکھی اے!

 

[بھلکڑ]

میرا خیال اے ایہہ اکھر "اولا" یعنی پردہ ۔۔ یا چھپنا۔۔۔ جیویں کہیندے نین کہ ساڈے تو کادا اولا اے۔۔۔
باقی تہانوں پتا کے بس اوپری اوپری جئی سمجھ اے میری ۔۔۔ ہو سکدا اے میں غلط ای کیہا ہوے۔۔۔

ایہہ اولا آواز دے معاملے وچ قطعے وچ نہیں آرہیا!!
تے نالے اوتھے کھان والی شے دی گل ہو رہی اے!!!
جے میرے کولوں غلطی ہو گئی ہووے تے معذرت!

 

[تلمیذ]

ایہہ اولا آواز دے معاملے وچ قطعے وچ نہیں آرہیا!!
تے نالے اوتھے کھان والی شے دی گل ہو رہی اے!!!
جے میرے کولوں غلطی ہو گئی ہووے تے معذرت!

تسیں بالکل ٹھیک کہہ رئے او، باسم جی۔ شکریہ۔
نین ہوراں دا مطلب اوہلا (اوجھل) ایتھے فِٹ نئیں بہندا، کیوں جے شاعر نے 'اولے' دا مقابلہ 'دالاں' یعنی کھان والی شے نال کیتا اے۔

 

[سید شہزاد ناصر]

سواد آگیا اے پڑھ کے، شمشاد جی۔ ایہہ اجمل بیگ ہوراں نوں کتھووں ڈھونڈیا جے؟ ہر ہر بیت حق تے سچ اے۔ ڈاہڈے تجربے دیاں گلاں تے مبنی نظم رلتی کیتی اے تساں۔ جزاک اللہ۔

ذرا اینہاں اکھراں دی ٹائپنگ ٹھیک کر دیو:

تماکو ہُندا گوڑا چنگا ۔۔۔ کوڑا
تے پاسے دا اسے سونا چنگا ۔۔۔ اے
کگوی دا اے پوست چنگا۔۔۔ گھگھی

نالے مینوں ایس لفظ دا مطلب سمجھ نئیں آیا۔ جے تہانوں یاں کسے ہور بیلی نوں پتہ ہووے تے شکر گذاری
دالاں نوں اے اولا چنگا

سید شہزاد ناصر, سید زبیر,
فلک شیر, نیرنگ خیال[/ [USER=380]قیصرانی, بھلکڑ,

تسیں وی پڑھو تے چس لئو[/USER]

ایہ تے بڑی گاڑھی پنجابی اے

 

[خالد محمود چوہدری]

دالاں نوں اے اولا چنگا۔۔۔۔۔ اگر "دال" ہے تو اُولا ہے اور اگر "وال" ہے تو اَولا ہے

 

[نیرنگ خیال]

ایہہ اولا آواز دے معاملے وچ قطعے وچ نہیں آرہیا!!
تے نالے اوتھے کھان والی شے دی گل ہو رہی اے!!!
جے میرے کولوں غلطی ہو گئی ہووے تے معذرت!

تہاڈی گل ٹھیک اے۔۔۔ میں اوہنوں "دالاں" دی بجائے "دلاں" پڑھیا سی۔۔۔ تے ایس واسطے بیان دے بیٹھا۔

تسیں بالکل ٹھیک کہہ رئے او، باسم جی۔ شکریہ۔
نین ہوراں دا مطلب اوہلا (اوجھل) ایتھے فِٹ نئیں بہندا، کیوں جے شاعر نے 'اولے' دا مقابلہ 'دالاں' یعنی کھان والی شے نال کیتا اے۔

بالکل ایہہ گل اے

 

[جاسمن]

Na'an ton ae roti changee
Be ra'ahwan te soti changee
da'ala'an ton ae boti changee
La'are ton ae voti changee

 

[تلمیذ]

Na'an ton ae roti changee
Be ra'ahwan te soti changee
da'ala'an ton ae boti changee
La'are ton ae voti changee

تسیں آپنے کمپیوٹر وچ اردو انسٹال کرکے اردو- پنجابی وچ ٹائپ کرن دی کوشش کرو۔ بوہت سوکھا اے تے مشق کرن نال چھیتی ای سکھ یا جا سکدا اے۔