فلک شیر
محفلین
****چھتر تھوہر ***
پرانی گل اے، اساڈے وڈکیاں
اک باغ لانا متھ لیا
دور دراڑیوں، آڈیوں پھاڈیوں
لبھ لبھا کے ، میوے، چھاواں
گوڑھیاں لمیاںسگویاں ماواں
پھل پھلاری تے خوشبوواں
دھرتی گڈیاں، تے فیر اپنے
پتراں دھیاں نوں سد کے آکھیا
ہن ایہدا پیچا اپنے لہو نال کرو
اوہناں اپنے وڈیاں دی گل وڈیائی
اپنیاں انگلاں، باہواں، کالجے
تے سینے رت دے سومے کیتے
ساریاں وچوں لہو چو چو کے
مٹی دی چروکنی تریہہ لائی
باغ کھڑیا، پنگریا، نچیا تے ہسیا
پر ہونی ہو کے رہندی اے
پہلے دن ای وڈیاں نے اک خطا کھادی
اوہناں پنچھی تے بال ڈران لئی
پئی ایہدا کچا پھل نہ ونجان
کدھروں باہروں اک چھتر تھوہر چا گچیا
تے باغ دے بوہے تے لا چھڈیا
اوہ پُھٹیا تے پِھٹ پھِٹ کے باہرلا اکھوایا
اوندیاں رتاں اوہدے تگڑے بیں
واواں تے پشواں تے چڑھ کے
باغ دے چار چوفیرے تے اندر باہر
کتیاں وانگوں سُو پئے
ہن اوس باغ دا ناں تے نشانی
اکو بوٹا اے
اوہ وے 'چھتر تھوہر'
فلک شیر
پرانی گل اے، اساڈے وڈکیاں
اک باغ لانا متھ لیا
دور دراڑیوں، آڈیوں پھاڈیوں
لبھ لبھا کے ، میوے، چھاواں
گوڑھیاں لمیاںسگویاں ماواں
پھل پھلاری تے خوشبوواں
دھرتی گڈیاں، تے فیر اپنے
پتراں دھیاں نوں سد کے آکھیا
ہن ایہدا پیچا اپنے لہو نال کرو
اوہناں اپنے وڈیاں دی گل وڈیائی
اپنیاں انگلاں، باہواں، کالجے
تے سینے رت دے سومے کیتے
ساریاں وچوں لہو چو چو کے
مٹی دی چروکنی تریہہ لائی
باغ کھڑیا، پنگریا، نچیا تے ہسیا
پر ہونی ہو کے رہندی اے
پہلے دن ای وڈیاں نے اک خطا کھادی
اوہناں پنچھی تے بال ڈران لئی
پئی ایہدا کچا پھل نہ ونجان
کدھروں باہروں اک چھتر تھوہر چا گچیا
تے باغ دے بوہے تے لا چھڈیا
اوہ پُھٹیا تے پِھٹ پھِٹ کے باہرلا اکھوایا
اوندیاں رتاں اوہدے تگڑے بیں
واواں تے پشواں تے چڑھ کے
باغ دے چار چوفیرے تے اندر باہر
کتیاں وانگوں سُو پئے
ہن اوس باغ دا ناں تے نشانی
اکو بوٹا اے
اوہ وے 'چھتر تھوہر'
فلک شیر
