چھنی ہیں ردائیں جلے ہیں خیام (نوحہ)

[سیدہ شگفتہ]

​

​

غریبوں کی شب ہے​

غریبوں کی شام​

چھنی ہیں ردائیں​

جلے ہیں خیام​

​

​

وہ جس کے اٹھارہ جواں بھائی تھے​

تھے عون و محمد بھی اکبر بھی تھے​

​

وہ لکھوا رہی ہے اسیروں میں نام​

غریبوں کی شب ہے، غریبوں کی شام​

​

​

ڈریں جب لعینوں کی بے داد سے​

سکینہ نے پوچھا یہ سجاد سے​

کہاں جا کے ہو گا ہمارا قیام​

غریبوں کی شب ہے، غریبوں کی شام​

​

​

نہ عباس ہیں اور نہ شاہ امم​

کیا ہے لعینوں نے کیسا ستم​

​

​

جو عباس و اکبر نہیں کر سکے​

جو سبط پیمبر نہیں کر سکے​

کیا ہے وہ زینب کی چادر نے کام​

غریبوں کی شب ہے، غریبوں کی شام​

​

​

چھنی ہیں ردائیں​

جلے ہیں خیام​

​

​

(صاحب کلام: نامعلوم)​

 

[سید زبیر]

وہ جس کے اٹھارہ جواں بھائی تھے
تھے عون و محمد بھی اکبر بھی تھے

وہ لکھوا رہی ہے اسیروں میں نام
غریبوں کی شب ہے، غریبوں کی شام