ڈيجيٹل آؤٹ ريچ ٹيم – رابطے کا نيا انداز

[Fawad -]

ڈيجيٹل آؤٹ ريچ ٹيم – رابطے کا نيا انداز

ڈيجيٹل آؤٹ ريچ ٹيم کے ممبران کی حيثيت سے ہميں يہ موقع ملتا ہے کہ فورمز اور بلاگز پرمختلف موضوعات کے حوالے سے امريکی اسٹيٹ ڈيپارٹمنٹ کا درست موقف اور خارجہ پاليسی کے حوالے سے اٹھائے جانے والے سوالات کا جواب ديا جا سکے۔ ہماری اس کاوش کا مقصد انٹرنيٹ پر موجود شک و شہبات، ابہام اور قياس آرائيوں پر مبنی افواہوں سے ہٹ کر درست معلومات آپ تک پہنچانا ہے۔

رابطے اور مصمم ارادے کے اسی جذبے کو آگے بڑھاتے ہوئے امريکی حکومت اور اسٹيٹ ڈيپارٹمنٹ کی انتظاميہ ہميشہ ايسے نت نئے طريقوں کو استعمال کرنے کے ليے کوشاں رہتی ہے جن کے ذريعے عوام کی سطح پر رابطے ميں وسعت کی اہميت اور ضرورت کے ضمن ميں جس ارادے اور عزم کا اظہار کيا گيا ہے، اس سوچ کو پروان چڑھايا جا سکے۔

پيش خدمت ہے ڈيجيٹل آؤٹ ريچ ٹيم کی جانب سے پاڈکاسٹ کی پہلی قسط۔

آپ کے سوالات اور آراء کا انتظار رہے گا۔



فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
www.state.gov
http://www.facebook.com/USDOTUrdu

 

[فاتح]

ساری دنیا فارغ بیٹھی ہے نا کہ یہ جھوٹ اور مکاری سے بھری ویڈیوز دیکھے گی۔۔۔ سب جانتے ہیں ان میں کیا اول فول بکا گیا ہو گا۔۔۔ لاکھوں معصوم بے گناہ لوگوں کو قتل کرنے کی کیا کیا انوکھی مگر ناقابلِ یقین وجوہات بتائی گئی ہوں گی۔
ڈيجيٹل آؤٹ ريچ ٹيم: سفاک قاتلوں کے سفارت کار
وہی حیوانیت اور امریکیت (بربریت) جو طالبان اسلام کے جھنڈے تلے کرتے ہیں تمھارے آقا وہی حیوانیت اور امریکیت امریکا کے جھنڈے کے سائے میں کرتے ہیں۔
تم نے اپنے پیدا کردہ حیوانوں (طالبان) سے ویڈیو کے ذریعے پیغامات نشر کرنا بھی سیکھ لیا۔

 

[شمشاد]

جھوٹ کا بول بالا۔

 

[میر انیس]

تم لوگ کیا ہمارے شبہات دور کرو گے اسرائیل کی غنڈہ گردی تم کو کبھی نظر نہیں آئے گی مشرقی تیمور میں عیسائی آبادی ہونے کی وجہ سے تم نے فوراََ اسکی حمایت کی اور اسکو انڈونیشیا سے الگ کردیا مگر القدس پر ناجائز قبضہ تم کو کبھی نظر نہیں آئے گا وہاں پر ہونے والے مظالم تم کو کبھی نظر نہیں ائیں گے ایران تو تم کو دہشت گرد اسلئے نظر آتا ہے کہ وہ ایٹم بم بنانے کی کوشش کر رہا ہے پر اسرائیل میں موجود سینکڑوں ایٹم بم تم کو نظر نہیں آتے۔ تم کوئی نہ کوئی بہانہ بنا کر اسلامی ممالک پر قبضہ کرتے جارہے ہو تمہاری ہر جنگ بعد میں بلا جواز ہی نکلتی ہے ذرا یہ تو بتاؤ کہ وہ کونسے کیمیائی ہتھیار تھے جن کا بہانہ بنا کر تم نے عراق پر قبضہ کیا تھا اب تو پورا عراق تمہارے قبضے میں ہے کہاں گئے وہ ہتھیار ؟ افغانستان پر تم نے حملہ اُسامہ کو پکڑنے کیلئے کیا تھا اب تو وہ قصہ ختم ہوا اب یہاں سے دفع کیوں نہیں ہوجاتےکیا سارے غیر مسلم ممالک دودھ کے دھلے ہیں اور دہشت گرد صرف مسلم ہیں کبھی عراق کبھی افغانستان کبھی ایران کبھی لیبیا کبھی شام اور ہوسکتا ہے کبھی پاکستان بھی تمہاری لسٹ میں شامل ہو تم کو کوئی کیوں ایک آنکھ نہیں بھاتا تم نے ہی کیوں سب کا درد اپنے سینے میں لیا ہوا ہے خدا کے واسطے سب کو جینے کا حق دو یا پھر سب سے پہلے اپنے ایٹمی ہتھیار ختم کرو اگر یہ ایران اور پاکستان کیلئے ایک گناہ ہے کہ انکے پاس ایٹمی ہتھیار ہوں تو تم نے تو ہزاروں کی تعداد میں رکھیں ہوئے ہیں وہ کیا تم لوگوں نے شو پیس کے طور پر رکھے ہوئے ہیں

 

[فاتح]

سب سے پہلے اپنے ایٹمی ہتھیار ختم کرو اگر یہ ایران اور پاکستان کیلئے ایک گناہ ہے کہ انکے پاس ایٹمی ہتھیار ہوں تو تم نے تو ہزاروں کی تعداد میں رکھیں ہوئے ہیں وہ کیا تم لوگوں نے شو پیس کے طور پر رکھے ہوئے ہیں

ساری دنیا میں ایک یہی تو وہ سفاک اور درندہ صفت قوم ہے جس نے شو پیس کے لیے نہیں رکھے ہوئے۔ یہی تو وہ واحد درندے ہیں جنہوں نے اصلی ایٹم بم اصلی انسانوں پر چلا کر "کامیاب تجربات" کیے اور ایک سیکنڈ میں کئی لاکھ معصوم اور بے گناہ انسانوں کو جلا دیا اور کئی نسلوں کو معذور بنا دیا۔
ہاں! ان درندوں کے علاوہ باقی تمام دنیا کے ایٹم بم شو پیس ہیں۔۔۔ شرم اور غیرت کی کمی ہے کہ چلو بھر پانی میں ڈوب نہیں مرتی یہ سفاک قوم یہ جھوٹ بولتے ہوئے کہ آج انہیں یہ پریشانی کھائے جاتی ہے کہ ایٹم بم انسانیت کے لیے کتنا بڑا خطرہ ہے۔۔۔ پہلا ایٹم بم بنانے والی یہ قوم، اسے انسانوں پر استعمال کرنے والی یہ واحد قوم اور یہی قوم ڈھنڈورا پیٹتی ہے کہ کہیں ان کے علاوہ کوئی دوسرا ملک اسے استعمال نہ کر لے۔

 

[فاتح]

یہ ویڈیوز ہمیں دکھانے کی بجائے اپنے ان معدودے چند غیرت مند اور با ضمیر مگر بزدل فوجیوں کو دکھاؤ جو امریکی حکومت کی امریکیت (بربریت)، درندگی اور سفاکی کا حصہ تو بنتے ہیں لیکن لاکھوں معصوم انسانوں کو قتل کرنے کے بعد اپنے ضمیر کا بوجھ نہیں سہہ پاتے اور خود کشی کر لیتے ہیں۔ تا کہ شاید امریکی فوجیوں کی خود کشیوں کی ماہانہ تعداد میں کچھ کی کمی واقع ہو سکے۔

 

[علی خان]

فواد
جب عیسائی اور یہودی ہمارے دوست ہو ہی نہیں ہو سکتے ہیں۔ تو پھر گول گول گھومنے سے تمھارا کیا مطلب۔ یہ سب تو ہر مسلمان پر واضح ہے۔ کہ یہ ہمارے دوست ہے ہی نہیں۔
ایک کہاوت ہے۔ منہ میں رام رام بغل میں چھری۔