ڈیرہ اسماعیل خان، مڈھی روڈ پردھماکا،مقامی رہنما سمیت3افراد جاں بحق

[اقبال جہانگیر]

ڈیرہ اسماعیل خان، مڈھی روڈ پردھماکا،مقامی رہنما سمیت3افراد جاں بحق

04 اگست 2014 (11:00)

ڈی آئی خان(مانیٹرنگ ڈیسک )مڈھی روڈ پر گاڑی کے قریب دھماکے میں سرائیکی پارٹی کے سابق امیدوار گارڈ اور مرید سمیت جاں بحق ہوگئے ہیں ۔تفصیلات کے مطابق پاکستان سرائیکی پارٹی کے سابق امیدوار اور کلاچی کی روحانی شخصیت فقیر جمشید کلاچی سے ڈیرہ اسماعیل خان سٹی کی جانب آ رہے تھے کہ مڈھی گاﺅں کے قریب ریموٹ کنٹرول بم سے ان کی گاڑی کو نشانہ بنایا گیا جس سے گاڑی تباہ اوراس میں سوار تینوں افراد جاں بحق ہو گئے۔ واضح رہے کہ فقیر جمشید نے 2013ءکے الیکشن سے قبل تحریک انصاف میں شمولیت اختیار کی تھی لیکن ٹکٹ نہ ملنے کے رنج میں پی ٹی آئی چھوڑ کر پاکستان سرائیکی پارٹی میں شامل ہوگئے اور این اے 24 ڈیرہ اسماعیل خان 1 سے قومی اسمبلی کا الیکشن لڑا ،فقیر جمشید کے والد روحانی پیشوا تھے اوران کی وفات کے بعد فقیر جمشید درگاہ نوری شاہ کے سجادہ نشین بنے اور ان کے مریدوں کی بڑی تعداد پنجاب سے تعلق رکھتی ہے۔ قانون نافذ کرنے والے ادارے اور امدادی ٹیموں نے جائے وقوعہ پر پہنچ کر لاشوں کو نزدیکی ہسپتال منتقل کیا اور ارد گرد کے علاقوں میں سرچ آپریشن شروع کر دیا گیا ہے ۔

http://dailypakistan.com.pk/dera-ismail-khan/04-Aug-2014/129108

 

[قیصرانی]

انا للہ و انا الیہ راجعون

 

[اقبال جہانگیر]

آج انسانیت کو دہشت گردی کے ہاتھوں شدید خطرات لاحق ہیں کیونکہ دہشت گردی مسلمہ طور پر ایک لعنت و ناسور ہے نیز دہشت گرد نہ تو مسلمان ہیں اور نہ ہی انسان۔ گذشتہ دس سالوں سے پاکستان دہشت گردی کے ایک گرداب میں بری طرح پھنس کر رہ گیا ہے۔
دہشتگرد ملک کو اقتصادی اور دفاعی طور پر غیر مستحکم اور تباہ کرنے پر تلے ہوئے ہیں اور ملک اور قوم کی دشمنی میں اندہے ہو گئے ہیں .طالبان دہشت گرد ،اسلام کے نام پر غیر اسلامی حرکات کے مرتکب ہورہے ہیں. طالبان پاکستان کو نقصان پہنچا کر ملک میں عدم استحکام پیدا کرناچاہتے ہیں۔طالبان کے حملوں کی وجہ سے ملک کو اب تک 102.51ارب ڈالر کا اقتصادی نقصان ہو چکا ہے اور یہ نقصان جاری ہے۔گزشتہ تین سال کے دوران معیشت کو 28 ارب 45 کروڑ 98 لاکھ ڈالرکا نقصان اٹھانا پڑا .دہشت گردی، خودکش حملے اور بم دھماکے اسلام میں جائز نہیں یہ اقدام کفر ہے.
اسلام امن اور سلامتی کا دین ہے اور اس میں انتہا پسندی، فرقہ واریت اور دہشت گردی جیسی برائیوں کی کوئی گنجائش نہیں۔ اسلام میں ایک بے گناہ فرد کا قتل ، پوری انسانیت کا قتل ہوتا ہے.معصوم شہریوں، عورتوں اور بچوں کو دہشت گردی کا نشانہ بنانا، قتل و غارت کرنا، بم دہماکے کرنا،خود کش حملوں کا ارتکاب کرنا دہشتگردی ہے ،جہاد نہ ہے،جہاد تو اللہ کی راہ میں ،اللہ تعالی کی خشنودی کے لئےکیا جاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیا چاکلیٹ ذہین اور فطین بناتی ہے؟
https://awazepakistan.wordpress.com