کراچی میں طالبان کے 40گروپوں کی سرگرمیوں کا انکشاف

[اقبال جہانگیر]

کراچی میں طالبان کے 40گروپوں کی سرگرمیوں کا انکشاف

03 جولائی 2014 (02:03)

کراچی(مانیٹرنگ ڈیسک) شہر میں کالعدم تحریک طالبان کے 40 گروپوں اور سواتی گروپ کے 150سے زائددہشتگردوں کے موجود ہونے کا انکشاف ہوا ہے۔پولیس حکام کے مطابق شہر قائد کا امن تباہ کرنے میں کالعدم تحریک طالبان پاکستان کے 40 گروپ ملوث ہیں اور ہر گروپ نے اپنا علیحدہ کمانڈ اینڈ کنٹرول سسٹم بنا رکھا ہے۔ شہر میں صرف سواتی گروپ کے ہی 150 سے زائد دہشت گرد متحرک ہیں جو پولیس اہلکاروں کی ٹارگٹ کلنگ کے علاوہ تھانوں پر بھی حملے کرتے ہیں۔ ذرائع کا کہنا ہے کہ سواتی گروپ کے یہ خونخوار دہشت گرد صرف اپنے ساتھیوں کے ساتھ منسلک ہیں۔ یہ کسی دوسرے گروپ کے ساتھ مل کر کام نہیں کرتے جس کے باعث ان کے بارے میں معلومات انتہائی مشکل سے ملتی ہیں۔ ٹارگٹڈ آپریشن سے سواتی گروپ کا نیٹ ورک تباہ توہوا لیکن ختم نہیں ہو سکا۔ قانون نافذ کرنے والے اداروں نے ان دہشت گردوں سے نمٹنے کے لئے حکمت عملی تیار کر لی ہے جس کے تحت سواتی اور دیگر طالبان گروپوں کے خلاف سخت کارروائی کی جائے گی۔

http://dailypakistan.com.pk/karachi/03-Jul-2014/119035

 

[اقبال جہانگیر]

طالبان کب تک پاکستان میں دندناتے رہے گئے اور عام پر امن شہریوں کی زندگی کے لئے خطرہ بنے رہیں گے؟ اس وقت دنیا کو سب سے بڑا درپیش چیلنج دہشت گردی ہے ۔ دہشت گردی کا اسلام سے کوئی تعلق نہ ہے اور یہ قابل مذمت ہے۔ طالبان ایک رستا ہوا ناسور ہیں اور اس ناسور کا خاتمہ ہونا ضروری ہے۔ دہشت گرد گولی کے زور پر اپنا سیاسی ایجنڈا پاکستان پر مسلط کرنا چاہتے ہیں ۔ نیز دہشت گرد قومی وحدت کیلیے سب سے بڑاخطرہ ہیں۔اسلام امن،سلامتی،احترام انسانیت کامذہب ہے لیکن چندانتہاپسندعناصرکی وجہ سے پوری دنیا میں اسلام کاامیج خراب ہورہا ہے۔ اسلامی ریاست کیخلاف مسلح جدوجہد حرام ہے۔ اِنتہاپسندوں کی سرکشی اسلام سے کھلی بغاوت ہے. طالبان دہشت گرد ،اسلام کے نام پر غیر اسلامی حرکات کے مرتکب ہورہے ہیں۔ اسلام میں دہشت گردی اور خودکش حملوں کی کوئی گنجائش نہیں اور طالبان،لشکر جھنگوی اور دوسری کالعدم جماعتیں اور القاعدہ دہشت گرد تنظیمیں ہولناک جرائم کے ذریعہ اسلام کے چہرے کو مسخ کررہی ہیں۔ مذہب، عقیدے اور کسی نظریے کی بنیاد پر قتل وغارت گری اور دہشت گردی ناقابل برداشت ہے ۔جسکی اسلام سمیت کسی مہذب معاشرے میں گنجائش نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
روزے کے طبی فوائد
http://awazepakistan.wordpress.com

 

[سید زبیر]

کمال ہے یہ جانتے ہوئے بھی جماعت اسلامی ، مولانا سمیع الحق ، عمران خان اُن کے لئے نرم گوشہ رکھتے ہیں ۔میاں برادران کالعدم شدت پسند تنظیموں کے ہمدرد رہے ۔