کربل کی کہانی جب کوئی بھی سنائے گا (نوحہ)

[سیدہ شگفتہ]

​

​

کربل کی کہانی جب کوئی بھی سنائے گا​

دل والوں کی آنکھوں سے اک دریا بہائے گا​

وہ قافلہ سرور کا جو شان سے نکلا تھا​

صغراٰ کو خبر کیا تھی نہ لوٹ کے آئے گا​

زہراء​

زہراء​

پرسہ لو بہتر کا​

​

ٹوٹی ہے کمر شہ کی ، گھبرا نہ مگر اکبر​

فرزند نبی تیری میت کو اٹھائے گا​

زہراء​

زہراء​

اکبر کا بھی پرسہ لو​

​

سوتے ہی نہ تھے اصغر ، جھولے میں تڑپتے تھے​

مادر کو خبر کیا تھی ، اک تیر سلائے گا​

زہرا ء​

زہراء​

اصغر کا بھی پرسہ لو​

​

پامال ہوا قاسم جب گھوڑوں کی ٹاپوں سے​

کس طرح چچا تیری میت کو اٹھائے گا​

زہراء​

زہرا ء​

قاسم کا بھی پرسہ لو​

​

تھا ہاتھوں کے کٹنے کا کچھ غم نہ دلاور کو​

سیدانیوں کا پردہ اب کون بچائے گا​

زہراء​

زہراء​

عباس کا پرسہ لو​

​

سرور نے اٹھائے تھے سب ساتھیوں کے لاشے​

شبیر تیرا لاشہ اب کون اٹھائے گا​

زہراء​

زہراء​

شبیر کا پرسہ لو​

​

​

(صاحب کلام : نامعلوم)​

​

 

[سید زبیر]

سبحان اللہ
کربل کی کہانی جب کوئی بھی سنائے گا
دل والوں کی آنکھوں سے اک دریا بہائے گا