کرن کرن سورج

[پاکستانی]

اللہ کے ذکر کے بغیر اطمینان قلب میسر نہیں آ سکتا۔ جس عمل سے اطمینان قلب میسر آئے وہ عمل بھی ذکر کا حصہ ہے۔ جس مقام یا انسان کے قرب سے اطمینان قلب حاصل ہو وہ مقام اور انسان بھی اللہ کے ذکر سے متعلق ہے مثلا ذکر سے اطمینان ہے تو ذاکر سے بھی اطمینان ملے گا اور مقام ذکر بھی باعث اطمینان قلب و جاں ہو گا، یوں کہیے کہ خانہ کعبہ کی زیارت، مدینہ منورہ کی حاضری، کربلا معلٰے کی حاضری، بزرگان دین کے آستانوں کی حاضری، اپنے مشائخ عظام کے در دولت پر حاضری سب ہی اطمینان کے ابواب ہیں اور یہ سب ذکرالہی کی عظیم منزل کے عظیم راستے کے مقامات ہیں۔ نیت اللہ ہو، تو سارا سفر اللہ کا ذکر ہے۔

 

[پاکستانی]

اللہ کے راز اللہ ہی جانتا ہے۔ اللہ کی باتیں اللہ جانے یا اللہ کے حبیب صلی اللہ علیہ وسلم جانیں۔ ہم مشیت الہٰی کو نہیں سمجھ سکتے بلکہ ہم تو اپنی مشیت کو بھی نہیں سمجھ سکتے۔ موسٰی علیہ السلام نہ سمجھ سکے کہ ان کا ساتھی کیا کر رہا ہے، کشتی کیوں توڑی گئی، بچہ کیوں قتل ہوا، دیوار یتیم کیوں مرمت کیوں مرمت کی گئی ۔۔۔۔۔ ایک پیغمبر کو سمجھ نہ آ سکی۔ یعقوب علیہ السلام کو یہ پتہ نہ چل سکا کہ ان کا جدا ہو جانے والا بیٹا کس حال میں ہے۔ یہ اللہ کے کام ہیں۔ اللہ نہ چاہے تو کون جان سکتا ہے۔اللہ کو ماننا چاہیے، اللہ کو جاننا مشکل ہے، ہمارے ذمے تسلیم ہے، تحقیق نہیں۔ تحقیق دنیا کی کرو اور تسلیم اللہ کی۔ کہیں ایسا نہ ہو کہ ہم دنیا کو تسلیم کر لیں اور اللہ کی تحقیق کرنا شروع کر دیں۔

 

[پاکستانی]

ترقی کے لئے محنت و مجاہدہ ضروری ہے، لیکن یہ نہ بھولنا چاہیے کہ مجاہدہ ایک گدھے کو گھوڑا نہیں بنا سکتا۔

 

[پاکستانی]

ولیوں کی صحبت میں رہو ۔۔۔۔۔۔ سکون مل جائے گا
فرض اور شوق یکجا کردو ۔۔۔۔۔۔۔ سکون مل جائے گا
کسی کا سکون برباد نہ کرو ۔۔۔۔۔ سکون مل جائے گا
دل سے کدورت نکال دو ۔۔۔۔۔۔۔۔ سکون مل جائے گا
ذکر سے محویت حاصل کرو ۔۔۔۔ سکون مل جائے گا

 

[پاکستانی]

بدی کی تلاش ہو تو اپنے اندر جھانکو، نیکی کی تمنا ہو تو دوسروں میں ڈھونڈو۔

 

[پاکستانی]

سب سے بڑی قوت، قوت برداشت ہے

 

[پاکستانی]

کچھ لوگ زندگی میں مردہ ہوتے ہیں اور کچھ مرنے کے بعد زندہ۔

 

[پاکستانی]

خیال بدل سکتا ہے لیکن امر نہیں ٹل سکتا۔

 

[پاکستانی]

عافیت اس بات میں نہیں کہ ہم معلوم کریں کہ کشتی میں سوراخ کون کر رہا ہے، عافیت اس بات میں ہے کہ کشتی کنارے لگے

 

[پاکستانی]

غیر یقینی حالات پر تقریریں کرنے والے، کتنے یقین سے اپنے مکانوں کی تعمیر میں مصروف ہیں

 

[پاکستانی]

توبہ جب منظور ہو جاتی ہے تو یاد گناہ بھی ختم ہو جاتی ہے۔

 

[پاکستانی]

توبہ منظور ہو جائے تو وہ گناہ دوبارہ کبھی سرزد نہیں ہو سکتا۔

 

[پاکستانی]

توبہ کے بعد گناہ کی یاد بھی گناہ ہے۔

 

[پاکستانی]

اس دنیا میں انسان نہ کچھ کھوتا ہے نہ پاتا ہے۔ وہ تو صرف آتا ہے اور جاتا ہے۔

 

[پاکستانی]

تکلیف آتی ہے؛۔
ہمارے اعمال کی وجہ سے۔
ہماری وسعت برداشت کے مطابق۔
اللہ کے حکم سے۔
ہر تکلیف ایک پہچان ہے اور یہ ایک بری تکلیف سے بچانے کے لئے آتی ہے۔

 

[پاکستانی]

گناہوں میں مبتلا انسان کا دعاؤں پر یقین نہیں رہتا۔

 

[پاکستانی]

جس کا رسالت صلی اللہ علیہ وسلم پر ایمان نہ ہو وہ موحد بھی کافر ہے۔

 

[پاکستانی]

اس بیٹے کا ذکر کیا جو صرف باپ کے حوالے سے پہچانا جائے۔

 

[پاکستانی]

اگر چھت گرنے لگے تو بھاگ جاؤ اور آسمان گرنے لگے تو ٹھہر جاؤ۔

 

[پاکستانی]

جب نبی کی وراثت مورثی نہیں تو اولیاء کی وراثت کس طرح مورثی ہو گئی؟ گدی نشینی کا تصور! غور طلب ہے۔