کرکٹ کمنٹری سکرپٹ کی تجویز

[نبیل]

السلام علیکم،
میرے ذہن میں کافی عرصے سے کرک انفو کے لائیو سکور کارڈ کی طرز پر ایک سکرپٹ تیار کرنے کا آئیڈیا موجود ہے۔ اگر پی ایچ پی اور مائی ایس کیو ایل پر مبنی ایسی کوئی اوپن سورس سکرپٹ تیار ہو جائے تو اس سے ویب سائٹس پر کرکٹ میچوں کی لائیو اپڈیٹ اور ان پر کمنٹری فراہم کرنے میں آسانی ہوجائے گی۔ میرے خیال میں اس سکرپٹ کی ڈیویلپمنٹ کا آغاز اگر صرف بنیادی functionality سے کیا جائے تو اسے ڈیویلپ کرنا زیادہ مشکل نہیں ہونا چاہیے۔ میرے ذہن میں ایسی سکرپٹ کے لیے ایک ایڈمن بیک اینڈ ہے جہاں پہلے کسی نئے میچ کا اندراج کیا جائے گا اور اس کے بعد اس میچ پر بال ٹو بال اپڈیٹ فراہم کی جائے گی۔ دوسری جانب ایک فرنٹ اینڈ ہوگا جہاں پیج از خود ریفریش ہوگا اور ہر ریفریش کے ساتھ ڈیٹابیس سے تازہ انفارمیشن صفحے پر دکھائی جائے گی۔
آپ دوست اس تھریڈ میں مجوزہ پراجیکٹ سے متعلق برین سٹورمنگ کر سکتے ہیں۔ میری گزارش ہے کہ یہاں گفتگو کو صرف موضوع سے متعلق رکھیں۔
والسلام

 

[دوست]

اس کو اپڈیٹ کہاں سے کیا جائے گا؟
مطلب اس کے لیے اعداد و شمار کہاں سے وصول کیے جائیں گے؟

 

[محمد کاشف مجید]

نہائیت عمدہ تجویز ہے، کیا یہ مکمل اردو میں ہو گا یا انگلش زبان کی سہولت بھی دی جائے گی۔ اور دوسرا کیا فرنٹ پینل میٹا ریفریش ٹیگ سے ریفریش ہو گا یا ایجکس ٹیکنالوجی استعمال ہو گی

 

[نبیل]

اس کو اپڈیٹ کہاں سے کیا جائے گا؟
مطلب اس کے لیے اعداد و شمار کہاں سے وصول کیے جائیں گے؟

اعداد و شمار کی اپڈیٹ‌ خودکار طریقے سے نہیں ہوگی بلکہ کسی کو بال ٹو بال انفارمیشن اپڈیٹ کرنا ہوگی۔

نہائیت عمدہ تجویز ہے، کیا یہ مکمل اردو میں ہو گا یا انگلش زبان کی سہولت بھی دی جائے گی۔ اور دوسرا کیا فرنٹ پینل میٹا ریفریش ٹیگ سے ریفریش ہو گا یا ایجکس ٹیکنالوجی استعمال ہو گی

ابھی سے اردو یا انگریزی کی تفریق کرنے کی ضرورت شاید نہیں ہے۔ ویسے بھی لینگویج سٹرنگز کو علیحدہ کرکے اس میں مختلف زبانوں کی سپورٹ شامل کرنا ممکن ہوگا۔ جہاں تک فرنٹ اینڈ کے ریفریش کا تعلق ہے تو اس بارے میں مجھے زیادہ علم نہیں ہے کہ وقفے وقفے سے پیج ریفریش ہونے کے کیا مکینزم دستیاب ہیں۔ کرک انفو پر شاید میٹا ٹیگز کا ہی استعمال ہوتا ہے۔

 

[محمد کاشف مجید]

کرک انفو پہلے میٹا ٹیگ استعمال کر رہا تھا، جب سے ای ایس پی این نے اس کی ملکیت لی ہے یہ ایجکس کا استعمال کر رہا ہے

 

[محمد کاشف مجید]

نبیل اس کا جو خاکہ آپ کے ذہن میں ہے آپ اس کو یہاں بیان کر دیں تو پھر ہم اس کو بنیاد بنا کر کے اس پراجیکٹ کو آگے لے کر چل سکتے ہیں۔ اس دوران میں بھی اپنے ذہن کے مطابق Data Flow Diagram بنا کر اسے شئیر کرتا ہوں

 

[نبیل]

کاشف، میں کوشش کروں گا کہ اس اپلیکیشن کا کوئی سکیچ بنا کر یہاں فراہم کر دوں۔ آپ کے ذہن میں جو ڈیٹا فلو ڈایاگرام ہے، اسے ضرور یہاں شئیر کریں۔ میرے خیال میں اس فیز میں تکنیکی گہرائیوں میں جانے کی بجائے ہائی لیول ریکوائرمنٹس پر ہی بات چیت ہونی چاہیے۔
مجھے کرک انفو پر ایجیکس کا استعمال محسوس نہیں ہوا کیونکہ ہر اپڈیٹ کے ساتھ پیج ریفریش ہوتا نظر آتا ہے۔

 

[ابن سعید]

کیا اسے علیحدہ ویب سائٹ کی شکل میں لانچ کرنے کا ارادہ ہے یا پلگ ان کی شکل میں؟

 

[نبیل]

ابن سعید، فی الحال تو میں اسکی ڈیویلپمنٹ کو فورم سوفٹویر سے علیحدہ ہی رکھنا چاہوں گا۔ البتہ اگر اس کی ڈیویلپمنٹ کا واقعی آغاز ہو جاتا ہے تو اسے ضرور فورم میں انٹگریٹ کرنا چاہوں گا۔

 

[ابن سعید]

نبیل بھائی بالکل بنیادی شکل میں تو ایسا ایک ابتدائی ایپلیکیشن ریلس میں‌تیار کروں تو بمشکل آدھے گھنٹے لگیں گے۔ لیکن اس کی افادیت تبھی زیادہ ہو سکتی ہے جب اسے پلگ ان کی شکل میں تیار کیا جائے یا ایک عدد جاوا اسکرپٹ اے پی آئی فراہم کر دی جائے۔ اور یہ پلگ ان ضروری نہیں کہ محفل کو نگاہ میں رکھ کر تیار کیا جائے بلکہ اسے کسی بھی سائٹ، بلاگ یا فورم میں شامل کیا جا سکے۔ لیکن ایک سوال یہ ہے کہ کرک انفو وغیرہ جیسی سائٹوں کے ہوتے ہوئے جہاں ایک پوری ٹیم ڈاٹا اینٹری پر کام کرتی ہے اور نتائج مفت فراہم کرتی ہے، کیا ہمیں واقعی ایسے ایپلیکیشن کی ضرورت ہے؟

 

[نبیل]

ابن سعید، میرا کرک انفو سے کمپیٹ کرنے کا ارادہ نہیں ہے۔ اصل میں میرے ذہن میں فورم کو رکھ کر ہی اس نظام کا خیال آیا تھا۔ میرا آئیڈیا ایسے سسٹم کا ہے جس میں کسی میچ کے کے لیے ایک تھریڈ شامل کیا جائے اور ہر اپڈیٹ کے لیے نئی پوسٹ شامل ہو۔ اس میں فورم کے حاضرین کے تبصرہ کرنے کی گنجائش بھی موجود ہونی چاہیے۔ اس کے علاوہ یہ بھی ممکن ہے کہ کوئی اور سائٹ بھی کرکٹ کی لائیو اپڈیٹ فراہم کرنا چاہے۔ عام طور پر کامیاب ویب سائٹس کی functionality کو ریپلیکیٹ کرنے کے لیے نئے سی ایم ایس سامنے آ جاتے ہیں۔ مثال کے طور پر چند ایک میچ میکنگ یا رشتہ ڈھونڈنے والی سائٹس کامیاب ہوئیں تو مارکٹ میں اس مقصد کے لیے سپیشلائزڈ سکرپٹس بھی دستیاب ہو گئیں۔ بہرحال یہاں گفتگو کا مقصد برین سٹارمنگ ہے۔ دیکھنا یہی ہے کہ یہ آئیڈیا قابل عمل ہے یا نہیں۔

 

[محمد کاشف مجید]

مجھے کرک انفو پر ایجیکس کا استعمال محسوس نہیں ہوا کیونکہ ہر اپڈیٹ کے ساتھ پیج ریفریش ہوتا نظر آتا ہے۔

جی آپ درست کہہ رہے ہیں، کرک انفو واقعی میٹا ریفریش ٹیگ استعمال رہی ہے۔

<meta http-equiv="refresh" content="20" />

جو اس پیج پر نظر آیا ہے

 

[ابن سعید]

ابن سعید، میرا کرک انفو سے کمپیٹ کرنے کا ارادہ نہیں ہے۔ اصل میں میرے ذہن میں فورم کو رکھ کر ہی اس نظام کا خیال آیا تھا۔ میرا آئیڈیا ایسے سسٹم کا ہے جس میں کسی میچ کے کے لیے ایک تھریڈ شامل کیا جائے اور ہر اپڈیٹ کے لیے نئی پوسٹ شامل ہو۔ اس میں فورم کے حاضرین کے تبصرہ کرنے کی گنجائش بھی موجود ہونی چاہیے۔ اس کے علاوہ یہ بھی ممکن ہے کہ کوئی اور سائٹ بھی کرکٹ کی لائیو اپڈیٹ فراہم کرنا چاہے۔ عام طور پر کامیاب ویب سائٹس کی functionality کو ریپلیکیٹ کرنے کے لیے نئے سی ایم ایس سامنے آ جاتے ہیں۔ مثال کے طور پر چند ایک میچ میکنگ یا رشتہ ڈھونڈنے والی سائٹس کامیاب ہوئیں تو مارکٹ میں اس مقصد کے لیے سپیشلائزڈ سکرپٹس بھی دستیاب ہو گئیں۔ بہرحال یہاں گفتگو کا مقصد برین سٹارمنگ ہے۔ دیکھنا یہی ہے کہ یہ آئیڈیا قابل عمل ہے یا نہیں۔

یعنی آپ چاہتے ہیں کہ کہیں کوئی ایڈمن پیج ہو جہاں سے اسکور انٹری ہو اور اس کے فوراً بعد ایک باٹ اسکرپٹ محفل لے کسی مخصوص دھاگے میں ایک عدد پیغام شامل کر دے؟

 

[ابن سعید]

پیج ریفریش کرنے کے لئے میٹا ٹیگ کا استعمال کرنے سے یہ فائدہ ہوتا ہے کہ ان لوگوں کو بھی اپڈیٹ فراہم کیا جا سکتا ہے جو سکیورٹی کو مد نظر رکھتے ہوئے جاوا اسکرپٹ آف رکھتے ہیں۔ اور کرک انفو جیسی سائٹوں کے لئے یہ بات اہمیت کی حامل ہے کہ وہ زیادہ سے زیادہ صارفین تک اپنی خدمات مہیا کرائیں۔ جبکہ ہم اپنی ضرورت کے لئے یہ مان سکتے ہیں کے ہمارے سبھی صارفین جاوا اسکرپٹ فعال رکھیں گے۔ ویسے بھی جاوا اسکرپٹ غیر فعال رکھنے والوں کی تعداد بہت کم ہوتی ہے۔ اجاکس کے استعمال سے پرینٹیشن زیادہ بہتر کی جا سکتی ہے۔

 

[نبیل]

جی بالکل میں ایسا ہی چاہتا ہوں۔ البتہ اپڈیٹ کے لیے کسی بوٹ کا استعمال کرنے کی بجائے براہ راست فورم کی اے پی آئی کے ذریعے ہی نئی پوسٹ کا اضافہ کرنے کا آئیڈیا ہے۔

 

[پردیسی]

کرکٹ اسکور بورڈ

اچھا آئیڈیا ہے
میرے ذہن میں اس کے دو آسان سے حل ہیں
1۔ایک سادہ سا HTML پیج پر ٹیبل بنا کر اسے اپ ڈیٹ کیا جاتا رہے اور ایک آئی فریم کوڈ مہیا کر دیا جائے۔
ہم ویسے الیکشن کے رزلٹ میں یہی طریقہ استمال کرتے ہیں

2۔ایک عدد Google Gadgets بنا دیا جائے اور اس میں فورم کے ایک سیکشن کی فیڈ ایڈ کر دی جائے۔جسے کرکٹ کے اسکور کی اپڈیٹ کے لئے مخصوص کیا گیا ہو۔اس Google Gadgets کے کوڈ کو فورم پر مہیا کر دیا جائے۔جوں جوں آپ کے سیکشن پر پوسٹ اپ ڈیٹ ہوتی جائے گی۔تب تب فیڈ سے ہر جگہ مہیا ہوگی۔
Google Gadgets کو میں نے نیوز اردو کے لئے بھی استمال کیا ہوا ہے اور اس کا رزلٹ بہت بہتر ہے