کسی گہرے نشے سے زندگانی لُوٹ جاتی ہیں: غزل برائے اصلاح
- صاحب لڑی عمران سرگانی
- تاریخ ابتداء
عمران سرگانی
محفلین
جی سر۔۔۔ لگا ہوا ہوں کوئی متبادل خیال ذہن میں آتا ہے تو اسے تبدیل کرتا ہوں۔۔۔
عمران سرگانی
محفلین
سر یہ مطلع کیا درست ہے؟؟؟
ہمیشہ ان سے وابستہ امیدیں ٹوٹ جاتی ہیں
بھلا کیوں چاہتیں بیزار ہو کر روٹھ جاتی ہیں
عمران سرگانی
محفلین
سر بیزاری کی خیر ہے بس روٹھنا نہیں۔۔۔ ہاہا
عمران سرگانی
محفلین
سر الف عین شاہد شاہنواز بھائی
یہ مطلع کیسا رہے گا؟؟؟
تمہیں کیسے بتائیں ، سب امیدیں ٹوٹ جاتیں ہیں
تمہارے روٹھنے سے چاہتیں بھی روٹھ جاتیں ہیں
یہ مطلع کیسا رہے گا؟؟؟
تمہیں کیسے بتائیں ، سب امیدیں ٹوٹ جاتیں ہیں
تمہارے روٹھنے سے چاہتیں بھی روٹھ جاتیں ہیں
شاہد شاہنواز
لائبریرین
مجھے تو مطلعے میں کوئی مسئلہ نہیں لگتا، ہو سکتا ہے محترم الف عین کو قافیے پر اعتراض ہو ۔۔۔
تمہارے کا ر اور روٹھنے کا ابتدائی حرف ر، آپس میں ٹکرا رہے ہیں۔۔۔
اگر تم روٹھتے ہو، چاہتیں بھی روٹھ جاتی ہیں
۔۔۔ یہاں جاتیں والا جو ن غنہ آپ نے استعمال کیا ہے، وہ صرف ایسی صورت میں درست ہے جب آگے ہیں یا ہے وغیرہ موجود نہ ہو۔۔۔ ورنہ صرف جاتی ہیں، آتی ہیں وغیرہ لکھتے ہیں۔۔۔
عمران سرگانی
محفلین
بہت شکریہ بھائی۔۔۔ چلو سر کی رائے کا انتظار کرتے ہیں۔۔۔
عمران سرگانی
محفلین
بہت شکریہ سر۔۔۔ ایک دوست نے کہا کہ "جاتیں ہیں " آنا چاہیے تو تسلی کے لئے ایسا کیا ورنہ مجھے بھی " جاتی ہیں " ہی درست لگا۔۔۔
الف عین
لائبریرین
بہت سے لوگ ایسے ہی 'لکھتیں' ہیں لیکن غلط ہے
محمد احسن سمیع راحلؔ
محفلین
ہائے مخلوط تقطیع میں تو محسوب نہیں ہوتی، غالباً اسی لئے ساتھ، ساتھ وغیرہ کو رات، بات، مات کا قافیہ تسلیم کیا جاتا ہے۔ کیا اسی اصول پر لُوٹ اور رُوٹھ قافیہ نہیں ہوسکتے؟
محمد احسن سمیع راحلؔ
محفلین
عزیزی عمران صاحب، آداب
تھوڑی فراغت تھی تو سوچا اپنی بھی دوکوڑی کی سناتا چلوں۔ اب قصور تو ہماری فراغت کا ہے، برداشت آپ کو کرنا پڑے گا
۱۔ مطلع ابھی تک پریشاں ہے، اور میری ناچیز رائے میں بیان درست نہیں۔ نشہ دے کر تو لوٹا جاتا ہے، نشے سے لوٹنا ٖغیرمانوس ہے! دوسرے یہ کہ ’’لوٹ‘‘ کے ساتھ ’’جاتی‘‘ بھی غیر فصیح معلوم ہوتا ہے۔ عموماً محاورے میں ’’لوٹ لیا‘‘ بولا جاتا ہے، تو درست بیاں ’’لوٹ لیتی ہیں‘‘ ہونا چاہیئے، مگر ظاہر ہے کہ اس طرح آپ کی ردیف خراب ہوتی ہے۔
۲۔ دوسرے شعر کے مصرعہِ ثانی میں ’’جوتیاں تو‘‘ کو ’’جوتیاں تک‘‘ کر لیں تو بیان میں اور شدت پیدا ہوجائے گی۔ ہاں یہ سوال اپنی جگہ باقی ہے کہ خود لفظ ’’جوتیاں‘‘ کا استعمال کتنا مناسب ہے اگرچہ میں ذاتی طور پر علاقائی زبانوں کے محدود تاثر کو برا نہیں سمجھتا۔ میرے تایا مرحوم کی رہائش نوشہرہ میں تھی اور وہ کئی بار اپنے اشعار میں پشتو کے الفاظ یا جملے استعمال کرتے تھے۔
۳۔ مقطع اور اس سے ماقبل کے شعر کے پہلے مصرعوں میں جان اور عمران کی ن معلن رکھیں گے وزن کا مسئلہ پیدا ہوگا کہ یہ بحر کے آخری رکن کے آخری جزو کے مقابل ہیں۔ یہاں اخفائے نون مطلوب ہے۔ باقی اشعار کی بنت کے حوالے سے تو اساتذہ نے مشورے فراہم کر ہی دیئے ہیں۔
دعاگو،
راحلؔ
عمران سرگانی
محفلین
بہت شکریہ راحل بھائی۔۔۔ ان باتوں پر پہلے ہی بحث ہو چکی۔۔۔ آپ لیٹ ہو گئے۔۔۔ اب غزل تقریباً مکمل ہے۔۔۔ ابھی پوسٹ کرتا ہوں۔۔۔ آپ ضرور رائے دیجئے گا۔۔۔عزیزی عمران صاحب، آداب
تھوڑی فراغت تھی تو سوچا اپنی بھی دوکوڑی کی سناتا چلوں۔ اب قصور تو ہماری فراغت کا ہے، برداشت آپ کو کرنا پڑے گا
۱۔ مطلع ابھی تک پریشاں ہے، اور میری ناچیز رائے میں بیان درست نہیں۔ نشہ دے کر تو لوٹا جاتا ہے، نشے سے لوٹنا ٖغیرمانوس ہے! دوسرے یہ کہ ’’لوٹ‘‘ کے ساتھ ’’جاتی‘‘ بھی غیر فصیح معلوم ہوتا ہے۔ عموماً محاورے میں ’’لوٹ لیا‘‘ بولا جاتا ہے، تو درست بیاں ’’لوٹ لیتی ہیں‘‘ ہونا چاہیئے، مگر ظاہر ہے کہ اس طرح آپ کی ردیف خراب ہوتی ہے۔
۲۔ دوسرے شعر کے مصرعہِ ثانی میں ’’جوتیاں تو‘‘ کو ’’جوتیاں تک‘‘ کر لیں تو بیان میں اور شدت پیدا ہوجائے گی۔ ہاں یہ سوال اپنی جگہ باقی ہے کہ خود لفظ ’’جوتیاں‘‘ کا استعمال کتنا مناسب ہے اگرچہ میں ذاتی طور پر علاقائی زبانوں کے محدود تاثر کو برا نہیں سمجھتا۔ میرے تایا مرحوم کی رہائش نوشہرہ میں تھی اور وہ کئی بار اپنے اشعار میں پشتو کے الفاظ یا جملے استعمال کرتے تھے۔
۳۔ مقطع اور اس سے ماقبل کے شعر کے پہلے مصرعوں میں جان اور عمران کی ن معلن رکھیں گے وزن کا مسئلہ پیدا ہوگا کہ یہ بحر کے آخری رکن کے آخری جزو کے مقابل ہیں۔ یہاں اخفائے نون مطلوب ہے۔ باقی اشعار کی بنت کے حوالے سے تو اساتذہ نے مشورے فراہم کر ہی دیئے ہیں۔
دعاگو،
راحلؔ
عمران سرگانی
محفلین
غزل
تمہیں کیسے بتائیں ، سب امیدیں ٹوٹ جاتی ہیں
اگر تم روٹھتے ہو ، چاہتیں بھی روٹھ جاتی ہیں
مجھے مایوس ہونے پر کہیں ، تُو لوٹ آئے گا
تری یادیں ہمیشہ بول کر یہ جھوٹ جاتی ہیں
برہنہ پاؤں چلنا پڑ گیا پُر خار صحرا میں
محبت کے سفر میں جوتیاں تک ٹوٹ جاتی ہیں
ترے بدلے ہوئے تیور مجھے جب یاد آتے ہیں
نہ جانے کیوں مرے ہاتھوں سے چیزیں چھوٹ جاتی ہیں
کہیں اس کے چلے آنے سے گل کھلتے ہیں صحرا میں
کہیں سوکھے ہوئے پیڑوں سے شاخیں پھوٹ جاتی ہیں
نہیں ممکن ، مقدر ساتھ دے ہر بار الفت میں
یہاں لوگوں کی اچھی قسمتیں تک پھوٹ جاتی ہیں
کبھی رہتا نہیں رشتہ کوئی مضبوط دنیا میں
یہاں برسوں پرانی یاریاں بھی ٹوٹ جاتی ہیں
ہمیشہ دیر سے گھر سے نکلتا ہوں جو میں عمران
مری منزل کو جاتی گاڑیاں سب چھوٹ جاتی ہیں
عمران سرگانی
تمہیں کیسے بتائیں ، سب امیدیں ٹوٹ جاتی ہیں
اگر تم روٹھتے ہو ، چاہتیں بھی روٹھ جاتی ہیں
مجھے مایوس ہونے پر کہیں ، تُو لوٹ آئے گا
تری یادیں ہمیشہ بول کر یہ جھوٹ جاتی ہیں
برہنہ پاؤں چلنا پڑ گیا پُر خار صحرا میں
محبت کے سفر میں جوتیاں تک ٹوٹ جاتی ہیں
ترے بدلے ہوئے تیور مجھے جب یاد آتے ہیں
نہ جانے کیوں مرے ہاتھوں سے چیزیں چھوٹ جاتی ہیں
کہیں اس کے چلے آنے سے گل کھلتے ہیں صحرا میں
کہیں سوکھے ہوئے پیڑوں سے شاخیں پھوٹ جاتی ہیں
نہیں ممکن ، مقدر ساتھ دے ہر بار الفت میں
یہاں لوگوں کی اچھی قسمتیں تک پھوٹ جاتی ہیں
کبھی رہتا نہیں رشتہ کوئی مضبوط دنیا میں
یہاں برسوں پرانی یاریاں بھی ٹوٹ جاتی ہیں
ہمیشہ دیر سے گھر سے نکلتا ہوں جو میں عمران
مری منزل کو جاتی گاڑیاں سب چھوٹ جاتی ہیں
عمران سرگانی
محمد احسن سمیع راحلؔ
محفلین
میرے لکھتے لکھتے ہی محفل میں ہنگامہ بپا ہوگیا تھا
عمران سرگانی
محفلین
نہیں جناب یہ کوئی ایک ماہ سے زیادہ عرصے کی بحث ہے جو تین صفحات پر مشتمل ہے۔۔۔ آپ صرف پہلا صفحہ ہی پڑھ پائے۔۔۔میرے لکھتے لکھتے ہی محفل میں ہنگامہ بپا ہوگیا تھا
محمد احسن سمیع راحلؔ
محفلین
عین ممکن ہے، وہ کیا ہے نہ، ہمارا صابن سلو ہے