بابا بلھے شاہ کلام بابا بلھے شاہ

[نیلم]

مکے جاویں تے پتھر پوجیں، گنگا جاویں تے پانی !!
چل بلھیئے کچھ ایسا کرئیے، مک جاوے آنی جانی

 

[محمود احمد غزنوی]

گل سمجھ لئی تے رولا کیہہ
رام رحیم تے مولا کیہہ

 

[نیرنگ خیال]

بلہے نوںسمجھاون آئیاں، بھیناں تے بھرجائیاں

من لے بلھیا ساڈا کہنا، چھڈ دے پلا رائیاں
آل نبی اولاد علی نوں توں کیوں لیکاں لائیاں؟

جیہڑا سانوں سید سدّے دوزخ ملن سزائیاں
جو کوئی سانوں رائیں آکھے، بہشتی پینگاں پائیاں

رائیں، سائیں سبھنی تھائیں، رب دیاں بے پروائیاں
سوہنیاں پرے ہٹائیاں، تے کوجھیاں لے گل لائیاں

جے توں لوڑیں باغ بہاراں، چاکر ہو جا رائیاں
بلہے شاہ دی ذات کیہ پچھنی؟ شاکر ہو رضائیاں​

 

[فرخ منظور]

نیرنگ خیال کیہ اے تسی کلام آپ ٹائپ کر دے پئے ہو؟ جے تے ٹائپ کر دے پئے ہو تے فیر نہ کرو کیونکہ اے سارا کلام ایس فورم وچ پوسٹ ہو چکیا ہے۔ اوتھوں چک لوو۔

 

[نیرنگ خیال]

نیرنگ خیال کیہ اے تسی کلام آپ ٹائپ کر دے پئے ہو؟ جے تے ٹائپ کر دے پئے ہو تے فیر نہ کرو کیونکہ اے سارا کلام ایس فورم وچ پوسٹ ہو چکیا ہے۔ اوتھوں چک لوو۔

کتاب تے ہے میرے کول۔۔ تے بوتی ٹیپا ٹاپی وی آپ ائ کردا پیاں واں۔۔ کتھے پوسٹ ہویا پیا ائے؟ تاگے دا کوئی سرا پھڑاؤں۔۔۔

 

[فرخ منظور]

کتاب تے ہے میرے کول۔۔ تے بوتی ٹیپا ٹاپی وی آپ ائ کردا پیاں واں۔۔ کتھے پوسٹ ہویا پیا ائے؟ تاگے دا کوئی سرا پھڑاؤں۔۔۔

اینوں ویکھو

 

[نیرنگ خیال]

اینوں ویکھو

وکھرا وکھرا پیا ائے۔۔ پر ہے تے وا وا سارا۔۔۔ ویکھدے آں۔۔۔ اوتھے پڑ لیا کراں گا۔۔ نئیں تے اوتھوں سارا چک کے ایتھے لے آواں گا۔ جزاک اللہ

 

[عدنان حسین چیمہ]

علموں بس کریں او یار
اِکّو اَلف تیرے دَرکار​

علم نہ آوے وچ شمار
اِکّو اَلف تیرے دَرکار
جاندی عمر نہیں اَتبار
علموں بس کریں او یار​

پڑھ پڑھ لکھ لکھ لاویں ڈھیر
ڈھیر کتاباں چار چُفیر
گردے چانن وچ اَنھیر
پچھو راہ ؟ تے خبر نہ سار​

علموں بس کریں او یار​

پڑھ پڑھ شیخ مشایخ ہویا
بھر بھر پیٹ نِیندر بھر سویا
جاندی وار نین بھر رویا
ڈبا وچ اُرار نہ پار​

علموں بس کریں او یار​

پڑھ پڑھ شیخ مشایخ کہاویں
الٹے مسئلے گھروں بناویں
بے علماں نوں لٹ لٹ کھاویں
چھوٹھے سچے کریں اِقرار​

علموں بس کریں او یار​

پڑھ پڑھ نفل نماز گزاریں
اُچیاں بانگاں چانگاں ماریں
منبر تے چڑھ واعظ پکاریں
کیتا تینوں علم خوار​

علموں بس کریں او یار​

پڑھ پڑھ مُلاں ہوئے قاضی
اللہ علماں باجھوں راضی
ہووے حرص دنوں دن تازی
تینوں کیتا حرص خوار​

علموں بس کریں او یار​

پڑھ پڑھ مسئلے روز سناویں
کھانا شک شبہے دا کھاویں
دسے ہور تے ہور کماویں
اندر کھوٹ ، باہر سچیار​

علموں بس کریں او یار​

پڑھ پڑھ علم نجوم وَچارے
گندا راساں بُرج ستارے
پڑھے عزیمتاں منتر چھاڑے
اَبجد گنے تعویذ شمار​

علموں بس کریں او یار​

علموں پئے قضّئے ہور
اَکھیں والے انھّے کور
پھڑے سادھ تے چھڈے چور
دوہیں جہانیں ہویا خوار​

علموں بس کریں او یار​

علموں پئےہزاراں پھستے
تمبا چُک چُک منڈی جاویں
دھیلا لَے کے چُھری چَلاویں
نال قصَائیاں بوہتا پیار​

علموں بس کریں او یار​

بوہتا علم عزازیل نے پڑھیا
جُھگا جھاہا اوس دا سَڑیا
گل وچ طوق لعنت دا پَڑیا
آخر گیا اوہ بازی ہار​

علموں بس کریں او یار​

جد میں سبق عشق دا پڑھیا
دریا ویکھ وَحدت دا وڑیا
گھمن گھیراں دے وچ اَڑیا
شاہ عنائت لایا پار​

علموں بس کریں او یار​

بلّھا رافضی نہ ہے سنی
عالم فاضل نہ عامل جُنّی
اِکو پڑھیا علم لدّنی
واحد اَلف میم دَرکار​

علموں بس کریں او یار​

 

[Aqibimtiaz786]

واہ جی واہ بہت خوب عمدہ شعر اور تشریح۔۔۔۔۔۔۔۔۔

 

[عبدالقیوم چوہدری]

بہت خوب۔ اعلیٰ

 

[گل لالہ]

عشق بلھے دے ویڑے وڑیا
تے اندر بانبھڑ بلیا!!
عشق دے گنگھرو پاکے
بلھایاردے ویڑےنچیا!!
کسی کے پاس یہ مکمل کلام ہے

 

[طاھر محمود]

عشق بلھے دے ویڑے وڑیا
تے اندر بانبھڑ بلیا!!
عشق دے گنگھرو پاکے
بلھایاردے ویڑےنچیا!!
کسی کے پاس یہ مکمل کلام ہے

عشق بلھے دے ویڑے وڑیا
تے اندر بانبھڑ بلیا!!
عشق دے گنگھرو پاکے
بلھایاردے ویڑےنچیا!!

 

[طاھر محمود]

مرنڑ کولوں مینوں روک نہ ملّا مرنڑ دا شوق مٹاون دے
کنجری بنیا عزت نہ گھٹدی نچ کے یار مناون دے
مل جاوے دیدار تے نچنا پیندا اے
سامنڑے ہووے یار تے نچنا پیندا اے
عشق بلہے دے اندر وڑیا پانبڑ اندر مچدا
عشق دے گھنگرو پا کے بلہا یار دے ویڑے نچیا
عشق بلے نوں نچاوے یار تے نچنا پیندا اے
جدوں مل جاوے دیدار تے نچنا پیندا اے
بُلہا پُلیا پیر ولوں جدوں دل وچ حیرت آئی
کیسا ڈھنگ ملن دا کراں جد ہووے رسوائی
پا لباس طوائفاں والا پہلی چانجر پائی
کنجری بنیا عزت نہ گھٹدی او نچ کے یار منائیں
عشق بلے نوں نچاوے یار تے نچنا پیندا اے
سامنڑے ہووے یار تے نچنا پیندا اے

 

[محمد عبدالحئی]

لکھ کروڑ نماز پڑھیں وے ملاں ایویں یار ملن دستور نہیں،
جیں تئیں دل صادق نہ کریں، ایویں سجدہ تیرا منظور نہیں،
چا غیر کنوں دل دور کریں....
درج بالا عابدہ پروین کے کلام میں سنا تھا، کوئی مکمل کر دے تو عنایت ھو گی

 

[شمشاد خان]

محمد عبدالحئی اردو محفل میں خوش آمدید۔

تعارف کے زمرے میں تشریف لائیں اور اپنا تعارف دیں، تاکہ دوسرے اراکین اردو محفل آپ سے متعارف ہو سکیں۔

یہ رہا تعارف کا زمرہ