کمالِ ترک

[قرۃالعین اعوان]

دو عالم سے کرتی ہی بیگانہ دل کو
عجب چیز ہے لذتِ آشنائی

 

[قرۃالعین اعوان]

مرا مقصد جستجو ہے اور پیہم جستجو
میری منزل ہے مری گردِ سفر کے سامنے

چلتے رہیں چلتے رہیں منزل پر بار بار نگاہ کرنے سے یا منزل تک پہنچنے کا راستہ ناپنے سے رفتار کم اور حوصلہ ماند پڑہنے لگتا ہے

 

[قرۃالعین اعوان]

جس کو ہو فکرِ آبلہ پائی، وہ نہ ہمارے ساتھ چلے
وہ بھی ہمارے ساتھ نہ آئے جس کو جنوں ہو منزل کا

 

[قرۃالعین اعوان]

تو خوش ہے کہ تجھ کو حاصل ہے
میں خوش ہوں کہ میرے حصے میں نہیں
ساحل سے موجیں اٹھتی ہیں
خاموش بھی طوفاں ہوتے ہیں
حضرت ذہین شاہ تاجی

 

[قرۃالعین اعوان]

کمالِ ترک نہیں آب و گِل سے مہجوری
کمالِ ترک ہے تسخیرِ خاکی ونوری

 

[قرۃالعین اعوان]

من کی دنیا؟ من کی دنیا سوز و ہستی جذب و شوق
تن کی دنیا؟ تن کی دنیا سود و سودا مکر و فن
من کی دولت ہاتھ آتی ہے تو پھر جاتی نہیں
تن کی دولت چھاؤں ہے آتا ہے دھن جاتا ہے دھن!

 

[الف نظامی]

تو خوش ہے کہ تجھ کو حاصل ہے
میں خوش ہوں کہ میرے حصے میں نہیں

ساحل سے موجیں اٹھتی ہیں
خاموش بھی طوفاں ہوتے ہیں
حضرت ذہین شاہ تاجی

تم نے دریا ہی کو دیکھا ہے اٹھاتے طوفاں
آج دیکھو کسی قطرے کا بھی طوفاں ہونا

 

[سید ذیشان]

جی خوب۔
ان سے پہلے یہ خیال کسی کے گمان سے نہیں گذرا تھا۔

سوداگری نہیں یہ عبادت خدا کی ہے​

اےبےخبر!جزا کی تمنّابھی چھوڑ دے​

اگر اس خیال کی بات کر رہے ہیں تو یہ دیکھیں:
امام علی کا قول ہے:
" ایک جماعت نے اللہ کی عبادت ثواب کی رغبت و خواہش کے پیشِ نظر کی، یہ سودا کرنے والوں کی عبادت ہے اور ایک جماعت نے خوف کی وجہ سے اس کی عبادت کی، اور یہ غلاموں کی عبادت ہے او ر ایک جماعت نے ازروئے شکر و سپاس گزاری اس کی عبادت کی، یہ آزادوں کی عبادت ہے۔"
(نہج البلاغہ، کلمات 237)

 

[الف نظامی]

 

[نایاب]

سبحان اللہ
کیا خوب شراکت کی ہے الف نظامی بھائی
مرغابی کا توکل
تربوز کی ہمہ صفتی
حنطل کی انفرادیت

 

[قرۃالعین اعوان]

جسے کمالِ ترک حاصل ہوا وہ اسے عشق کے راستے پر چلنا آسان ہوا۔

 

[عاطف بٹ]

کمالِ ترک کیا خوب وضاحت ہے اس خیال کی کہ صلے کی پرواہ مت کیجئے۔۔۔ عبادت سے مقصود گر خالق کی محبّت ہو تو وہ عبادت بے حد چاشنی دینے لگتی ہے۔۔۔ اک سرور رگ و پے میں سرایت کرنے لگتا ہے۔۔
یہ خیال دل میں رکھتے ہوئے کہ مجھے تو آپ سے مطلب آپ سے پیار ہے تو پھر کیوں نہ میں وہ کام کروں جس سے آپ خوش ہوں ہمیں ہر رویّے سے ہر توقع سے بے نیاز کر دیتا ہے ۔۔۔
تب نتائج کچھ بھی نکلیں ہم مایوس نہیں ہوتے۔

بہت خوب۔ کیا شاندار بات ہے!

 

[مزمل شیخ بسمل]

جی جی۔ دراصل وحدۃ الوجود اسے نہیں کہتے۔ بعض صوفیا نے گرچہ وہ تشریح کی ہے جو آپ نے بیان کی۔ لیکن یہ ذرا ٹیڑھا فلسفہ ہے۔ بس اتنا سمجھ لیجیے کہ ہمہ اوست کو وحدۃ الوجود کہتے ہیں اور ہمہ از اوست کو وحدۃ الشہود۔ اول الذکر میں چونکہ بہت سی خرابیاں پیدا ہونے اور غلط تشریحات ہوتی ہیں۔ اس لیے احمد سرہندی رحمۃ اللہ علیہ نے وحدۃ الشہود پر زور دیا۔ اس میں وہ قباحتیں نہیں ہیں۔

ہم وحدۃ الوجود اور شہود میں کوئی فرق نہیں کرتے۔ یہ صرف اصطلاحی فرق ہے۔ شہود کا مطلب در حقیقت وجود والا ہی ہے۔ بس وجود کی تشریح میں گمراہی کے ڈر سے اسے شہود کردیا گیا ہے۔ ورنہ وجود کا بھی وہی مطلب ہے جو شہود کا۔
یعنی لا موجود سوائے اللہ۔ مگر اس سے مراد یہ نہیں کہ جو دکھتا ہے یعنی مخلوق وہ خود اللہ کا حصہ ہے۔ نعوذ باللہ۔
بلکہ جیسے سورج کے آگے ستاروں کا کوئی وجود نہیں۔ بادشاہ کے آگے کسی غلام کی حیثیت نہیں، سمند کے آگے کسی جھاگ کی حیثیت نہیں اسی طرح خالق کے آگے مخلوق کا کوئی وجود نہیں۔
اور محققین کا یہی نظریہ ہے۔