کوئٹہ دھماکے میں 10 افراد ہلاک

[اقبال جہانگیر]

کوئٹہ دھماکے میں 10 افراد ہلاک
کوئٹہ: بلوچستان کے دارالحکومت کوئٹہ کے علاقے سائنس کالج چوک کے قریب دھماکا ہوا ہے جس کے نتیجے میں کم از کم 10 افراد ہلاک ہوچکے ہیں۔

ڈان نیوز کے مطابق دھماکے میں 35 سے زائد افراد زخمی ہوئے ہیں جنہیں طبی امداد دی جارہی ہے۔

ڈپٹی انسپکٹر جنرل پولیس (آپریشنز) محمد جعفرنے کہا کہ عسکریت پسندوں نے سائنس کالج چوک کے علاقے میں سائیکل میں بم نصب کیا تھا۔

انہوں نے کہا کہ دھماکا اس وقت ہوا جب ایک بس متاثرہ مقام سے گزر رہی تھی۔ تاہم ایک پولیس افسر نے نام ظاہر نہ کرنے کی شرط پر بتایا کہ دھماکے کا ہدف فرنٹئر کورپس کی ایک گاڑی تھی جو بال بال بچ گئی۔

زخمیوں کو سول ہسپتال اور کمبائنڈ ملٹری ہسپتال منتقل کردیا گیا ہے جبکہ دونوں ہسپتالوں میں ایمرجنسی نافذ کردی گئی ہے۔

لاشوں کو پوسٹ مارٹم کے لیے سول ہسپتال کوئٹہ منتقل کیا گیا ہے۔ ہسپتال کے سینئر ڈاکٹر رشید جمالی کے مطابق لاشوں کی تاحال شناخت نہیں ہوسکتی ہے جبکہ ہسپتال کے تمام سینئر ڈاکٹروں کو طلب کرلیا گیا ہے۔

پولیس اور دیگر سیکورٹی اداروں نے جائے وقوع کو گھیرے میں لے لیا ہے۔
http://urdu.dawn.com/news/1003216/explosion-heard-in-quetta

 

[اقبال جہانگیر]

اسلام امن اور سلامتی کا دین ہے ، دنیا میں اس کی کرنیں پورے آب وتاب کے ساتھ چمک رہی ہیں.طالبان اسلا م اور پاکستان کے دشمن ہیں ان کی اختراع وسوچ اسلام مخالف ہے اسلام کا پیغام امن ،محبت، بھائی چارگی اور احترام انسانیت ہے اور اسلام تلوار کے زور پر نہیں محبت و پیا رسے پھیلاہے جو لوگ بندوق کی طاقت سے نام نہاد اسلام پاکستانی مسلمانوں پر مسلط کرنے کے درپے ہیں وہ باطل قوتوں کے پیروکار ہیں ۔انتہا پسندی ,فرقہ پرستی اور دہشت گردی جیسی قبیح برائیوں کی اسلام میں کوئی گنجائش نہیں۔خودکش حملے اور بم دھماکے اسلام میں جائز نہیں. دہشت گرد خود ساختہ شریعت نافذ کرنا چاہتے ہیں اور پاکستانی عوام پر اپنا سیاسی ایجنڈا بزور طاقت مسلط کرنا چاہتے ہیں. بم دھماکوں اور دہشت گردی کے ذریعے معصوم و بے گناہ انسانوں کو خاک و خون میں نہلانے والے سفاک دہشت گرد ملک و قوم کے کھلے دشمن ہے اور پاکستان کو عدم استحکام سے دوچار کرنا چاہتے ہیں جس کی جتنی مذمت کی جائے کم ہے .اسلام میں ایک بے گناہ فرد کا قتل ، پوری انسانیت کا قتل ہوتا ہے.معصوم شہریوں، عورتوں اور بچوں کو دہشت گردی کا نشانہ بنانا، قتل و غارت کرنا، بم دہماکے کرنا،خود کش حملوں کا ارتکاب کرنا دہشتگردی ہے ،جہاد نہ ہے،جہاد تو اللہ کی راہ میں ،اللہ تعالی کی خشنودی کے لئےکیا جاتا ہے۔ جہاد کا فیصلہ افراد نہیں کر سکتے،یہ صرف قانونی حکومت کر تی ہےلہذا طالبان اور لشکر جھنگوی ، دوسری دہشت گر جماعتوں کا نام نہاد جہاد ،بغاوت کے زمرہ میں آتا ہے۔ جنگ میں طاقت کااستعمال ان لوگوں تک محدود ہونا چاہیے جو میدانِ جنگ میں جنگی کارروائیوں میں حصہ لے رہے ہوں۔ عورتوں اور بچوں کا قتل اسلامی تعلیمات کے مطابق حالت جنگ میں بھی جائز نہ ہے۔ اور نہ ہی عورتوں اور بچوں کو جنگ کا ایندھن بنایا جا سکتا ہے. بے گناہ لوگوں کا قتل فسادفی الارض اور اسلامی ریاست کیخلاف مسلح جدوجہد حرام ہے۔ اِنتہاپسندوں کی سرکشی اسلام اورپاکستان سے کھلی بغاوت ہے. طالبان دہشت گرد ،اسلام کے نام پر غیر اسلامی حرکات کے مرتکب ہورہے ہیں. القاعدہ،لشکر جھنگوی اور طالبان دنیا بھر اور پاکستان میں دہشت گردی کے میزبان ہیں.
……………………………………………………………………………………………پشاور خودکش حملہ

http://awazepakistan.wordpress.com

 

[Fawad -]

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

ہم آج پشاوراور کوئٹہ میں ہونے والے دہشت گرد دھماکوں کی شديد مذمت کرتے ہيں جس ميں کم از کم 20 افراد ہلاک اور درجنوں زخمی ہوئے ہيں۔ ہم ہلاک شدگان کے عزیر واقارب سے گہری ہمدردی کا اظہار کرتے ہيں۔

دہشت گردوں کی نفرت کی آگ سے کوئ بھی محفوظ نہيں ہے۔

ہم غم کی اس گھڑی ميں پاکستان کے عوام کے ساتھ ہيں اور زخمی اور ہلاک شدگان کے عزيز واقارب کے ساتھ اپنی دلی ہمدردی کا اظہار کرتے ہيں۔

ہميں ایک بار پھر ياد دہانی کرائ جا رہی ہے کہ متشدد انتہا پسندوں اور ان کی حمایت کرنے والوں کے خلاف ثابت قدمی کے ساتھ کارروائی کی ضرورت ہے۔ ہم اميد رکھتے ہیں اس ظلم کے قصورواروں کو جلد انصاف کے کٹہرے میں لایا جائے گا۔


فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

www.state.gov
http://www.facebook.com/USDOTUrdu

 

[arifkarim]

اور اسلام تلوار کے زور پر نہیں محبت و پیا رسے پھیلا

فارسی اور بھارتی آپسے اختلاف کرتے ہیں:
http://en.wikipedia.org/wiki/Muslim_conquest_of_Persia

http://en.wikipedia.org/wiki/Muslim_conquest_in_the_Indian_subcontinent