ساغر صدیقی کوئی نالہ یہاں رسا نہ ہوا -ساغر صدیقی

[احتشام احمد شامی]

کوئی نالہ یہاں رسا نہ ہوا
اشک بھی حرفِ مدعا نہ ہوا

تلخی درد ہی مقدر تھی
جامِ عشرت ہمیں عطا نہ ہوا

ماپتابی نگاہ والوں سے
دل کے داغوں کا سامنا نہ ہوا

آپ رسمِ جفا کے قائل ہیں
میں اسیرِ غمِ وفا نہ ہوا

وہ شہنشہ نہیں بھکاری ہے
جو فقیروں کا آسرا نہ ہوا

رہزن عقل و ہوش دیوانہ
عشق میں کوئی رہنما نہ ہوا

ڈوبنے کا خیال تھا ساغر
ہائے ساحل پہ ناخدا نہ ہوا

ساغر صدیقی​

 

[فاتح]

ڈوبنے کا خیال تھا ساغر
ہائے ساحل پہ ناخدا نہ ہوا
​

واہ! ساغر کی اس خوبصورت غزل کے انتخاب پر آپ کا شکریہ

 

[فرخ منظور]

عمدہ غزل ہے ۔ شکریہ رانا صاحب!

 

[احتشام احمد شامی]

عمدہ غزل ہے ۔ شکریہ رانا صاحب!

بہت بہت شکریہ محترم سخنور صاحب ۔( مگر آپ کو یہ کیسے علم ہو گیا کہ میں رانا ہوں ۔ بہت سوچا مگر سمجھ نہیں آیا)

 

[فرخ منظور]

بہت بہت شکریہ محترم سخنور صاحب ۔( مگر آپ کو یہ کیسے علم ہو گیا کہ میں رانا ہوں ۔ بہت سوچا مگر سمجھ نہیں آیا)

اوہو معذرت کے ساتھ شامی صاحب۔ میں سمجھا یہ رانا صاحب نے غزل پوسٹ کی ہے۔ بہت معذرت چاہتا ہوں قبلہ!

 

[رانا]

شکر ہے سخنور صاحب نے تصحیح کردی ورنہ میں تو سمجھا کہ شائد "دھاگے" الجھ گئے ہیں۔

 

[رانا]

بہت خوبصورت غزل شئیر کی ہے۔ شکریہ شامی صاحب۔

 

[احتشام احمد شامی]

شکر ہے سخنور صاحب نے تصحیح کردی ورنہ میں تو سمجھا کہ شائد "دھاگے" الجھ گئے ہیں۔

رانا صاحب دھاگے الجھے نہیں تھے ۔ کچھ سیدھے ہو گئے تھے ۔ کیونکہ میرا بھی رانا فیملی سے ہی تعلق ہے ۔

 

[احتشام احمد شامی]

اوہو معذرت کے ساتھ شامی صاحب۔ میں سمجھا یہ رانا صاحب نے غزل پوسٹ کی ہے۔ بہت معذرت چاہتا ہوں قبلہ!

حضور معذرت کیسی ، کیوں کانٹوں میں گھسیٹ رہے ہیں ۔