کون ہے جو محفل میں آیا (22)

[شمشاد]

کون ہے جو محفل میں آیا کی بائیسویں قسط حاضر ہے۔

جیہ اور حسن اس دفعہ نیا دھاگہ کھولنے میں ناکام رہے اور یہ بھاری ذمہ داری مجھے ہی نبھانی پڑی۔

 

[افتخار راجہ]

میرے پاس کلائنٹ تھے ورنہ میں ہی کچھ کرلیتا، خیر آپ سنائیں، کیا چل رہا ہے آج کل؟

 

[عمار ابن ضیا]

تیسرا نمبر میرا۔۔۔۔

 

[شمشاد]

راجہ صاحب آج چھٹی کا دن ہے سو چھٹی سے لطف اندوز ہو رہے ہیں

 

[محسن حجازی]

اور ہمارا پارہ چڑھا ہوا ہے۔۔۔۔ آسمان سے باتیں کر رہا ہے۔
http://www.urduweb.org/mehfil/showthread.php?t=14080
خیر یہاں تو یہیں کی بات ہوگی۔
میری تو دو چھٹیاں آ رہی ہیں

 

[شمشاد]

اللہ خیر کرے ایسی کیا بات ہو گئی؟ ٹھنڈا پانی پیئیں برف ڈال کر۔

 

[محسن حجازی]

بات تو بہت بڑی ہو گئی
خیر۔
شمشاد بھائی ہماری قسمت کے رنگ کے بادل چھائے ہیں آئیے دونوں بھائی لان میں گھاس پر بیٹھ کر کوک پیتے ہیں۔
کیا موسم ہے جی کیا ہی بات ہے۔۔۔ سبحان اللہ! دو دن کی گرمی کے بعد خوب سماں بندھا ہے۔

 

[شمشاد]

محسن بھائی یہاں تو سفید بھی بادل نہیں ہیں آپ کالے بادلوں میں گھرے ہوئے ہیں۔

 

[محسن حجازی]

آس پاس سے منگوا لیجئے ناں
گرج برس ساون۔۔۔
لگتا ہے افتخار بھائی کے پھر کلائنٹ آگئے ہیں دھاگے پر ہم دو کے علاوہ کوئی نہیں۔

 

[شمشاد]

بہت کوشش کی ہے منگوانے کی لیکن کوئی بھیجنے کو راضی بھی تو ہو، آپ ہی کیوں نہیں بھجوا دیتے؟

 

[افتخار راجہ]

کلائینٹ نہیں کھانے کا وقفہ۔
اور ب یہاں۔ ادھر تو کل ادھا دن کام اور پھر چھٹی، اگر طبیعت اچھی ہوئی تو جھیل پر جائیں گے نہیں تو گھر میں بستر پر۔

 

[شمشاد]

مزے ہیں پھر تو آپ کے۔ یہاں تو چھٹی کیا اور کام کیا، گھر سے دفتر اور دفتر سے گھر، بہت مجبوری ہوئی تو سودا سلف لانے چلے گئے، وگرنہ گرمی کہتی ہے کہیں بھی باہر نہ جاؤ۔

 

[افتخار راجہ]

نہیں جی ادھر تو چھٹی کا مطلب یہ ہے کہ جمعہ کی شام کو مارکیٹ کےلئے نکلو رات دس بجے کھانا کھاؤ پھر بارہ بجے تک ہوا خوری، ہفتہ کو ادھا دن کام اور ایک سے 3 بجے تک معاملات سیدھے کرنے۔ پھر یہ جا وہ جا۔ بہت خوب خوب قسم کی جگہوں پر جانے کو حد سے حد دو گھنٹوں کی ڈرائیو ہے مطلب 2 سو کلومیٹر، نہیں تو ہفتہ ریسٹ اور اتوار کو کوئی نہ کوئی پروگرام، کچھ نہیں تو کچھ کھانے کا سامان لیکر پہاڑ پر ہی چڑھ جاؤ کہ پکنک ہوگئی۔ جھیل پر چلے جاؤ۔ البتہ دوستوں کے گھروں میں جانے سے میری جان جاتی ہے۔

 

[شمشاد]

یہاں تو کوئی جگہ ہی نہیں ہے گھومنے پھرنے کی سوائے اپنے گھر میں بند بیٹھے رہو یا کسی کے گھر چلے جاؤ۔ ہاں بہت ہوا تو کسی بھی بڑے شاپنگ مال میں جا کر گھوم پھر کر آ جاؤ۔ باغ، جھیل، باغیچہ یہاں نہیں ہیں۔

 

[حسن علوی]

السلام علیکم

یہ نہ تھی ہماری قسمت کہ وصال یار ہوتا

اب کی بار بھی شمشاد بھائی آپ نے ہم غریبوں کا حق مار لیا

 

[شمشاد]

کیا کرتا پھر، تمہارا اتنا تو انتظار کیا، معلوم بھی ہے اس دھاگے کے اتنے زیادہ صفحے ہو گئے تھے کہ انتظامیہ کی طرف سے نوٹس ملنے والا تھا۔

 

[افتخار راجہ]

چلیں کوئی بات نہیں‌ حسن اگلی دفعہ، امید پہ دنیا قائم اور یہ محفل بھی

 

[افتخار راجہ]

یہاں شمشاد بھائی شاپنگ میں تب جاؤ جب شاپنگ کرنی ہے۔ نہیں تو کسی دوسرے شہر کے سینٹر میں گھوم آؤ، پارک باغیچے عام ہیں۔ ہمارے اپنے ڈسٹرکٹ میں 3 بڑی اور 6 چھوٹی پہاڑی جھیلیں قدرتی ہیں، اور جو مصنوعی ہیں جنکے ساتھ پارک بھی ہوتا ہے انکےلئے ٹکٹ لے کے جانا ہوتاہے۔ وقت کاٹنے کے سو بہانے، نہیں‌سنماؤں کی بھرمار ہے۔ جائیں 9 ہال ہیں‌ایک فلم تو پسند آئے گی ہی۔
ہمارے گھر سے نکلیں تو 2 خوب پارک ہیں بلکہ باغ کہیئے کو پھولوں اور سبزہ سے بھرے پڑے ہیں۔ کوشش کرتا ہوں تھوڑی ٹھوڑی کرکے ادھر ادھر کی کچھ تصاویر بھجواتا ہوں کسی جگہ، ویسے اگر آپ اورکٹ استعمال کرتے ہیں تو میری پروفائیل میں دیکھ سکتے ہیں۔

 

[شمشاد]

ڈاکٹر صاحب یہاں تو سب کچھ خشک خشک ہے۔ نہ کوئی باغ نہ پھول پھلواری۔ گرمی کی وجہ سے دن میں تو جا نہیں سکتے، رات میں دو یا تین باغ ہیں، جہاں ٹکٹ لے کر جا سکتے ہیں۔ وہ بھی گیارہ بجے بند ہو جاتے ہیں۔ ہاں ان میں ایک اور بھی شرط ہے کہ خواتین اور حضرات اکٹھے نہیں جا سکتے۔ خواتین کے لیے الگ اور حضرات کے لیے الگ، اب ایسی جگہ پر خاک تفریح ہو گی۔

 

[افتخار راجہ]

اس سے تو اچھا ہے کہ بندہ گھر میں ہی رہے، یا پھر شاپنگ مال میں جائے۔