عدیم ہاشمی کہا، ساتھی کوئی دُکھ درد کا تیار کرنا ہے

[زبیر مرزا]

کہا، ساتھی کوئی دُکھ درد کا تیار کرنا ہے
جواب آیا کہ یہ دریا اکیلے پار کرنا ہے


کہا، ہر راستہ بخشا ناہموار کیوں مجھ کو
جواب آیا کہ ہر رستہ تجھے ہموار کرنا ہے


کہا، کیوں سامنے چمکا دیا اتنا بڑا سورج
جواب آیا ہمیں سایہ پسِ دیوار کرنا ہے


کہا، لفظوں سے پھولوں کی مہک آنے لگی کیسے؟
جواب آیا محبت کا تجھے اِظہار کرنا ہے


کہا، مجھ کو بنایا ہے تو پھر یہ دوسرے کیوں ہیں؟
جواب آیا کہ تجھ کو دوسروں سے پیار کرنا ہے


کہا، میں لاڈلا تیرا ہوں میں مٹی میں کیوں اتروں
جواب آیا کہ سب کو یہ سمندر پار کرنا ہے

 

[شمشاد]

بہت خوب سوال و جواب ہیں۔
شکریہ شریک محفل کرنے کا۔

 

[محمد وارث]

شکریہ جناب مکالماتی غزل پوسٹ کرنے کیلیے۔

 

[امیداورمحبت]

کہا، ساتھی کوئی دُکھ درد کا تیار کرنا ہے
جواب آیا کہ یہ دریا اکیلے پار کرنا ہے
بہت خوب

 

[سارہ خان]

اچھی شیئرنگ ہے ۔۔۔

 

[مہ جبین]

بہت خوب غزل ہے @زحال بھائی