حبیب جالب کہیں آہ بن کے لب پر تیرا نام نہ آ جائے

[محمد بلال اعظم]

کہیں آہ بن کے لب پر تیرا نام آ نہ جائے​

تجھے بے وفا کہوں میں وہ مقام آ نہ جائے​

​

ذرا زلف کو سنبھالو میرا دل دھڑک رہا ہے​

کوئی اور طائرِ دل تہِ دام آ نہ جائے​

​

جسے سُن کے ٹُوٹ جائے میرا آرزو بھرا دل​

تیری انجمن سے مجھ کو وہ پیام آ نہ جائے​

​

وہ جو منزلوں پہ لا کر کسی ہمسفر کو لوٹیں​

انہی رہزنوں میں تیرا کہیں نام آ نہ جائے​

​

یہ مہ و نجوم ہنس لیں میرے آنسوؤں پہ جالب​

میرا ماہتاب جب تک لبِ بام آ نہ جائے​

 

[سید زبیر]

واہ ۔ ۔ ۔ ۔
ذرا زلف کو سنبھالو میرا دل دھڑک رہا ہے
کوئی اور طائرِ دل تہِ دام آ نہ جائے
بہت خوب

 

[محمد بلال اعظم]

واہ ۔ ۔ ۔ ۔
ذرا زلف کو سنبھالو میرا دل دھڑک رہا ہے
کوئی اور طائرِ دل تہِ دام آ نہ جائے
بہت خوب

دوہرا مشکور ہوں آپ کا۔
تدوین بھی کر دی ہے۔

 

[طارق شاہ]

بلال اعظم میاں ۔​

خوب​

کہیں آہ بن کے لب پر تیرا نام نہ آ جائے​

تجھے بے وفا کہوں میں وہ مقام آ نہ جائے​

​

پہلے مصرع میں ٹائپو ہے، درست کردیں تو ممنون ہوں گا​

تشکّر شیئر کرنے کا​

 

[محمد بلال اعظم]

بلال اعظم میاں ۔​

خوب​

کہیں آہ بن کے لب پر تیرا نام نہ آ جائے​

تجھے بے وفا کہوں میں وہ مقام آ نہ جائے​

​

پہلے مصرع میں ٹائپو ہے، درست کردیں تو ممنون ہوں گا​

تشکّر شیئر کرنے کا​

بہت بہت شکریہ جناب۔
تدوین بھی کر دی ہے۔
پتہ نہیں آج پروف ریڈنگ کو کیا ہو گیا ہے، ایک غزل میں ہی دو جگہ ٹائپو ہو گیا ہے۔