کہیں اب اور چلتے ہیں --- برائے اصلاح

[شام]

بحر -- مفاعیلن مفاعیلن

​

کہیں اب اور چلتے ہیں​

ترے دل سے نکلتے ہیں​

گرا دے جن کو نظروں سے​

کہاں پھر وہ سنبھلتے ہیں​

ابھی تک بند آنکھوں سے​

تری ہی راہ تکتے ہیں​

جو جانا دور ہوان کو​

مسافر صبح چلتے ہیں​

جو جانا ہو گلی ان کی​

قدم پھونک کے رکھتے ہیں​

وہ ہم کو بعد کھونے کے​

ابھی تک ہاتھ ملتے ہیں​

پھر اس کو پانے کی خاطر​

کمر اک بار کستے ہیں​

پرانی بات چھوڑو بھی​

نئی بنیاد رکھتے ہیں​

تو جس میں ساتھ تھا اپنے​

وہی پھر خواب تکتے ہیں​

 

[شام]

الف عین
محمد خلیل الرحمٰن
محمد وارث

 

[محمد بلال اعظم]

ویسے میرا یہاں کمنٹ کرنے کا کوئی حق تو نہیں بنتا مگر پھر بھی اپنی اصلاح کے لئے ہی سہی:

مجھے کوئی عروضی غلطی تو نظر نہیں آئی۔ باقی اساتذہ ہی بتا سکتے ہیں۔

 

[شام]

بلال بھائی اصلاح کے لیے پوسٹ کی ہے سو کوئی بھی کمنٹ کر سکتا ہے

 

[نایاب]

بہت خوب

 

[مزمل شیخ بسمل]

بحر -- مفاعیلن مفاعیلن

​

کہیں اب اور چلتے ہیں​

ترے دل سے نکلتے ہیں​

گرا دے جن کو نظروں سے​

کہاں پھر وہ سنبھلتے ہیں​

ابھی تک بند آنکھوں سے​

تری ہی راہ تکتے ہیں​

جو جانا دور ہوان کو​

مسافر صبح چلتے ہیں​

جو جانا ہو گلی ان کی​

قدم پھونک کے رکھتے ہیں​

وہ ہم کو بعد کھونے کے​

ابھی تک ہاتھ ملتے ہیں​

پھر اس کو پانے کی خاطر​

کمر اک بار کستے ہیں​

پرانی بات چھوڑو بھی​

نئی بنیاد رکھتے ہیں​

تو جس میں ساتھ تھا اپنے​

وہی پھر خواب تکتے ہیں​

ویسے میرا یہاں کمنٹ کرنے کا کوئی ھق تو نہیں بنتا مگر پھر بھی اپنی اصلاح کے لئے ہی سہی:

مجھے کوئی عروضی غلطی تو نظر نہیں آئی۔ باقی اساتذہ ہی بتا سکتے ہیں۔

محمد بلال اعظم ذرا سرخ مصرعے کی تقطیع کرو۔

 

[مزمل شیخ بسمل]

مربع بحر میں اچھی غزل ہے شام۔ داد قبول ہو میری جانب سے۔

 

[محمد بلال اعظم]

قدم پھونک کے رکھتے ہیں
ق دم پو نک۔۔۔کِ رک تے ہے

کہیں پھونک کا ن silent تو نہیں ہے؟

 

[محمد بلال اعظم]

میں سمجھ گیا پھونک کا نون غنہ ہے۔

 

[مزمل شیخ بسمل]

قدم پھونک کے رکھتے ہیں
ق دم پو نک۔۔۔ کِ رک تے ہے

کہیں پھونک کا ن silent تو نہیں ہے؟

میں سمجھ گیا پھونک کا نون غنہ ہے۔

ن غیر ناطق ہے۔ اگر ناطق بھی ہوتا تو بھی وزن سے باہر ہوتا۔ کیونکہ وزن پورا ہونے کے لئے ”ن“ متحرک ہونے کی ضرورت ہے۔ ساکن کی نہیں۔

 

[احسن مرزا]

اچھی غزل کہی جناب۔ داد حاضر ہے۔

 

[احسن مرزا]

ایک سوال ہے۔ مطلع میں قافیہ ”لتے“ پر پابند نہیں ہورہا؟

 

[احمد بلال]

ایک سوال ہے۔ مطلع میں قافیہ ”لتے“ پر پابند نہیں ہورہا؟

ایطائے جلی ہے۔ یا اس کی پابندی بقیہ پوری غزل میں کی جائے یا مطلع میں اس سے بچا جائے۔

 

[الف عین]

کاپی کر لی ہے۔ انشاء اللہ جلد ہی

 

[احمد بلال]

میرے مطابق تو چوتھا اور پانچواں شعر نظر ثانی کر لیں ۔ آخری دونوں شعروں کے پہلے مصرعوں کو بھی ذرا دیکھ لیں۔

 

[مزمل شیخ بسمل]

میرے مطابق تو چوتھا اور پانچواں شعر نظر ثانی کر لیں ۔ آخری دونوں شعروں کے پہلے مصرعوں کو بھی ذرا دیکھ لیں۔

اب تو استاد جی ہی لے آئینگے اصلاح شدہ غزل۔

 

[شام]

میرے مطابق تو چوتھا اور پانچواں شعر نظر ثانی کر لیں ۔ آخری دونوں شعروں کے پہلے مصرعوں کو بھی ذرا دیکھ لیں۔

اب تو استاد جی ہی لے آئینگے اصلاح شدہ غزل۔

اب استاد محترم نے کاپی کر لی ہے تو ان کی اصلاح کا انتظار کرتے ہیں

 

[احمد بلال]

اب استاد محترم نے کاپی کر لی ہے تو ان کی اصلاح کا انتظار کرتے ہیں

چلیں یوں ہی صحیح

 

[مزمل شیخ بسمل]

ایک سوال ہے۔ مطلع میں قافیہ ”لتے“ پر پابند نہیں ہورہا؟

ایطائے جلی ہے۔ یا اس کی پابندی بقیہ پوری غزل میں کی جائے یا مطلع میں اس سے بچا جائے۔

یہ تو اب پڑھ رہا ہوں ٹھیک سے.
مطلع میں اگر پابندی نہ بھی ہو تب بھی قافیہ غلط ہی ہوگا.
پابندی ہونے نہ ہونے سے فرق نہیں پڑتا.
مطلع میں بھی پہلے مصرعے کا قافیہ چلتے اور دوسرے کا تکتے جائز نہیں ہے.
پوری غزل تو بعد میں آئے گی.

 

[احسن مرزا]

اگر ہم خود ہی چاہ رہیں ہوں کہ حرفِ روی (شاید صحیح کہہ رہا ہوں) قافیہ میں 'لام' یا 'کاف' کے بجائے 'ت' ہو تو پھر؟