لیاقت علی عاصم کہیں ایسا نہ ہو دامن جلالو ! لیاقت علی عاصم

[مغزل]

غزل

کہیں ایسا نہ ہو دامن جلا لو
ہمارے آنسوؤں پر خاک ڈالو

منانا ہی ضروری ہے تو پھر تم
ہمیں سب سے خفا ہو کر منالو

بہت روئی ہوئی لگتی ہیں آنکھیں
مری خاطر ذرا کاجل لگا لو

اکیلے پن سے خوف آتا ہے مجھ کو
کہاں ہو اے میرے خوابو خیالو

بہت مایوس بیٹھا ہوں میں تم سے
کبھی آکر مجھے حیرت میں ڈالو

لیاقت علی عاصم​

ٌ* یہ غزل ہندوستان کے معروف غزل گائیگ ’’ جگجیت سنگھ ‘‘ نے بھی گائی ہے ۔

 

[محمد وارث]

واہ واہ کیا خوبصورت غزل ہے، شکریہ مغل صاحب شیئر کرنے کیلیئے!

ایک استدعا یہ کہ عنوان میں بھی اگر شاعر کا نام لکھ دیں تو کیا ہی اچھا ہو، نوازش!

 

[مغزل]

بہت شکریہ وارث بھائی ۔۔۔ مدون کردیا ہے ۔۔
میں آئندہ خیال رکھوں گا

 

[آصف شفیع]

لیاقت علی عاصم کی بہت عمدہ غزل ہے۔ شیئر کرنے کا بہت شکریہ۔
میری خاطر ذرا کاجل لگا لو
اس مصرعے میں میری کی بجائے مری ہونا چاہیے۔ شکریہ۔

 

[جیا راؤ]

بہت روئی ہوئی لگتی ہیں آنکھیں
مری خاطر ذرا کاجل لگا لو


بہت ہی پیارا !

 

[مغزل]

لیاقت علی عاصم کی بہت عمدہ غزل ہے۔ شیئر کرنے کا بہت شکریہ۔
میری خاطر ذرا کاجل لگا لو
اس مصرعے میں میری کی بجائے مری ہونا چاہیے۔ شکریہ۔

میں نے مدون کرلیا ہے ۔ جناب۔۔
ٹائپنگ میں غلطی ہوگئی۔ معذرت

 

[جیہ]

منانا ہی ضروری ہے تو پھر تم
ہمیں سب سے خفا ہو کر منالو

یعنی کہ عجیب زبردستی ہے ۔۔۔۔۔۔۔۔۔۔۔۔۔ خیر یہ تو مذآق تھا ۔ دل کو چھو دینے والا کلام۔ ما شاّ اللہ

 

[مغزل]

یہ بطورِ‌خاص جی جی کیلئے کہلوایا گیا ہے ۔۔
شکریہ جیہ !!

 

[محمداحمد]

اکیلے پن سے خوف آتا ہے مجھ کو
کہاں ہو اے میرے خوابو خیالو

میری پسندیدہ ترین غزلوں میں سے ایک ہے یہ غزل!

 

[مغزل]

کبھی موڈ بنے تو وہ ربط بھی عطا کردو جس میں جگجیت کی آواز میں یہ غزل ہے ۔