کیسے تاثیر رسا نقشِ قدم تیرے ہیں

[الف نظامی]

ہم بناوٹ سے نہیں کہتے کہ ہم تیرے ہیں​

ہم ترے در کی اٹھاتے ہیں قسم ، تیرے ہیں​

​

چوم کر جن کو ملے کیف و سرور و مستی​

کیسے تاثیر رسا نقشِ قدم تیرے ہیں​

​

غم دنیا کبھی پہلے ، نہ اب ہوگا کبھی​

شکرِ ایزاد! کہ مرے سینے میں غم تیرے ہیں​

​

ہوں ابوبکر و عمر ، یا کہ ہوں عثمان و علی​

سارے تابندہ یہ اصحابِ حشم تیرے ہیں​

​

خوف کیا پیاس کی شدت کا بروزِ محشر​

ہم کہ پروردہ و آسودہ ء یم تیرے ہیں​

​

تو گدایانِ محمد ﷺ کا گدا ہے ارسل​

بس اسی واسطے دنیا میں بھرم تیرے ہیں​

(ارسلان احمد ارسل)​

 

[باباجی]

واہ بہت ہی خوب


ہم بناوٹ سے نہیں کہتے کہ ہم تیرے ہیں
ہم ترے در کی اٹھاتے ہیں قسم ، تیرے ہیں

 

[سید زبیر]

کیا بات ہے
تو گدایانِ محمد ﷺ کا گدا ہے ارسل
بس اسی واسطے دنیا میں بھرم تیرے ہیں

 

[الف نظامی]

چوم کر جن کو ملے کیف و سرور و مستی
کیسے تاثیر رسا نقشِ قدم تیرے ہیں​