کیف بھوپالی :::: ہائے لوگوں کی کرم فرمائیاں !

[طارق شاہ]

غزل ​

کیف بھوپالی ​

​

ہائے لوگوں کی کرم فرمائیاں​

تہمتیں، بدنامیاں، رُسوائیاں ​

​

زندگی شاید اِسی کا نام ہے ​

دُوریاں، مجبُوریاں، تنہائیاں​

​

کیا زمانے میں یونہی کٹتی ہے رات!​

کروٹیں، بے تابیاں، انگڑائیاں ​

​

کیا یہی ہوتی ہے شامِ انتظار ​

آہٹیں، گھبراہٹیں، پرچھائیاں ​

​

ایک رندِ مَست کی ٹھوکرمیں ہیں ​

شاہیاں، سُلطانیاں، دارائیاں ​

​

رہ گئیں اِک طفلِ مکتب کے حضُور​

حِکمتیں، آگاہیاں، دانائیاں​

​

ایک پیکرمیں سِمٹ کررہ گئیں ​

خُوبیاں، زیبائیاں، رعنائیاں​

​

دیدہ و دانِستہ اُس کے سامنے ​

لغزشیں، ناکامیاں، پسپائیاں​

​

اُن سے مِل کے اوربھی کچھ بڑھ گئیں!​

اُلجھنیں، فِکریں، قیاس آرائیاں ​

​

چند لفظوں کے سِوا کچھ بھی نہیں ​

نیکیاں، قربانیاں، سچّائیاں ​

​

کیف، پیدا کر سمندر کی طرح ​

وُسعتیں، خاموشِیاں، گہرائیاں ​

​

کیف بھوپالی ​

 

[صائمہ شاہ]

واہ شاہ صاحب
خوبصورت شراکت

اُن سے مِل کے اوربھی کچھ بڑھ گئیں!
اُلجھنیں، فِکریں، قیاس آرائیاں
چند لفظوں کے سِوا کچھ بھی نہیں
نیکیاں، قربانیاں، سچّائیاں

 

[عمر سیف]

ہمیشہ کی طرح بہت خوب انتخاب

 

[بھلکڑ]

واہ بہت خوب!!!!! لاجواب غزل ہے!!!!​

ایک رندِ مَست کی ٹھوکرمیں ہیں ​

شاہیاں، سُلطانیاں، دارائیاں ​

اور یہ بھی کہ ​

کیف، پیدا کر سمندر کی طرح ​

وُسعتیں، خاموشِیاں، گہرائیاں ​

سبحان اللہ!!!!​

 

[طارق شاہ]

واہ شاہ صاحب
خوبصورت شراکت

اُن سے مِل کے اوربھی کچھ بڑھ گئیں!
اُلجھنیں، فِکریں، قیاس آرائیاں

چند لفظوں کے سِوا کچھ بھی نہیں
نیکیاں، قربانیاں، سچّائیاں

تشکّر صائمہ شاہ صاحبہ
اظہارِ خیال اور پذیرائی کے لئے ممنُون ہوں
بہت خوش رہیں

 

[طارق شاہ]

ہمیشہ کی طرح بہت خوب انتخاب

سیف صاحب!
اظہار خیال اور ہمت افزائی کے لئے سپاس گزار ہوں
بہت خوش رہیں

 

[طارق شاہ]

واہ بہت خوب!!!!! لاجواب غزل ہے!!!!​

ایک رندِ مَست کی ٹھوکرمیں ہیں ​

شاہیاں، سُلطانیاں، دارائیاں ​

اور یہ بھی کہ ​

کیف، پیدا کر سمندر کی طرح ​

وُسعتیں، خاموشِیاں، گہرائیاں ​

سبحان اللہ!!!!​

بھلکڑ صاحب!
اِنتخاب کی پذیرائی کے لئے ممنون ہوں
چُنِیدہ اشعار واقعی دوسروں پر فوقیت رکھتے ہیں
اِس اظہارِ خیال کے لئے تشکّر
بہت خوش رہیں

 

[علی فاروقی]

واہ جناب طارق شاہ صاحب، بہت خوب انتخاب ہے،
وُسعتیں، خاموشیاں، گہرائیاں

 

[طارق شاہ]

واہ جناب طارق شاہ صاحب، بہت خوب انتخاب ہے،
وُسعتیں، خاموشیاں، گہرائیاں

علی فاروقی صاحب !
پذیرائی انتخاب کے لئے تشکّر
خوشی ہوئی جو انتخاب غزل آپ کو پسند آئی
بہت خوش رہیں