منظر بھوپالی گئے تھے شوق سے ہم بھی یہ دنیا دیکھنے کو - منظر بھوپالی

[کاشفی]

غزل​

(منظر بھوپالی)​

​

گئے تھے شوق سے ہم بھی یہ دنیا دیکھنے کو​

مِلا ہم کو ہمارا ہی تماشا دیکھنے کو​

​

کھڑے ہیں راہ چلتے لوگ کتنی خاموشی سے​

سڑک پر مرنے والوں کا تماشا دیکھنے کو​

​

بہت سے آئینہ خانے ہیں اس بستی میں لیکن​

ترستی ہے ہماری آنکھ چہرہ دیکھنے کو​

​

کمانوں میں کھنچے ہیں تیر، تلواریں چمکتی ہیں​

ذرا ٹھہرو کہاں جاتے ہو، دریا دیکھنے کو​

​

خدا نے مجھ کو بن مانگے یہ نعمت دی ہے منظر​

ترستے ہیں بہت سے لوگ ممتا دیکھنے کو​

 

[کاشفی]

مدیحہ گیلانی صاحبہ اور محمد وارث صاحب ۔ آپ دونوں کا بیحد شکریہ۔۔خوش رہیئے۔۔