گداگر

[محمد خلیل الرحمٰن]

گداگر​

(علامہ اقبال سے معذرت کے ساتھ)​

از​

محمد خلیل الرحمٰن​

​

گداگر یہ تیرے پراسرار بندے​

جنھیں تو نے بخشا ہے ذوقِ گدائی​

​

یہ جیبوں کو کرتی ہے خالی ہمیشہ​

عجب ہے فقیروں کی یہ بھیڑ بھائی​

​

اِنھوں نے ہمیں آج چکرا دیا ہے​

عجب ایک حکمت ہے دِل میں سمائی​

​

کیا اپنے سکے کو ڈی ویلیو خود​

انھیں آج بھاتے نہیں پیسہ پائی​

​

کبھی پائی پیسہ بھی لیتے تھے یہ بھی​

مگر آج لاکھوں میں ہے یہ کمائی​

​

سنا ہے کہ سرکار بھی اِن سے مل کر​

کرانے لگی ہے یونہی جگ ہنسائی​

​

وہ خود آئی ایم ایف کے ہے در کی بھکاری​

جسے تو نے بخشا ہے ذوقِ گدائی​

​

اِشاروں پہ اُس کے یہ چلتے رہے ہیں​

اِنھیں اُس نے ہے آج گُر کی سِکھائی​

 

[سید زبیر]

بہت خوبصورت ۔ ۔ ۔ ۔ ماشا اللہ

 

[محمد وارث]

زبردست قبلہ، بہت خوب

 

[شمشاد]

حکومت اور گداگر کو ملا کربڑا زبردست کام کیا ہے۔

 

[محمد خلیل الرحمٰن]

محمد بلال اعظم بھائی، انتہا ، بھائی ابن سعید،سعود بھائی باباجی بھائی،@نگار ف بہنا ، محمد وارث صاحب ، شمشاد بھائی ،سید زبیربھائی آپ سب کا شکریہ کہ آپ نے ناچیز کی نظم کو پڑھا اور پسند کیا

 

[یوسف-2]

بہت اعلیٰ ، کیا کہنے، بہت ساری داد، بالخصوص آخری اشعار پر

​

وہ خود آئی ایم ایف کے ہے در کی بھکاری​

جسے تو نے بخشا ہے ذوقِ گدائی​

اِشاروں پہ اُس کے یہ چلتے رہے ہیں​

اِنھیں اُس نے ہے آج گُر کی سِکھائی​

 

[الف عین]

بہت خوب غازی خلیل۔