گریباں چاک لوگوں کے بڑے لشکر نکلتے ہیں ۔۔ سہیل اختر

[نوید صادق]

غزل
سہیل اختر

 

[نوید صادق]

غزل

گریباں چاک لوگوں کے بڑ ے لشکر نکلتے ہیں
ترے رخ کے پسِ منظر عجب منظر نکلتے ہیں

یہ کیسا آئنہ خانہ ہے تیری بزمِ رنگیں بھی
کہ اہلِ عقل بھی اس بزم سے ششدر نکلتے ہیں

ترے صہبا کدے کی عظمتیں ہوں کیا بیاں ہم سے
گدا بھی ہوں تو وہ بھی بن کے ا سکندر نکلتے ہیں

مقید ہو چکے ہو گنبدِ بے در میں تم لیکن
جو ٹکرانے کی ہمت ہو تو کتنے در نکلتے ہیں

ترے رخسار و لب کا خواب تو صدیوں پہ بھاری ہے
بڑ ی مشکل سے ہم اس خواب سے باہر نکلتے ہیں

تعصب نے رگوں میں اس طرح سے زہر کاری کی
کہ اب تو آستینوں سے فقط خنجر نکلتے ہیں

فصیلِ شہر سے باہر کا یارو! کیا کریں شکوہ
کہ سو فتنے ہیں جو اس شہر کے اندر نکلتے ہیں

وفا کی راہ میں کٹنے کی ہو جن میں تڑ پ اختر
ہزاروں میں فقط دو چار ایسے سر نکلتے ہیں
ّّّ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(سہیل اختر)

 

[عمران شناور]

بہت خوب نوید بھائی!
غزل شیئر کرنے کا شکریہ

 

[محمد وارث]

ترے صہبا کدے کی عظمتیں ہوں کیا بیاں ہم سے
گدا بھی ہوں تو وہ بھی بن کے اسکندر نکلتے ہیں

تعصب نے رگوں میں اس طرح سے زہر کاری کی
کہ اب تو آستینوں سے فقط خنجر نکلتے ہیں

وفا کی راہ میں کٹنے کی ہو جن میں تڑ پ اختر
ہزاروں میں فقط دو چار ایسے سر نکلتے ہیں

واہ واہ، بہت خوب۔

شکریہ نوید صاحب خوبصورت غزل شیئر کرنے کیلیے!

 

[فرخ منظور]

واہ واہ! بہت ہی خوبصورت غزل ہے۔ نوید صاحب سہیل اختر صاحب کا کچھ تعارف بھی کروائیں۔

 

[خرم شہزاد خرم]

جزاک اللہ جزاک اللہ بہت خوب بہت اچھی غزل ہے سر جی شکریہ ارسال کرنے کا

 

[فرحت کیانی]

تعصب نے رگوں میں اس طرح سے زہر کاری کی
کہ اب تو آستینوں سے فقط خنجر نکلتے ہیں

فصیلِ شہر سے باہر کا یارو! کیا کریں شکوہ
کہ سو فتنے ہیں جو اس شہر کے اندر نکلتے ہیں

وفا کی راہ میں کٹنے کی ہو جن میں تڑ پ اختر
ہزاروں میں فقط دو چار ایسے سر نکلتے ہیں

واہ۔ لاجواب کلام
بہت شکریہ

 

[شاہ حسین]

بہت خوب جناب