فراز گفتگو اچھی لگی ذوقِ نظر اچھا لگا - احمد فراز کی کتاب "اے عشق جنوں پیشہ" سے انتخاب

[فاتح]

گفتگو اچھی لگی ذوقِ نظر اچھا لگا
مدتوں کے بعد کوئی ہمسفر اچھا لگا

دل کا دکھ جانا تو دل کا مسئلہ ہے پر ہمیں
اُس کا ہنس دینا ہمارے حال پر اچھا لگا

ہر طرح کی بے سر و سامانیوں کے باوجود
آج وہ آیا تو مجھ کو اپنا گھر اچھا لگا

باغباں گلچیں کو چاہے جو کہے ہم کو تو پھول
شاخ سے بڑھ کر کفِ دلدار پر اچھا لگا

کون مقتل میں نہ پہنچا کون ظالم تھا جسے
تیغِ قاتل سے زیادہ اپنا سر اچھا لگا

ہم بھی قائل ہیں وفا میں استواری کے مگر
کوئی پوچھے کون کس کو عمر بھر اچھا لگا

اپنی اپنی چاہتیں ہیں لوگ اب جو بھی کہیں
اک پری پیکر کو اک آشفتہ سر اچھا لگا

میر کے مانند اکثر زیست کرتا تھا فراز
تھا تو وہ دیوانہ سا شاعر مگر اچھا لگا
​

احمد فراز کی کتاب "اے عشق جنوں پیشہ کے صفحہ نمبر 50 سے اقتباس

 

[محب علوی]

گفتگو اچھی لگی ذوقِ نظر اچھا لگا

مدتوں کے بعد کوئی ہمسفر اچھا لگا

مطلع ہی کمال ہے فاتح اور لگتا ہے کہ اب ہر طرف اے عشق جنوں پیشہ ہی ہے۔

کتاب کا دیدار اور انتخاب دونوں پر ایک ساتھ مبارک ہو۔

 

[فاتح]

شکریہ محب! یعنی آپ کی زمانہ شناس نگاہوں نے بھانپ لیا کہ آخر کار کتاب تک دسترس حاصل ہو گئی مجھے بھی
درست فرمایا مطلع ہی کمال کا ہے لیکن ذرا پانچواں شعر بھی ملاحظہ ہو۔ کس بلا کا مضمون باندھا ہے فراز نے۔

 

[محب علوی]

جناب غزل منہ بولتا ثبوت آپ جو تھی کتاب کے آپ کے پاس پہنچ جانے کا۔

واہ کیا اعلی مضمون ہے پانچویں شعر میں مگر مجھے ڈر ہے کچھ اور لوگوں کی نظر میں کچھ اور نہ ہو جائے۔

ویسے چھٹا شعر بھی عمدہ ہے

 

[فاتح]

ویسے چھٹا شعر بھی عمدہ ہے

میرا خیال ہے کہ چھٹے شعر پر داد دینے کی عمر نہیں آئی ابھی آپ کی

 

[فرحت کیانی]

گفتگو اچھی لگی ذوقِ نظر اچھا لگا

مدتوں کے بعد کوئی ہمسفر اچھا لگا​

دل کا دکھ جانا تو دل کا مسئلہ ہے پر ہمیں
اُس کا ہنس دینا ہمارے حال پر اچھا لگا​

ہر طرح کی بے سر و سامانیوں کے باوجود
آج وہ آیا تو مجھ کو اپنا گھر اچھا لگا​

باغباں گلچیں کو چاہے جو کہے ہم کو تو پھول
شاخ سے بڑھ کر کفِ دلدار پر اچھا لگا​

کون مقتل میں نہ پہنچا کون ظالم تھا جسے
تیغِ قاتل سے زیادہ اپنا سر اچھا لگا​

ہم بھی قائل ہیں وفا میں استواری کے مگر
کوئی پوچھے کون کس کو عمر بھر اچھا لگا​

اپنی اپنی چاہتیں ہیں لوگ اب جو بھی کہیں
اک پری پیکر کو اک آشفتہ سر اچھا لگا​

میر کے مانند اکثر زیست کرتا تھا فراز
تھا تو وہ دیوانہ سا شاعر مگر اچھا لگا​

احمد فراز کی کتاب "اے عشق جنوں پیشہ کے صفحہ نمبر 50 سے اقتباس

کون مقتل میں نہ پہنچا کون ظالم تھا جسے
تیغِ قاتل سے زیادہ اپنا سر اچھا لگا
واہ۔۔۔بہت ہی خوب۔۔۔
کتاب ملنے کے لئے مبارکباد اور غزل شئیر کرنے کے لئے شکریہ قبول کیجئیے

 

[فاتح]

کون مقتل میں نہ پہنچا کون ظالم تھا جسے
تیغِ قاتل سے زیادہ اپنا سر اچھا لگا
واہ۔۔۔بہت ہی خوب۔۔۔
کتاب ملنے کے لئے مبارکباد اور غزل شئیر کرنے کے لئے شکریہ قبول کیجئیے

خیر مبارک فرحت اور بہت شکریہ پسندیدگی کے لئے۔
میرا بھی پسندیدہ شعر یہی ہے لیکن کچھ "منچلے" زقند بھر کر سیدھا چھٹے پر براجمان ہوئے ہیں اور وہیں اٹک گئے ہیں۔ (محب صاحب! میںنے آپ کا تو نام ہی نہیں لیا)

 

[امیداورمحبت]

گفتگو اچھی لگی ذوقِ نظر اچھا لگا

مدتوں کے بعد کوئی ہمسفر اچھا لگا​

دل کا دکھ جانا تو دل کا مسئلہ ہے پر ہمیں
اُس کا ہنس دینا ہمارے حال پر اچھا لگا​

ہر طرح کی بے سر و سامانیوں کے باوجود
آج وہ آیا تو مجھ کو اپنا گھر اچھا لگا​

باغباں گلچیں کو چاہے جو کہے ہم کو تو پھول
شاخ سے بڑھ کر کفِ دلدار پر اچھا لگا​

کون مقتل میں نہ پہنچا کون ظالم تھا جسے
تیغِ قاتل سے زیادہ اپنا سر اچھا لگا​

ہم بھی قائل ہیں وفا میں استواری کے مگر
کوئی پوچھے کون کس کو عمر بھر اچھا لگا​

اپنی اپنی چاہتیں ہیں لوگ اب جو بھی کہیں
اک پری پیکر کو اک آشفتہ سر اچھا لگا​

میر کے مانند اکثر زیست کرتا تھا فراز
تھا تو وہ دیوانہ سا شاعر مگر اچھا لگا​

احمد فراز کی کتاب "اے عشق جنوں پیشہ کے صفحہ نمبر 50 سے اقتباس

fatehh,

بہت اچھی غزل ہے ۔۔

گفتگو اچھی لگی ذوقِ نظر اچھا لگا
مدتوں کے بعد کوئی ہمسفر اچھا لگا

 

[محب علوی]

خیر مبارک فرحت اور بہت شکریہ پسندیدگی کے لئے۔
میرا بھی پسندیدہ شعر یہی ہے لیکن کچھ "منچلے" زقند بھر کر سیدھا چھٹے پر براجمان ہوئے ہیں اور وہیں اٹک گئے ہیں۔ (محب صاحب! میںنے آپ کا تو نام ہی نہیں لیا)

فاتح مجھے تو پہلا شعر بھی بہت اچھا لگا تھا اور چھٹے شعر کے لیے تو شعرمیں ہی جواب ہے

اپنی اپنی چاہتیں ہیں لوگ اب جو بھی کہیں​

 

[محمد وارث]

بھائی لوگو آپ تو پانچویں، چھٹے تک پہنچے ہوئے ہیں، کوئی فتوٰی نہ لے لینا کہیں سے۔

۔

 

[فاتح]

fatehh,
بہت اچھی غزل ہے ۔۔
گفتگو اچھی لگی ذوقِ نظر اچھا لگا
مدتوں کے بعد کوئی ہمسفر اچھا لگا

شکریہ امید اور محبت آپ کی محبت بھری پسندیدگی کا

 

[فاتح]

بھائی لوگو آپ تو پانچویں، چھٹے تک پہنچے ہوئے ہیں، کوئی فتوٰی نہ لے لینا کہیں سے۔

اگر حسنِ "زن" سے کام لوں تو کہنا پڑے گا کہ "چھٹے" میں شاید کتابت کی غلطی سے یائے مجہول تحریر کر گئے آپ۔
لیکن اگر حسنِ "ظن" سے دیکھتا ہوں تو یہ دوستوں کو فتویٰ سے بچانے کی ایک سعی تھی آپ کی جانب سے۔

 

[فاتح]

فاتح مجھے تو پہلا شعر بھی بہت اچھا لگا تھا اور چھٹے شعر کے لیے تو شعرمیں ہی جواب ہے

اپنی اپنی چاہتیں ہیں لوگ اب جو بھی کہیں​

خوب! معلوم ہوتا ہے کہ فلسفہ کے ساتھ ساتھ منطق میں بھی کمال کو پہنچے ہوئے ہیں آپ

 

[محمد وارث]

اگر حسنِ "زن" سے کام لوں تو کہنا پڑے گا کہ "چھٹے" میں شاید کتابت کی غلطی سے یائے مجہول تحریر کر گئے آپ۔
لیکن اگر حسنِ "ظن" سے دیکھتا ہوں تو یہ دوستوں کو فتویٰ سے بچانے کی ایک سعی تھی آپ کی جانب سے۔

یائے مجہول کتابت کی غلطی نہیں تھی بھائی، پتھر پھینکنے لگا تو سر یاد آگیا ، کہ یہاں تو "ایک بھی بہت ہے"۔

۔

 

[فاتح]

یائے مجہول کتابت کی غلطی نہیں تھی بھائی، پتھر پھینکنے لگا تو سر یاد آگیا ، کہ یہاں تو "ایک بھی بہت ہے"۔

گویا میرا حسنِ "ظن" ہی بہرطور درست تھا
خیر میں ابھی درخواست دائر کرتا ہوں چھٹی کی کہ "وارث سیالکوٹ میں اکیلا ہے مجھے جانے دو۔۔۔"

 

[Qaisar Aziz]

گفتگو اچھی لگی ذوقِ نظر اچھا لگا
مدتوں کے بعد کوئی ہمسفر اچھا لگا

دل کا دکھ جانا تو دل کا مسئلہ ہے پر ہمیں
اُس کا ہنس دینا ہمارے حال پر اچھا لگا

ہر طرح کی بے سر و سامانیوں کے باوجود
آج وہ آیا تو مجھ کو اپنا گھر اچھا لگا

باغباں گلچیں کو چاہے جو کہے ہم کو تو پھول
شاخ سے بڑھ کر کفِ دلدار پر اچھا لگا

کون مقتل میں نہ پہنچا کون ظالم تھا جسے
تیغِ قاتل سے زیادہ اپنا سر اچھا لگا

ہم بھی قائل ہیں وفا میں استواری کے مگر
کوئی پوچھے کون کس کو عمر بھر اچھا لگا

اپنی اپنی چاہتیں ہیں لوگ اب جو بھی کہیں
اک پری پیکر کو اک آشفتہ سر اچھا لگا

میر کے مانند اکثر زیست کرتا تھا فراز
تھا تو وہ دیوانہ سا شاعر مگر اچھا لگا
​

احمد فراز کی کتاب "اے عشق جنوں پیشہ کے صفحہ نمبر 50 سے اقتباس

ایک شعر رہ گیا۔ ۔
منزلوں کی بات چھوڑو کس نے پائیں منزلیں
اک سفر اچھا لگا اک ہمسفر اچھا لگا۔ ۔

 

[نازنین شاہ]

گفتگو اچھی لگی ذوقِ نظر اچھا لگا
مدتوں کے بعد کوئی ہمسفر اچھا لگا

دل کا دکھ جانا تو دل کا مسئلہ ہے پر ہمیں
اُس کا ہنس دینا ہمارے حال پر اچھا لگا

ہر طرح کی بے سر و سامانیوں کے باوجود
آج وہ آیا تو مجھ کو اپنا گھر اچھا لگا

باغباں گلچیں کو چاہے جو کہے ہم کو تو پھول
شاخ سے بڑھ کر کفِ دلدار پر اچھا لگا

کون مقتل میں نہ پہنچا کون ظالم تھا جسے
تیغِ قاتل سے زیادہ اپنا سر اچھا لگا

ہم بھی قائل ہیں وفا میں استواری کے مگر
کوئی پوچھے کون کس کو عمر بھر اچھا لگا

اپنی اپنی چاہتیں ہیں لوگ اب جو بھی کہیں
اک پری پیکر کو اک آشفتہ سر اچھا لگا

میر کے مانند اکثر زیست کرتا تھا فراز
تھا تو وہ دیوانہ سا شاعر مگر اچھا لگا

احمد فراز

 

[محمداحمد]

بہت خوب عمدہ انتخاب ہے۔

اور یہ غزل سدا بہار ہے۔

 

[محمداحمد]

تلاش سے پتہ چلتا ہے کہ فاتح بھائی یہ غزل کافی پہلے یعنی 2007 میں محفل میں لگا چکے ہیں اور مذکورہ لڑی میں حنوط گفتگو (کیا کہنے) زندگی سے بھرپور معلوم ہوتی ہے۔ اِس اور اِس جیسے دھاگوں کو دیکھ کر اندازہ ہوتا ہےکہ ہم آخر اردو محفل کے دیوانے کیوں ہو رہے۔

 

[نازنین شاہ]

بہت خوب عمدہ انتخاب ہے۔

اور یہ غزل سدا بہار ہے۔

بہت شکریہ محمداحمد
واقعی یہ سدا بہار غزل ہے اور جتنی بار بھی پڑھی جائے لطف بڑھتا ہی جاتا ہے