"گل کوئی عشق دی کر پیار دا قصہ سنا" ساغر صدیقی

[فرحان محمد خان]

گل کوئی عشقِ دی کر پیار دا قصہ سنا
داستاں منصور دی یا دار دا قصہ سنا

چھڈ گُنجل دار زلفاں دی بجھارت شاعرا
انقلابِ وقت دی جھنکار دا قصہ سنا

اج وارث دے قلم دی سرسراہٹ نوں بُلا
ابن قاسم دی جری تلوار دا قصہ سنا

جتھے پی کے کجھ شرابی غیرتاں نئیں دیچدے
ساقیا اوس محفلِ سرشار دا قصہ سنا

اج سوہنی تے گھڑے دے قول دا افسانہ لکھ
مڑ کے عزت بیگ دے اقرار دا قصہ سنا

جتھے کھڑکے پھل امیداں دے نئیں کملاؤندے
اوس خزاں نا آشنا گلزار دا قصہ سنا

چھیڑ ساغرؔ و نجھلی تے دل دا اک انمول گیت
بن کے رانجھا حسن دی سرکار دا قصہ سنا​

ساغرؔ صدیقی​

 

[فرحان محمد خان]

سر محمد وارث
سر فرخ منظور
عبدالقیوم چوہدری
سر محمد تابش صدیقی

 

[فرخ منظور]

واہ جی۔ ایہ کلام کتھوں لبھیا تہانوں؟

 

[فرحان محمد خان]

واہ جی۔ ایہ کلام کتھوں لبھیا تہانوں؟

سر کلیاتِ ساغر صدیقی جو یونس ادیب صاحب نے ترتیب دیئے ہیں

 

[عبدالقیوم چوہدری]

ودھیا جی۔

 

[فاطمہ شیخ]

واہ واہ

 

[یونس]

ساغر صدیقی دا پنجابی کلام ۔ ۔ ۔ واہ !