گمنام ای میل کرنے والا

[یوسف-2]

اگر کوئی مجھے گمنام ای میل کرے تو میں اسے کیسے ٹریس کروں۔
کیا اس کی موصول شدہ ای میل سے اس کا آئی پی ایڈریس مل سکتا ہے۔ آئی پی ایڈریس اگر پرسنل ہو تو اس سے اس کا فون نمبر مل جاتا ہے اور فون نمبر سے اس بندے کا نام پتہ معلوم کیا جاسکتا ہے۔ لیکن اگر وہ نیٹ کیبل سے ای میل کرے تو؟ اور موصول شدہ ای میل سے آئی پی ایڈریس کیسے معلوم کیا جاسکتا ہے، اگر کیا جاسکتا ہے تو۔یہ تو مجھے معلوم ہے کہ اگر کسی سے آن لائن چیٹ کیا جائے تو اس کا آئی پی ایڈریس، فون نمبر وغیرہ معلوم ہوسکتا ہے؟لیکن اگر وہ آن لائن نہ آئے اور صرف ای میل کرے تو اسے کیسے ٹریس کریں؟

 

[شمشاد]

خاصا مشکل سوال ہے۔ یہ تو آئی ٹی کے ماہرین ہی بتا سکتے ہیں۔

 

[میم نون]

جواب تو تھوڑا مفصل بھی ہو سکتا ہے، لیکن مختصر یہ کہ ایسا ممکن نہیں۔

 

[عسکری]

ہر میل میں بھیجنے والے کا آئی پی ہوتا ہے اگر وہ اپنے آئی پی سے کر رہا ہے تو پتہ چل بھی سکتا ہے پر اگر وہ کوئی پبلک پلیس سے یا کسی پروکسی کے پیچھے سے چھپ کر کر رہا ہے تو مشکل ہے ویسے میری خیال میں اگر مکمل نا سہی شہر علاقے کا پتہ تو چلایا جا سکتا ہے ۔

 

[mfdarvesh]

بلکل شہر کا نام اور آئی ایس پی کا پتہ چل سکتا ہے
صرف اپنی ای میل کا ہیڈر کھولیں اور آئی پی پتہ کریں اس کے بعد تو بہت سی ویب سائٹس ہیں جو لوکیشن بتا دیں گی

 

[شمشاد]

جو سائیٹس مفت میں جگہ بتاتی ہیں وہ سو فیصد صحیح نہیں ہوتا۔

 

[دوست]

عموماً شہر کا ہی پتا لگ پاتا ہے۔

 

[اظفر]

آسان نہیں ہے۔ اکثر آی پی ، آی ایس پی کے ہوتے ہیں۔ جن کا شہر بھی پتا کرنا مشکل ہوتا ہے۔
یاہو ای میلز کے ہیڈرز چیک کریں۔ زیادہ تر x orignating سینڈر کی بجاے یاہو کا ملے گا۔ ایسے میں تلاش مشکل ہوگی۔ البتہ ریڈ نوٹیفائی کا استعمال 80 فیصد تک درست معلومات دے سکتا ہے