گوگل پاکستان اور 284 دیگر ڈاٹ پی کے ڈومین ویب سائٹس ہیک ہو گئیں

[حسیب نذیر گِل]

پاکستان کے اکثر انٹرنیٹ صارفین جب آج صبح اپنے ہوم پیج پر پہنچے تو اسے ہیک شدہ اور خراب پایا۔ جی ہاں، Google.com.pk اور دیگر 284 ڈاٹ پی کے ڈومین آج ہیک کر لیے گئے (اور اب بھی ان میں سے بیشتر کی صورت بگڑی ہوئی ہے)۔
پاکستانی ویب سائٹس اور ویب-سرورز کے ماہر عرفان احمد کے مطابق اس کا سبب مارک مانیٹر کے زیر انتظام 284 ڈاٹ پی کے ڈومینز کی ڈی این ایس انٹریز میں ہونے والی تبدیلی ہے۔
خراب ہونے والے ڈومینز میں Microsoft.PK، apple.PK، paypal.PK، ebay.PK، blogspot.PK، chrome.PKاور Cisco.PK و دیگر شامل ہیں۔
بظاہر تو کسی نے اس واقعے کی ذمہ داری قبول نہیں کی، لیکن خراب ہونے والے صفحات، بشمول Google.com.pk پر ترکی زبان میں ایک پیغام موجود ہے، جو اشارہ دیتا ہے کہ ممکن ہے ہیکر کا تعلق ترکی سے ہو۔
ہیکر نے کسی کے لیے کوئی پیغام نہیں چھوڑا، جیسا کہ ایسی حرکات کے بعد ہیکرز عموماً کیا کرتے ہیں۔
البتہ انگریزی زبان میں “Downed Pakistan” کا ایک لفظ ضرور موجود ہے، جو ہیکرز کی فتح کی علامت ہے۔
ذیل میں Google.com.pk کا ہیک شدہ اسکرین شاٹ ملاحظہ کیجیے۔

بشکریہ:پروپاکستانی

 

[حسیب نذیر گِل]

حسان خان ذرا ترجمہ کرکے بتائیے گا کہ ترکی زبان میں کیا لکھا ہوا ہے؟

 

[انیس الرحمن]

شام تک یہی رہا ہے۔ اب پیج بلاک ہے۔
میں نے گوگل انڈیا استعمال کی پھر۔

 

[ناعمہ عزیز]

میں بھی کہوں گوگل انکل کو کیا ہو گیا

 

[حسیب نذیر گِل]

صبح گوگل کے پاکستان میں کے کنٹری کنسلٹنٹ نے ٹویٹ بھی کی تھی

 

[حسان خان]

حسان خان ذرا ترجمہ کرکے بتائیے گا کہ ترکی زبان میں کیا لکھا ہوا ہے؟

یہ کوئی پیغام نہیں بلکہ ایک بے تکا شعر لگ رہا ہے:

دوستوں میں‌ شامل میرے جگر (قریبی دوست) ہمیشہ میرے ساتھ ہیں۔ کوئی ایسا ہے جو میری ہر کھینچی سانس میں میرے پاس نہ ہو؟

نیچے لکھا ہے:

دوستوں کو سلام، ہم مر نہیں گئے تھے، اب جی رہے ہیں۔

 

[انیس الرحمن]

یہ کوئی پیغام نہیں بلکہ ایک بے تکا شعر لگ رہا ہے:

دوستوں میں‌ شامل میرے جگر ہمیشہ میرے ساتھ ہیں۔ کوئی ایسا ہے جو میری کھینچی سانسوں میں میرے پاس نہ ہو؟

نیچے لکھا ہے:

دوستوں کو سلام، ہم مر گئے تھے اب جی رہے ہیں۔

یہ تو امریکہ کو چیتاونی دی گئی ہے۔۔

 

[حسان خان]

یہ تو امریکہ کو چیتاونی دی گئی ہے۔۔

ترجمے میں تدوین کر دی گئی ہے۔

 

[عطاء رفیع]

میرا بلاگ 2 مہینوں میں دوسری مرتبہ ہیک ہوا ہے، میرے ”میزبانوں“ سے چوک ہوگئی ہے۔ اب کیا کریں۔ میل کردیا ہے۔ ہیکرز میانمار برما کے ہیں۔
www.atarafi.com

 

[قیصرانی]

یہ کوئی پیغام نہیں بلکہ ایک بے تکا شعر لگ رہا ہے:

دوستوں میں‌ شامل میرے جگر (قریبی دوست) ہمیشہ میرے ساتھ ہیں۔ کوئی ایسا ہے جو میری ہر کھینچی سانس میں میرے پاس نہ ہو؟

نیچے لکھا ہے:

دوستوں کو سلام، ہم مر نہیں گئے تھے، اب جی رہے ہیں۔

ہر کھنچی سانس کے ساتھ، جگر ہے کہ سگریٹ؟

 

[حسان خان]

ہر کھنچی سانس کے ساتھ، جگر ہے کہ سگریٹ؟

ہاہاہا شاید محاورتا کہا ہے، یعنی ہر کھینچی سانس میں = ہر دم میں
سانس کھینچنا ترکی محاورہ ہے، اردو میں اس کے بجائے سانس لینا کہا جاتا ہے۔ پاکستان میں کھینچا کسی اور چیز کو جاتا ہے۔

 

[انیس الرحمن]

ہر کھنچی سانس کے ساتھ، جگر ہے کہ سگریٹ؟

مطلب ہیک کرنے والے ملنگ ہیں۔۔
عسکری بھائی یہ ملنگ ہیکر ہمیں بدنام کر رہے ہیں۔۔

 

[حسان خان]

مطلب ہیک کرنے والے ملنگ ہیں۔۔
عسکری بھائی یہ ملنگ ہیکر ہمیں بدنام کر رہے ہیں۔۔

ارے تو کیا ملنگ بچے ویب سائٹ ہیک نہیں کر سکتے؟

 

[انیس الرحمن]

ارے تو کیا ملنگ بچے ویب سائٹ ہیک نہیں کر سکتے؟

کر سکتے ہیں مگر بدنام ہم ہوں گے۔۔

 

[mfdarvesh]

صبح تو گوگل کا صفحہ چل رہا تھا، ابھی بلاک لگ رہا ہے

 

[حسیب نذیر گِل]

صبح تو گوگل کا صفحہ چل رہا تھا، ابھی بلاک لگ رہا ہے

میرے تو صبح سے مسئلہ آرہا ہے

 

[mfdarvesh]

میرے تو صبح سے مسئلہ آرہا ہے

اچھا صبح تو ٹھیک چل رہا تھا
میں نے براوزر صاف کرکے بھی دیکھا تھا، مگر ابھی نہیں چل رہا، میرا خیال تھا کہ کہ مسئلہ حل ہو گیا ہے

 

[arifkarim]

ہیکنگ کسی خاص مقصد کیلئے کی جائے تو ٹھیک ہے۔ یہ شغل خوری والی ہیکنگ کا کیا فائدہ؟

 

[الف نظامی]

کیا جی میل کام کر رہی ہے؟

 

[عسکری]

مطلب ہیک کرنے والے ملنگ ہیں۔۔
عسکری بھائی یہ ملنگ ہیکر ہمیں بدنام کر رہے ہیں۔۔

اگر ایسا ہوتا تو ہیکر رات کے بارہ بجے یہ کام کرتے کیونکہ دن مین تو ملنگوں سے ایک اینٹ نہیں اٹھائی جاتی ہاں رات کو 2 من کا گٹر کا ڈھکن اٹھا جاتے ہیں