طارق شاہ
محفلین
غزل
فراقؔ گورکھپوری
خرامِ نازِ لیلائے گُل اندام
گُلِ فردوس کِھلتے ہیں بَہرگام
ِتری اوقات کیا، اے عِشقِ ناکام!
اِک آہِ بے اثر، اِک دردِ بے نام
حیاتِ بے محبّت، سر بَسر موت
محبّت زندگی کا دوسرا نام
ذرا اِک گردشِ چشم اور ، ساقی!
بہت انگڑائی لیتے ہیں مئے آشام
بدل جاتی ہے دُنیا اس کو سُن کر
نیا ہے، لیجیے جس دَم تِرا نام
نہ پُوچھو وصل کے اوقات، کیا تھا!
وہ آئے گیسو کھولے، ہوگئی شام
یہ باتیں تیری چھٹکی چاندنی میں
چَھلکتے ہیں شَبِ مہتاب میں جام
کسی کی یاد میں جی بھر کے رو لیں
ہَمَیں بھی آج اے دِل! کُچھ نہیں کام
ہر اِک سانس اُس کی ہے جانِ بہاراں
وہی اِک گُل بَدن، گُل پوش، گُل فام
جسے جانِ حیا کہتی تھی دُنیا
ہر اِک کو کر گئی وہ آنکھ بدنام
جمالِ بے بدل سو رنگ بدلے
نگاہوں کو بس اپنے کام سے کام
خیالاتِ پریشاں، یادِ گیسو
کہاں اِس کارواں کو ہوگئی شام
سکوتِ ناز سمجھے تھے جسے ہم
وہی اِک بات آخر کرگئی کام
اِک احساسِ کمی تھا زندگی کو
اُسی غم کا، محبّت پڑ گیا نام
گراں ہے دَورِ حاضر اِک جہاں پر
بَڑھیں اب انقلاباتِ سُبک کام
تِرا مُجرم گنہگارِ جہاں بھی
جہاں اِتنے، وہاں اِک اور اِلزام
ابھی تو بحثِ کُفر و دِیں ہے ساقی
ابھی یہ لب کہاں شائسۃ َءِ جام
نَوائے راز سے بُت خانے روشن!
دیے جاتے ہیں لَو لب ہائے اصنام
فراقؔ احساس کی ایسی ریاضت
حقیقی شاعری بھی ہے بڑا کام
فراقؔ گورکھپوری
(رگھو پتی سہائے)
فراقؔ گورکھپوری
خرامِ نازِ لیلائے گُل اندام
گُلِ فردوس کِھلتے ہیں بَہرگام
ِتری اوقات کیا، اے عِشقِ ناکام!
اِک آہِ بے اثر، اِک دردِ بے نام
حیاتِ بے محبّت، سر بَسر موت
محبّت زندگی کا دوسرا نام
ذرا اِک گردشِ چشم اور ، ساقی!
بہت انگڑائی لیتے ہیں مئے آشام
بدل جاتی ہے دُنیا اس کو سُن کر
نیا ہے، لیجیے جس دَم تِرا نام
نہ پُوچھو وصل کے اوقات، کیا تھا!
وہ آئے گیسو کھولے، ہوگئی شام
یہ باتیں تیری چھٹکی چاندنی میں
چَھلکتے ہیں شَبِ مہتاب میں جام
کسی کی یاد میں جی بھر کے رو لیں
ہَمَیں بھی آج اے دِل! کُچھ نہیں کام
ہر اِک سانس اُس کی ہے جانِ بہاراں
وہی اِک گُل بَدن، گُل پوش، گُل فام
جسے جانِ حیا کہتی تھی دُنیا
ہر اِک کو کر گئی وہ آنکھ بدنام
جمالِ بے بدل سو رنگ بدلے
نگاہوں کو بس اپنے کام سے کام
خیالاتِ پریشاں، یادِ گیسو
کہاں اِس کارواں کو ہوگئی شام
سکوتِ ناز سمجھے تھے جسے ہم
وہی اِک بات آخر کرگئی کام
اِک احساسِ کمی تھا زندگی کو
اُسی غم کا، محبّت پڑ گیا نام
گراں ہے دَورِ حاضر اِک جہاں پر
بَڑھیں اب انقلاباتِ سُبک کام
تِرا مُجرم گنہگارِ جہاں بھی
جہاں اِتنے، وہاں اِک اور اِلزام
ابھی تو بحثِ کُفر و دِیں ہے ساقی
ابھی یہ لب کہاں شائسۃ َءِ جام
نَوائے راز سے بُت خانے روشن!
دیے جاتے ہیں لَو لب ہائے اصنام
فراقؔ احساس کی ایسی ریاضت
حقیقی شاعری بھی ہے بڑا کام
فراقؔ گورکھپوری
(رگھو پتی سہائے)
