میر ہستی اپنی حباب کی سی ہے - میر تقی میر

[دل پاکستانی]

ہستی اپنی حباب کی سی ہے
یہ نمائش سراب کی سی ہے
نازکی اُس کے لب کی کیا کہئیے
پنکھڑی اِک گلاب کی سی ہے
بار بار اُس کے در پہ جاتا ہوں
حالت اب اضطراب کی سی ہے
میں جو بولا، کہا کہ یہ آواز
اُسی خانہ خراب کی سی ہے
میر اُن نیم باز آنکھوں میں
ساری مستی شراب کی سی ہے

 

[عمران شناور]

دل پاکستانی جی! بہت اچھا انتخاب ہے۔ شکریہ

 

[فرخ منظور]

میر تقی میر کی معروف غزل پوسٹ کرنے کا بہت شکریہ دل پاکستانی!

 

[جیا راؤ]

بہت شکریہ جناب 'سلیبس' کی ایک غزل یاد دلانے کا۔۔۔۔۔

 

[محمد وارث]

شکریہ محترم سدا بہار غزل پوسٹ کرنے کیلیے!

 

[شاہ حسین]

بُہت خوب جناب شامل کرنے کا شکریہ

 

[دل پاکستانی]

شکریہ جناب عمران صاحب، سخنور صاحب، محترمہ جیا راؤ صاحبہ، جناب محمد وارث صاحب اور شاہ صاحب۔

 

[فرخ منظور]

ہستی اپنی حباب کی سی ہے
یہ نمائش سراب کی سی ہے

نازکی اس کے لب کی کیا کہیے
پنکھڑی اک گلاب کی سی ہے

چشمِ دل کھول اس بھی عالم پر
یاں کی اوقات خواب کی سی ہے

بار بار اس کے در پہ جاتا ہوں
حالت اب اضطراب کی سی ہے

نقطۂ خال سے ترا ابرو
بیت اک انتخاب کی سی ہے

میں جو بولا کہا کہ یہ آواز
اسی خانہ خراب کی سی ہے

آتشِ غم میں دل بھنا شاید
دیر سے بو کباب کی سی ہے

دیکھیے ابر کی طرح اب کے
میری چشم پر آب کی سی ہے

میرؔ ان نیم باز آنکھوں میں
ساری مستی شراب کی سی ہے

کلام: میر تقی میرؔ
گلوکارہ: فریدہ خانم

​