بہادر شاہ ظفر ہمارا اور عالم ہم کو اس عالم سے کیا مطلب

[حسان خان]

ہمارا اور عالم ہم کو اس عالم سے کیا مطلب​

کسی سے کیا غرض ہم کو کسی کو ہم سے کیا مطلب​

​

تماشے سب جہاں کے ہم نے دیکھے ساغرِ مے میں​

قسم آنکھوں کی ساقی ہم کو جامِ جم سے کیا مطلب​

​

جراحت میں مرے کچھ نون مرچیں پیس کر بھر دو​

کہ ہے یہ زخم عاشق کا اسے مرہم سے کیا مطلب​

​

عرق آلودہ عارض تیرے دیکھوں اے گلستاں رو​

مجھے کیا کام گلشن سے گل و شبنم سے کیا مطلب​

​

سیہ بختی سے اپنی اس بلا کے پیچ میں آیا​

وگرنہ دل کو میرے زلفِ خم در خم سے کیا مطلب​

​

جو یہ سمجھے کہ ملتا ہے وہی جو کچھ ہے قسمت میں​

رہا ان کو ظفر پھر فکرِ بیش و کم سے کیا مطلب​

​

(بہادر شاہ ظفر)​

 

[طارق شاہ]

ہمارا اور عالم، ہم کو اِس عالم سے کیا مطلب​

کسی سے کیا غرض ہم کو، کسی کو ہم سے کیا مطلب​

​

عرق آلودہ عارض تیرے دیکھوں، اے گلستاں رُو​

مجھے کیا کام گلشن سے، گل و شبنم سے کیا مطلب​

​

جو یہ سمجھےکہ، ملتا ہے وہی، جو کچھ ہے قسمت میں !​

رہا اُن کو، ظفر پھر فکرِ بیش و کم سے کیا مطلب​

​

بہت ہی خوب !​

تشکّر شیئر کرنے پر
بہت خوش رہیں

 

[سید زبیر]

واہ ۔ ۔ بہت اعلیٰ
تماشے سب جہاں کے ہم نے دیکھے ساغرِ مے میں
قسم آنکھوں کی ساقی ہم کو جامِ جم سے کیا مطلب