اشباع میں مضائقہ نہیں۔ لیکن ایسا اس وقت کرنا چاہیے جب آپ کے پاس کوئی متبادل موجود نہ ہو، دوسرے یہ کہ آپ اگر "چراغِ" کو "چراغے " بھی کر لیں گے، تب سَحَر کا "ح" ساکن ہو جاتا ہے، جو کہ لسانی عیب بھی ہے اور خارج از بحر بھی۔ کیوں کہ "سحری ہو یا سحر " دونوں صورتوں میں "ح" متحرک ہوتا ہے۔ اس کی مثال کے طور پر آپ میر کا یہ مصرع ملاحظہ کیجیے:
کیا یار بھروسہ ہے چراغِ سَحَری کا
اس مصرع میں بھی "ح" متحرک ہے نہ کہ ساکن، اس لیے یہ ترکیب کہیں ایڈجسٹ نہیں ہورہی۔ باقی اساتذہ بہتر رہنمائی فرما سکتے ہیں، مجھے تو یہی محسوس ہوا کہ یہاں پر بہتری کی گنجائش موجود ہے
