ڈاکٹر مشاہد رضوی
لائبریرین
ہمیں عطا ہوں نعیمِ جناں مرے اللہ
ازقلم : محمد حسین مشاہد رضوی
ہے تیرے نور سے روشن جہاں مرے اللہ
ہے تیرے فیض کا دریا رواں مرے اللہ
ترے سوا نہ کسی سے طلب کروں کچھ بھی
تُو بخش دے مجھے ایسی زباں مرے اللہ
ترابیان مری دسترس سے باہر ہے
ہر اک عیاں میں ہے تو ہی نہاں مرے اللہ
نجات دیدے غموں سے ہر اک مسلماں کو
تو سب کو رکھنا سدا شادماں مرے اللہ
ہمارا عہد کہ بپھرا ہوا سمندر ہے
ہے نامِ پاک ہی اک بادباں مرے اللہ
ترے حبیب کا میں وصفِ رُخ بیان کروں
ہو نامِ پاک ہی وِردِ زباں مرے اللہ
رضاؔ کی راہ پہ چلنے کا فیض دے ہم کو
ہمیں عطا ہوں نعیمِ جناں مرے اللہ
دکھا دے جلوہ شہِ دیں کا مجھ مُشاہدؔ کو
نہ چشم میری بنے خوں فشاں مرے اللہ
ہے تیرے فیض کا دریا رواں مرے اللہ
ترے سوا نہ کسی سے طلب کروں کچھ بھی
تُو بخش دے مجھے ایسی زباں مرے اللہ
ترابیان مری دسترس سے باہر ہے
ہر اک عیاں میں ہے تو ہی نہاں مرے اللہ
نجات دیدے غموں سے ہر اک مسلماں کو
تو سب کو رکھنا سدا شادماں مرے اللہ
ہمارا عہد کہ بپھرا ہوا سمندر ہے
ہے نامِ پاک ہی اک بادباں مرے اللہ
ترے حبیب کا میں وصفِ رُخ بیان کروں
ہو نامِ پاک ہی وِردِ زباں مرے اللہ
رضاؔ کی راہ پہ چلنے کا فیض دے ہم کو
ہمیں عطا ہوں نعیمِ جناں مرے اللہ
دکھا دے جلوہ شہِ دیں کا مجھ مُشاہدؔ کو
نہ چشم میری بنے خوں فشاں مرے اللہ
