ہنجو اکھیاں دے ویہرے وچ پاؤندے نیں دھمالاں

[خلیل الرّحمٰن]

ہنجو اکھیاں دے ویہرے وچ پاؤندے نیں دھمالاں
گلوکار: نصرت فتح علی خان
شاعر: شیخ محمد صادقؔ حُسین

ہنجو اکھیاں دے ویہرے وچ پاؤندے نیں دھمالاں
ہوئے ڈاڈھے دلگیر ، کھچی یاداں نے لکیر
سانوں چن ماہی گھیریا اے تیریاں خیالاں
ہنجو اکھیاں دے ویہرے وچ پاؤندے نیں دھمالاں

سینے نال لا کے تیری یاد دے کھڈؤنے نوں
آؤندے جاندے ساہ میرے آپو وچ کھیندے نیں

لگدے نہی آکھے میرے اتھرو نادان نیں
اکھاں دی دہلیج اُتے ٹِک کے نہ بیندے نیں

میرے اتھرو ٹپ نہی سکدے کدی دلیج اے اکھیاں دی
تیری یاد دا کم اے جیہری بوّئیوں باہر وی لے گئی اے

میں ڈؤل کے کاسے اکھیاں دے نِت داغ جگر دے دھونی آں
جدوں چن تے تارے ہسدے نیں ، میں کلّیاں بَے کے رونی آں

تیرا نت دا وچھوڑا میرے دل نوں ستاؤندا
تیرا نت دا وچھوڑا میرے دل نوں ستاؤندا
دور جا کے پُل گئے اوں سانوں دل جانیاں
وَین پیاں پاؤندیاں نی سدراں نمانیاں

کیتا کی قصور تیرا دس جا وے ڈھولنا
اپنا بنا کے اینج چائیدا نہی رولنا

ڈُب گئیوں کِتھے روگ پیار والا لا کے
عمراں دا رونا ساڈی جھولی وچ پا کے

تیرے باجوں میرے دل نوں قرار نہیوں آؤندا
ہویوں جدوں دا تُو وکھ میری لگدی نہی اکھ
لا کے سینے نال ماہیا تیرے دُکھرے میں پالاں
ہنجو اکھیاں دے ویہرے وچ پاؤندے نیں دھمالاں

یاداں تیریاں دے پانی میرا مُکھرا پئے دھوندے
تینوں کر کر چَیتے میرے اتھرُو وی روندے

میرے دل دیاں گلاں میرے دل وچ رہیاں
تیرے ناں لا کے معنڑے مینوں دیندیاں نیں سیّاں

لوکی کہیندے مینوں جھلی ، روواں بے کے میں کلی
سُکھ زندگی دی بیڑی وچوں مار گئے نیں چھالاں

تیرے باجوں چن ماہیا سُنے کون میرے ہاڑے
میرے دل دیاں ہاواں پھُل خوشیاں دے ساڑے
اکھی ہنجواں دا ڈیرہ وس چلدا نہی میرا
توہیوں دس ایناں موتیاں نوں کیویں میں سنبھلاں

سارا سارا دن لنگے راہواں وچ کھلوندیاں
خبرے میری زندگی نے لنگ جانا روندیاں

اکھاں چاواں نال صادقاؔ میں تیرے نال لایاں
تینوں اپنا بنایا تو وی دے گیوں جُدایاں
کیتا دُکھاں نے ھنیرا کوئی دردی نہ میرا
پھٹ تیریاں جُدائیاں والے کینوں میں وکھالاں

ہنجو اکھیاں دے ویہرے وچ پاؤندے نیں دھمالاں
ہنجو اکھیاں دے ویہرے وچ پاؤندے نیں دھمالاں

 

[شمشاد]

خلیل بھائی بڑا ای ودیا کلام اے۔ تہاڈا بہت شکریہ۔

آندے رہنا محفل وچ تے نالے اپنا تعارف تے دیو۔

 

[تلمیذ]

لوکی کہیندے مینوں جھلی ، روواں بہہ کے میں کلی
سُکھ زندگی دی بیڑی وچوں مار گئے نیں چھالاں

صادق ہوراں دا سوہنا تے سلکھنا کلام نالے نصرت مرحوم دی آواز، واہ واہ، سبحان اللہ! بوہت ودھیا۔
ونڈن دا شکریہ، سرکار!

 

[زبیر مرزا]

قفل ٹوٹا خدا خدا کرکے اینی دیر بعد تُسی ایڈا ودھیا کلام لے کے آئے او
ہُن جے سرکار شروع کی تا جے تے توڑ وی چڑھانا تے ہور کلام ساڈے نال ونڈدے رھیا جے

 

[نایاب]

حق مغفرت فرمائے نصرت فتح علی خان نے کیا خوب ڈوب کر گایا تھا یہ خوبصورت کلام ۔
بہت شکریہ محترم خلیل بھائی
اور اردو محفل پر دلی خوش آمدید

 

[الف نظامی]

ہنجو اکھیاں دے ویہڑے وچ پاؤندے نیں دھمالاں