ہن پیار وی کاروبار محبتاں کی کرئیے

[عبدالقیوم چوہدری]

ہن پیار وی کاروبار محبتاں کی کرئیے
اے دنیا حرص بازار محبتاں کی کرئیے

کاہنوں سُتی پِیڑ جگائیے، روگی دل دا روگ ودھائیے
لنگھن یار چُرا کے اکھیاں، کینوں دل دے پھٹ وکھائیے
او دل توڑن پئے دلدار۔۔۔۔۔۔ محبتاں کی کرئیے

ایویں دل نے جندھڑی رولی، خالی پلا خالی جھولی
ساڈے کنی مندراں پاء کے، ہیر دِلے دی چڑھ گئی ڈولی
او وچ گلیاں رُل گیا پیار۔۔۔۔۔۔ محبتاں کی کرئیے

ویکھ دِلا سجناں دے گارے، جھوٹھے وادے جھوٹھے لارے
لمی کالی رات غماں دی، کہیڑا ساڈے نال گزارے
او نہیں سجناں دا اعتبار۔۔۔۔۔۔ محبتاں کی کرئیے

ایتھے سچا پیار نہیں مل دا، نا کوئی ایتھے مِحرم دل دا
کچیاں دے گل پاء کے باہواں، نا کوئی وچ چناں دے ٹِھلدا
او چھڈ انور اے تکرار۔۔۔۔۔۔ محبتاں کی کرئیے





​

 

[رومانہ چوہدری]

خوب