جی درست کہا- بالکل بلکہ یہ یہ عام محاورے کی زبان میں بھی مقبول ہے ۔مثلاََ جلسے میں بہت آدمی تھا ۔
اگر آپ ر کو ایک trill کے طور پر ادا کریں جیسے لفظ ذرہ میں مشدد ر کو کیا جاتا ہے تو تنافر محسوس نہیں ہوگا۔
تنافر عام گفتگو میں اکثر واقع ہوتا ہے، یہ زبان کی اپنی محدودیت ہے۔ شاعری فطری بول چال کے جتنا قریب ہو اتنی بلند ہو جاتی ہے۔ اگر تنافر دور کرنے کے لیے اس غزل کی ردیف میں رد و بدل کیا جائے تو زبان و بیان کی بے ساختگی ساتھ جاتی ر ہے۔
رہنمائی کے لیے بہت شکریہ، سلامت رہیں
قریشی صاحب کی بات کو آگے بڑھاتے ہوئے یہ بھی کہ عیب تنافر عام طور پر پچھلی صدی کے اوائل میں نمایاں ہونا شروع ہوا تھا اور شاید حسرت موہانی نے پہلے پہل اس پر زیادہ زور دینا شروع کیا تھا۔ کلاسیکی اساتذہ اس کی زیادہ پروا نہیں کرتے تھے اور کلاسیکی شاعری میں اس کی مثالیں عام مل جائیں گی، انکے زمانے میں یہ شاید عیب تھا ہی نہیں۔ ویسے مجھے تو اب بھی نہیں لگتا۔
