ہوتا نہیں جس جا پہ گذر ذہنِ رسا کا - سید افتخار علی شاہ چشتی قادری معروف بغریب الوطن

[حسان خان]

ہوتا نہیں جس جا پہ گذر ذہنِ رسا کا​

اُس کوچے میں دیکھو تو نشاں ہے مرے پا کا​

​

میں قالبِ عالم میں ہوں اک روحِ مجسم​

اترے گا نہ اوراقِ نگہ پر مرا خاکا​

​

محفل میں اُسے اہلِ وفا کے نہیں رتبہ​

شاکی ہو جو عاشق کوئی دلبر کے جفا کا​

​

دیدہ نہ کیا باز کوئی دیکھنے اُس کو​

عنقا کی طرح سنتے ہیں سب نام خدا کا​

​

پاتا ہوں تجھے جب میں گذرتا ہوں خودی سے​

پردہ ہے مرا نام ترے روئے صفا کا​

​

ہے جلوۂ حق میرے سراپا میں نمایاں​

رہتا ہوں میں جس گھر میں وہی گھر ہے خدا کا​

​

ہوں محوِ تماشائے رخِ یار وطنؔ میں​

ہے لب پہ مرے نام فنا کا نہ بقا کا​

​

(سید افتخار علی شاہ چشتی قادری معروف بغریب الوطن)​

 

[سید زبیر]

کیا بات ہے ۔ ۔ بہت خوبصورت کلام
پاتا ہوں تجھے جب میں گذرتا ہوں خودی سے
پردہ ہے مرا نام ترے روئے صفا کا
جزاک اللہ

 

[الشفاء]

پاتا ہوں تجھے جب میں گذرتا ہوں خودی سے
پردہ ہے مرا نام ترے روئے صفا کا

واہ۔واہ سبحان اللہ۔۔۔​

بہت خوب انتخاب۔۔۔​

​