:::: ہوش جونپوری ۔- اِتنا پیچھے نہ پڑا تھا دلِ ناداں پہلے -- اصغر مہدی ہوش جونپوری

[طارق شاہ]

غزلِ
ہوش جونپوری

اِتنا پیچھے نہ پڑا تھا دلِ ناداں پہلے
یُوں نہ تھا دُشمنِ جاں، دُشمنِ اِیماں پہلے

پہلے وہ آتے، شراب آتی، کوئی ساز آتا
تو کہاں آن مَرِی گردشِ دوراں پہلے

کچُھ تِری شوخ نِگاہوں کا اِشارہ ہے ضرور
اِتنا گُستاخ نہ تھا وصْل کا ارماں پہلے

تیری زُلفوں نے مِرے دِل کی ادائیں لے لیں
ورنہ اِس شان سے، کب تھیں یہ پریشاں پہلے

ہاں دِکھاؤں گا کِسی روز محبّت کی بہار
دِل کے زخموں کو ذرا کرلُوں گُلِستاں پہلے

اصغر مہدی ہوش جونپوری ​

 

[محمد خلیل الرحمٰن]

پہلے وہ آتے، شراب آتی، کوئی ساز آتا
تو کہاں آن مَرِی گردشِ دوراں پہلے

​

کہاں کہاں سے یہ خزانے نکالے لاتے ہیں جناب طارق شاہ بھائی۔ بہت شکریہ قبول فرمائیے

 

[کاشفی]

بہت خوب! بہت شکریہ شیئر کرنے کے لیئے۔۔خوش رہیئے۔۔

 

[طارق شاہ]

کہاں کہاں سے یہ خزانے نکالے لاتے ہیں جناب طارق شاہ بھائی۔ بہت شکریہ قبول فرمائیے

تشکّر خلیل الرحمان بھائی ، اظہار خیال اور پذیرائی کے لئے
خوشی ہوئی جو انتخاب پسند آیا
بہت خوش رہیں

 

[طارق شاہ]

بہت خوب! بہت شکریہ شیئر کرنے کے لیئے۔۔خوش رہیئے۔۔

تشکّر کشفی صاحب!
اظہار خیال اور پذیرائی انتخاب پر
بہت خوش رہیں