شفیق خلش ::::::ہو خیال ایسا جس میں دَم خَم ہو:::::: Shafiq-Khalish

[طارق شاہ]

غزل
ہو خیال ایسا جس میں دَم خَم ہو
شاید اُس محوِیّت سے غم کم ہو

پھر بہار آئے میرے کانوں پر!
پھر سے پائل کی اِن میں چھم چھم ہو

اب میسّر کہاں سہولت وہ !
اُن کو دیکھا اور اپنا غم کم ہو

ہاتھ چھوڑے بھی اِک زمانہ ہُوا
اُس کی دُوری کا کچھ تو کم غم ہو

مِلنےآتے بھی ہیں، تو ایسے خلشؔ!
جیسے، دِل اُن کا مائلِ رم ہو

شفیق خلشؔ
​

 

[طارق شاہ]

غزل
ہو خیال ایسا جس میں دَم خَم ہو
شاید اُس محوِیّت سے غم کم ہو

ہُوں مَرِیض ایسا جو لَبِ دم ہو
اذّیتِ فُرق تو، ذرا کم ہو

پھر بہار آئے میرے کانوں پر
پھر سے پائل کی اِن میں چھم چھم ہو

اب میسّر کہاں سہُولت وہ !
اُن کو دیکھا اور اپنا غم کم ہو

کب ملاقات اب وہ پہلی سی
ذکر تک اپنا اُن سے کم کم ہو

ہاتھ چھوڑے بھی اِک زمانہ ہُوا
اُس کی دُوری کا کچھ تو کم غم ہو

کھول لیتے ہیں در ہر آہٹ پر
سوچ کر یہ، کہِیں نہ ہمدم ہو

پیش رُو جائیں گے خلشؔ، لیکن!
کُچھ تو آنکھوں سے اپنی نم کم ہو

مِلنے آتے بھی ہیں تو ایسے خلؔش!
جیسے دِل اُن کا مائلِ رم ہو

شفیق خلؔش