ہو کے ہم با ہوش دھوکا کھاگئے۔ ایک غزل محفل کی نذر از: بسمؔل

[belgam]

بھائی ابھی کچھ سمجھ نہیں آرہی فورم کی بعد میں جواب دوں کا آپ کی باتوں کا

 

[قرۃالعین اعوان]

عمدہ!

 

[طارق شاہ]

غزل​

(مزمل شیخ بسؔمل)​

​

ہنس کے اتنے پھول وہ برسا گئے​

میرے آنسو اپنی قیمت پا گئے​

​

دل میں وہ اک آگ سی بھڑکا گئے​

ہے وظیفہ اب یہی وہ آ گئے​

​

اپنے غم دیکر مجھے وہ کیا گئے​

میرے مہماں اور مجھ کو کھا گئے​

​

کم سنی میں مجھ کو ان سے دکھ نہ تھا​

پھٹ پڑے ، ہو کر جواں اترا گئے​

​

ان سے چٹم چوٹ کچھ مہنگی نہ تھی​

دوستی کرکے تو ہم اکتا گئے​

​

کیا کشش تھی انکی ہر اک بات میں​

ہو کے ہم با ہوش دھوکا کھاگئے​

​

کوئی تو دیکھے مری بیچارگی​

ظلم وہ اس جاں پے کتنے ڈھا گئے​

​

مجھ کو ہر شے میں وہی آئے نظر​

کائناتِ زندگی پر چھا گئے​

​

مر کے بسمؔل کو ملی کامل حیات​

قبر پر ٹسوے بہانے آگئے​

​

بسمل صاحب! غزل کا آہنگ اور خیال بہت خوب ہے
مصرعے کہیں کہیں مربوط یا واضح نہیں ہیں
ویسے ہی اپنا خیال لکھ رہا ہوں امید ہے اسے ایک برادرانہ ، یا بزرگوارانہ مشورہ سجھ کر غور کرینگے
ویسے کسی کے لکھے پر مشورہ دینے سے ڈرتا ہوں، کہ اس سے عموماََ خوشگوار ماحول اور فضا بھی خراب ہو جاتی ہے
پھر بھی فلاح کو مدنظر رکھ کراپنا خیال بلیو کلر میں لکھ رہا ہوں، اتفاق ضروری نہیں ، اور کسی کے نقطہٴ نظر سے واقف ہونا اتنا برا بھی نہیں۔

مطلع

ہنس کے اتنے پھول وہ برسا گئے​

میرے آنسو اپنی قیمت پا گئے​

​

کیوں ہنسنا ، کس لئے آنسو ! کچھ واضح نہیں ، یوں کہنا صحیح ہوگا کہ:​

وہ ہنسی کے پھول یوں برسا گئے​

فرقتوں کےغم بھی سب شرما گئے​

۔۔۔۔۔۔۔۔۔۔۔۔۔۔​

دل میں وہ اک آگ سی بھڑکا گئے​

ہے وظیفہ اب یہی وہ آ گئے​

​

کو یوں کرنا صحیح ہوگا کہ:​

دل میں وہ اک آگ سی بھڑکا گئے​

ہر گھڑی ہو یہ گماں، وہ آ گئے ​

۔۔۔۔۔۔۔۔۔۔۔۔۔۔۔۔۔​

اپنے غم دیکر مجھے وہ کیا گئے​

میرے مہماں اور مجھ کو کھا گئے​

​

یوں صحیح یا زیادہ واضح ہوگا کہ :​

ہجر کا غم مجھ کو دے کر کیا گئے​

یاد کے لمحے دل و جاں کھا گئے​

۔۔۔۔۔۔۔۔۔۔۔۔​

کم سنی میں مجھ کو ان سے دکھ نہ تھا​

پھٹ پڑے ، ہو کر جواں اترا گئے​

​

اترانا ہوتا ہے،کہ " اترنا چھوڑو"، یا " کیوں اتراتے ہو" یا "کس بات پر اتراتے ہو"​

اسے دوبارہ سوچنا ہوگا​

۔۔۔۔۔۔۔۔۔۔۔۔۔۔۔۔۔۔​

ان سے چٹم چوٹ کچھ مہنگی نہ تھی​

دوستی کرکے تو ہم اکتا گئے​

​

کو ایسا کرنا بہتر ہوگا کہ ​

سرسری ملنا ذرا مہنگا نہ تھا!​

دوستی اُن سے جو کی پچھتا گئے ​

۔۔۔۔۔۔۔۔۔۔۔۔۔۔۔۔۔۔​

کیا کشش تھی انکی ہر اک بات میں​

ہو کے ہم با ہوش دھوکا کھاگئے​

​

دوسرا مصرع یوں کردیں ​

کیا کشش تھی! انکی ہر اک بات میں​

گو تھے ہم با ہوش، دھوکا کھاگئے​

۔۔۔۔۔۔۔۔۔۔۔۔۔۔​

کوئی تو دیکھے مِری بیچارگی​

ظلم وہ اس جاں پے کتنے ڈھا گئے​

​

کوئی تو دیکھے ذرا زورآواری! ​

ظلم وہ، اِس جاں پہ کیا کیا ڈھا گئے​

۔۔۔۔۔۔۔۔۔۔۔۔۔۔۔

مجھ کو ہر شے میں وہی آئے نظر​

کائناتِ زندگی پر چھا گئے​

​

جب آپ "چھا گئے" کہہ رہے ہیں تو پہلے مصرع میں " آئیں نظر " آئے گا​

مجھ کو ہر شے میں وہی آئیں نظر​

ذہن پرمیرے، وہ ایسے چھا گئے​

۔۔۔۔۔۔۔۔۔​

مر کے بسمؔل کو ملی کامل حیات​

قبر پر ٹسوے بہانے آگئے​

خوب ​

۔۔۔۔۔۔۔۔۔۔۔۔۔۔۔۔۔۔​

بہت خوش رہیں اور لکھتے رہیں​