مصطفیٰ زیدی ہُوئی ایجاد نئی طرزِ خوشامد کہ نہیں

[غزل قاضی]

غزل

ہُوئی ایجاد نئی طرزِ خوشامد کہ نہیں
کل کا آئین ہے اب تک سرِ مسند کہ نہیں

آگئی اے مِرے سائے سے بھی بچنے والی
رفتہ رفتہ ترے اقرار کی سرحد کہ نہیں

نہر خوں ہو چکی ، فرہاد کی مزدوری کو
اب کے تیشے سے ملی قیمتِ ساعد کہ نہیں

ناصحا اس لئے میں گوش بر آواز نہ تھا
تری آواز سے چھوٹا ہے ترا قد کہ نہیں

(مصطفیٰ زیدی از کوہِ ندا)
اپریل،مئی۱۹۶۴ء

 

[اوشو]

بہت خوب
اچھا کلام ہے۔

 

[سید فصیح احمد]

ناصحا اس لئے میں گوش بر آواز نہ تھا
تری آواز سے چھوٹا ہے ترا قد کہ نہیں

واہ !!