ہک ہک رات تے شام وے ڈھولا،فرحت عباس شاہ

[ملائکہ]

ہک ہک رات تے شام وے ڈھولا
تیئں سوہنے دے نام دے ڈھولا

تیرے باجھ ارام وے ڈھولا
ساتھے مول حرام وے ڈھولا

دل ساڈا درباراں ورگا
نا لاویں الزام وے ڈھولا

تیرے باجھ ایہ وسدی نگری
سانوں دسدی لام دے ڈھولا

توں وی تے اس جگ تے ہویا
ساتھوں ودھ بدنام وے ڈھولا

صبح سویر دا وعدہ کرکے
کر چھڈیو وے شام وے ڈھولا

سانوں اج وی تیرا کرکے
لوکی کرن سلام وے ڈھولا

پیار دی پہل ہمیشہ سوہنی
بہوں بھیڑا انجام وے ڈھولا

فرحت عباس شاہ

تیئں:تم
لام: کالا پانی کی روسی جیل جہاں عمر بھر کے قیدیوں کو بھیج دیا جاتا تھا

 

[مرک]

پنجابی واہ جی واہ
لاگے رہو منا بھائی بہت خوب

 

[فرخ منظور]

فرحت عباس شاہ دا سوہنا کلام شئیر کرن واسطے شکریہ ملائکہ - فرحت عباس اج کل پنجاب ٹی وی تے میزبانی کردے نیں نالے اردو دی بجائے پنجابی ول زیادہ رجحان ہو گیا اے -

 

[بنگش]

بہت مہربانی ، ملائکہ جی، سوھنا انتخاب اے

 

[جہانزیب]

تیرے باجھ ارام وے ڈھولا
ساتھے مول حرام وے ڈھولا

ودھیا، جی بہت ودھیا پہنڑ‌ جی ۔

 

[ملائکہ]

شکریہ

 

[فرحت کیانی]

دل ساڈا درباراں ورگا
بہت شکریہ ملائکہ