مبارکباد ہیلووین مبارک

[اوشو]

زیک
آپ اس دن عموماً کونسی موویز دیکھتے ہیں؟ میری پسندیدہ 2007 کی یہ فلم ہے:
http://www.imdb.com/title/tt0862856/

فلم تو دلچسپ لگتی ہے۔ ویسے یہ ہالووین سے متعلقہ زیادہ تر موویز ہارر کیوں ہوتی ہیں؟

 

[عثمان]

فلم تو دلچسپ لگتی ہے۔ ویسے یہ ہالووین سے متعلقہ زیادہ تر موویز ہارر کیوں ہوتی ہیں؟

تہوار کے پس منظر کی وجہ سے۔

 

[قیصرانی]

ہالووین مبارک ہو سب کو۔ ہمارے ہاں آج ہالووین غیر رسمی جبکہ کل آل سینٹس ڈے ہے

 

[سید عاطف علی]

کہا جاتا ہے کہ امریکہ میں ہالووین کی ابتدا 1921ء میں شمالی ریاست منیسوٹا سے ہوئی اور اس سال پہلی بار شہر کی سطح پر یہ تہوار منایا گیا۔ پھر رفتہ رفتہ دو ہزار سال پرانا یہ تہوار امریکہ کے دوسرے قصبوں اور شہروں تک پھیل گیا اور پھر اس نے قومی سطح کے بڑے تہوار اور ایک بہت بڑی کاروباری سرگرمی کی شکل اختیار کرلی۔
تاریخ دانوں کا کہنا ہے ہالووین کا سراغ قبل از مسیح دور میں برطانیہ کے علاقے آئرلینڈ اور شمالی فرانس میں ملتا ہے جہاں سیلٹک قبائل ہر سال 31 اکتوبر کو یہ تہوار مناتے تھے۔ ان کے رواج کے مطابق نئے سال کا آغاز یکم نومبر سے ہوتا تھا۔ موسمی حالات کے باعث ان علاقوں میں فصلوں کی کٹائی اکتوبر کے آخر میں ختم ہوجاتی تھی اور نومبر سے سرد اور تاریک دنوں کا آغاز ہو جاتا تھا۔ سردیوں کو قبائل موت کے ایام سے بھی منسوب کرتے تھے کیونکہ اکثر اموات اسی موسم میں ہوتی تھیں۔
قبائل کا عقیدہ تھا کہ نئے سال کے شروع ہونے سے پہلے کی رات یعنی 31 اکتوبر کی رات کو زندہ انسانوں اور مرنے والوں کی روحوں کے درمیان موجود سرحد نرم ہوجاتی ہے اور روحیں دنیا میں آکر انسانوں، مال مویشیوں اور فصلوں کو نقصان پہنچا سکتی ہیں۔ روحوں کو خوش کرنے کے لیے سیلٹک قبائل 31 اکتوبر کی رات آگ کے بڑے بڑے الاؤ روشن کرتے تھے، اناج بانٹتے تھے اور مویشیوں کی قربانی دیتے تھے۔ اس موقع پر وہ جانوروں کی کھالیں پہنتے اور اپنے سروں کو جانوروں کے سینگوں سے سجاتے تھے۔
جب آٹھویں صدی میں ان علاقوں میں عیسائیت کا غلبہ ہوا تو اس قدیم تہوار کو ختم کرنے کے لیے پوپ بونی فیس چہارم نے یکم نومبر کو ’تمام برگزیدہ شخصیات کا دن‘ قرار دیا۔ یہ دن اس دور میں ’آل ہالوز ایوز‘ کہلاتا تھا جو بعد ازاں بگڑ کر ہالووین بن گیا۔ کلیسا کی کوششوں کے باوجود ہالووین کی اہمیت کم نہ ہو سکی اور لوگ یہ تہوار اپنے اپنے انداز میں مناتے رہے۔
امریکہ دریافت ہونے کے بعد بڑی تعداد میں یورپی باشندے یہاں آکر آباد ہوئے۔ وہ اپنے ساتھ اپنی ثقافت اور رسم و رواج اور تہوار بھی لے کر آئے۔ کہا جاتا ہے کہ شروع میں ہالووین میری لینڈ اور جنوبی آبادیوں میں یورپی تارکین وطن مقامی طور پر چھوٹے پیمانے پر منایا کرتے تھے۔ انیسویں صدی میں بڑے پیمانے پر یورپ سے لوگ امریکہ آکر آباد ہوئے جن میں ایک بڑی تعداد آئرش باشندوں کی بھی تھی۔ ان کی آمد سے اس تہوار کو بڑا فروغ اور شہرت ملی اور اس میں کئی نئی چیزیں بھی شامل ہوئیں جن میں، ٹرک آر ٹریٹ، خاص طور پر قابل ذکر ہے، جو آج اس تہوار کا سب سے اہم جزو ہے۔
انیسویں صدی کے آخر تک امریکہ میں ہالووین پارٹیاں عام ہونے لگیں جن میں بچے اور بڑے شریک ہوتے تھے۔ ان پارٹیوں میں کھیل کود اور کھانے پینے کے ساتھ ساتھ ڈراؤنے کاسٹیوم پہنے جاتے تھے۔ اس دور کے اخباروں میں اس طرح کے اشتہار شائع ہوتے تھے جن میں ایسے بہروپ دھارنے والوں کی حوصلہ افزائی کی جاتی تھی جنہیں دیکھ کر لوگ دہل جائیں۔
1950ء کے لگ بھگ ہالووین کی حیثیت مذہی تہوار کی بجائے ایک ثقافتی تہوار کی بن گئی جس میں دنیا کے دوسرے حصوں سے آنے والے تارکینِ وطن بھی اپنے اپنے انداز میں حصہ لینے لگے۔ رفتہ رفتہ کاروباری شعبے نے بھی ہالووین سے اپنا حصہ وصول کرنے کے لیے نت نئے کاسٹیوم اور دوسری چیزیں مارکیٹ میں لانا اور ان کی سائنسی بنیادوں پر مارکیٹنگ شروع کردی۔ یہاں تک کہ اب ہالووین اربوں ڈالر کے کاروبار کا ایک بہت بڑا ثقافتی تہوار بن چکا ہے۔
http://ur.wikipedia.org/wiki/ہالووین

اچھا ۔تو گویا اصلاً یہ تہوار قدیم دقیانوسیت اور سراسر جہالت پر مبنی ہے۔

 

[زیک]

اچھا ۔تو گویا اصلاً یہ تہوار قدیم دقیانوسیت اور سراسر جہالت پر مبنی ہے۔

ایسا کونسا تہوار ہے جس کے بارے میں یہ بات سچ نہ ہو

 

[لئیق احمد]

ایسا کونسا تہوار ہے جس کے بارے میں یہ بات سچ نہ ہو

عیدین کے تہوار

 

[arifkarim]

فلم تو دلچسپ لگتی ہے۔ ویسے یہ ہالووین سے متعلقہ زیادہ تر موویز ہارر کیوں ہوتی ہیں؟

کیونکہ یہ تہوار خود ہارر یعنی خوف و ہراس سے نکلا ہے

اچھا ۔تو گویا اصلاً یہ تہوار قدیم دقیانوسیت اور سراسر جہالت پر مبنی ہے۔

جی یہی کہہ سکتے ہیں۔ یعنی ابراہیمی ادیان کی آمد سے زیادہ پرانا ہے۔

ایسا کونسا تہوار ہے جس کے بارے میں یہ بات سچ نہ ہو

یہودی تہوار جو اسرائیلیوں کی قدیم تاریخ پر مبنی ہیں میں سے بعض حقیقی ہو سکتے ہیں، آثار قدیمہ کے شواہد کے مطابق:
http://www.chabad.org/holidays/default_cdo/jewish/holidays.htm

 

[زیک]

عیدین کے تہوار

عیدالاضحی کا پس منظر: خواب میں خدا بیٹے کو ذبح کرنے حکم دیتا ہے اور اس حکم پر عمل بھی ہوتا ہے۔ اگر اسلامی ایمان کے بغیر اسے دیکھا جائے تو کافی عجیب لگتا ہے۔

 

[زیک]

کیونکہ یہ تہوار خود ہارر یعنی خوف و ہراس سے نکلا ہے


جی یہی کہہ سکتے ہیں۔ یعنی ابراہیمی ادیان کی آمد سے زیادہ پرانا ہے۔


یہودی تہوار جو اسرائیلیوں کی قدیم تاریخ پر مبنی ہیں میں سے بعض حقیقی ہو سکتے ہیں، آثار قدیمہ کے شواہد کے مطابق:
http://www.chabad.org/holidays/default_cdo/jewish/holidays.htm

ہانوکا بنیاد پرستی کی فتح کی خوشی مناتی ہے

 

[منقب سید]

ہالووین مبارک ہو سب کو۔ ہمارے ہاں آج ہالووین غیر رسمی جبکہ کل آل سینٹس ڈے ہے

پاکستان میں بھی گزشتہ ایک دو سال سے اس تہوار کے کاسٹیوم اور کینڈی پیک ایلیٹ کلاس کے بازاروں میں خریداری کیلئے دستیاب نظر آتے ہیں۔ امسال جائے فروخت پر جانے کا اتفاق نہیں ہوا ورنہ باتصویر تفصیل ارسال کر دیتا۔

 

[امجد میانداد]

ہالووین (Halloween) امریکہ میں منایا جانے والا ایک تہوار ہے جس میں گلی کوچوں، مارکیٹوں، پارکوں اور دیگر مقامات پر جابجا ڈراؤنے چہروں اور خوف ناک لبادوں میں ملبوس چھوٹے بڑے بھوت اور چڑیلیں چلتی پھرتی دکھائی دیتی ہیں۔ اکثر گھروں کے باہر بڑے بڑے کدو پِیٹھے نظر آتے ہیں جن پر ہبت ناک شکلیں تراشی گئی ہوتی ہیں اور ان کے اندر موم بتیاں جل رہی ہوتی ہیں۔کئی گھروں کے باہر ڈراونے ڈھانچے کھڑے دکھائی دیتے ہیں اور ان کے قریب سے گزریں تو وہ ایک خوف ناک قہقہہ لگا کر دل دہلا دیتے ہیں۔
کاروباری مراکز میں بھی یہ مناظر اکتوبر شروع ہوتے ہی نظر آنے لگتے ہیں۔ 31 اکتوبر کو جب تاریکی پھیلنے لگتی ہے اور سائے گہرے ہونا شروع ہوجاتے ہیں تو ڈراؤنے کاسٹیوم میں ملبوس بچوں اور بڑوں کی ٹولیاں گھر گھر جاکر دستک دیتی ہیں اور trick or treat کی صدائیں بلند کرتی ہیں۔ جس کا مطلب یہ ہوتا ہے کہ یا تو ہمیں مٹھائی دو، ورنہ ہماری طرف سے کسی چالاکی کے لیے تیار ہو جاؤ۔ گھر کے مکین انہیں ٹافیاں اور میٹھی گولیاں دے کر رخصت کر دیتے ہیں۔
http://ur.wikipedia.org/wiki/ہالووین

شروع شروع میں یہ تہوار صرف امریکہ تک محدود تھا ۔ اب باقاعدہ یورپ میں بھی یہ نظر آنا شروع ہو گیا ہے گو کہ یہاں کے مقامی لوگ اسے پسند نہیں کرتے البتہ امریکی کلچر سے وابستہ بچے اور نوجوان اسکو مناتے ہیں۔

مسلمانوں خصوصاً عرب ممالک میں یہ تہوار تھوڑی سی ترمیمی شکل میں موجود ہے، بچے یوں ہی ٹولیوں کی صورت گھر گھر جاتے ، مٹھائیاں ٹافیاں اکٹھی کرتے ہیں ذرا بتائیں کون سا دن ہوتا ہے وہ۔

 

[امجد میانداد]

تمام محفلین کو ہیلووین مبارک ہو۔

امید ہے آپ کے کاسٹیوم ڈراؤنے اور آپ کی کینڈی بہترین ہو گی

میں نے ایک بار ہالوین کے موقع پر اپنے فیس کو ایسا ڈراؤنا پینٹ کیا کہ لوگوں کو ڈرانے پر میری دوست کی بہن ایسی ڈری کہ اس کے کئی سال بعد تک مجھے اصل شکل میں بھی دیکھ کر بھاگ جاتی

 

[امجد میانداد]

تمام محفلین کو ہیلووین مبارک ہو۔

امید ہے آپ کے کاسٹیوم ڈراؤنے اور آپ کی کینڈی بہترین ہو گی

آپ کو بھی زبردست کینڈیز ملیں اور آپ بہت زیادہ ڈراؤنے لگیں

 

[arifkarim]

میں نے ایک بار ہالوین کے موقع پر اپنے فیس کو ایسا ڈراؤنا پینٹ کیا کہ لوگوں کو ڈرانے پر میری دوست کی بہن ایسی ڈری کہ اس کے کئی سال بعد تک مجھے اصل شکل میں بھی دیکھ کر بھاگ جاتی

بری بات۔ بچوں کا اس طرح ڈرانا اچھی بات نہیں۔