جون ایلیا ہے فصیلیں اٹھا رہا مجھ میں از جون ایلیا

[خرم شہزاد خرم]

ہے فصیلیں اٹھا رہا مجھ میں
جانے یہ کون آ رہا مجھ میں

جون مجھ کو جلا وطن کر کے
وہ مرے بِن بھلا رہا مجھ میں

مجھ سے اُس کو رہی تلاشِ امید
سو بہت دن چھپا رہا مجھ میں

تھا قیامت سکوت کا آشوب
حشر سا اک بپا رہا مجھ میں

پسِ پردہ کوئی نہ تھا پھر بھی
ایک پردہ کھِنچا رہا مجھ میں

مجھ میں آکے گرا تھا اک زخمی
جانے کب تک پڑا رہا مجھ میں

اتنا خالی تھا اندروں میرا
کچھ دنوں تو خدا رہا مجھ میں

جون ایلیا​

 

[نوید صادق]

جون مجھ کو جلا وطن کر کے
وہ میرے بِن بھلا رہا مجھ میں



جون ایلیا​

"میرے" نہیں " مرے"

 

[خرم شہزاد خرم]

مجھے بھی شک ہوا تھا کہ یہ غلط ہے لیکن یہ دیکھے نا http://urdulife.com/poetry/poetry.cgi?jne_21 اردو لائف والوں نے ہی غلط لکھا ہے

بہت شکریہ میرا شک بھی دور ہو گیا

 

[آصف شفیع]

شکریہ خرم - جون کی غزل شیئر کرنے کا

مجھ میں آکے گرا تھا اک زخمی
جانے کب تک پڑا رہا مجھ میں

اتنا خالی تھا اندروں میرا
کچھ دنوں تو خدا رہا مجھ میں

کیا بات ہے جون کی!!!!۔

 

[نوید صادق]

مجھے بھی شک ہوا تھا کہ یہ غلط ہے لیکن یہ دیکھے نا http://urdulife.com/poetry/poetry.cgi?jne_21 اردو لائف والوں نے ہی غلط لکھا ہے

بہت شکریہ میرا شک بھی دور ہو گیا

اردو لائف والے سند ہیں کیا؟؟؟؟؟؟؟؟؟ اور میں کیوں دیکھوں!!!

 

[خرم شہزاد خرم]

اردو لائف والے سند ہیں کیا؟؟؟؟؟؟؟؟؟ اور میں کیوں دیکھوں!!!

معافی چاہتا ہوں

میرا یہ مطلب نہیں‌تھا

 

[نوید صادق]

ارے سیریز مت لینا، میں تو یونہی پتہ نہیں کس لہر میں بیٹھا ہوں آج۔

 

[محمد وارث]

واہ بہت خوب، لاجواب!

شکریہ!

 

[خرم شہزاد خرم]

بہت شکریہ جناب آپ کا

 

[محمداحمد]

مجھ میں آکے گرا تھا اک زخمی
جانے کب تک پڑا رہا مجھ میں

بہت ہی خوب

 

[خرم شہزاد خرم]

پسند کرنے کا شکریہ