ابن رضا
لائبریرین
اخلاص کی ثروت دے، کردار کی رفعت دے
یا رب مری آنکھوں کو کچھ اشکِ ندامت دے
سرشار مجھے کر دے تو اپنی محبت سے
کچھ شوقِ اطاعت دے کچھ ذوقِ عبادت دے
دن رات ثنا تیری ہو لب پہ مرے جاری
کچھ ایسی عقیدت دے کچھ ایسی ارادت دے
کچھ ایسی عقیدت دے کچھ ایسی ارادت دے
پیمانۂ دل میرا لبریز ہو ایماں سے
کچھ ایسی بصارت دے کچھ ایسی حرارت دے
کچھ ایسی بصارت دے کچھ ایسی حرارت دے
کچھ اشک ندامت کے پلکوں پہ سجا لوں میں
اے میری اجل مجھ کو بس اتنی سی مہلت دے
اے میری اجل مجھ کو بس اتنی سی مہلت دے
یہ میری طبیعت کیوں کج راہی پہ مائل ہے
صد شکرکروں تیرا گر مجھ کو ہدایت دے
صد شکرکروں تیرا گر مجھ کو ہدایت دے
چھٹکارا ملے دل کو لذّت سے گناہوں کی
کچھ ایسی طہارت دے کچھ ایسی طراوت دے
کچھ ایسی طہارت دے کچھ ایسی طراوت دے
حرمت پہ ترے دِیں کی میں خود کو فنا کرلوں
کچھ ایسی جسارت دے کچھ ایسی شجاعت دے
کچھ ایسی جسارت دے کچھ ایسی شجاعت دے
سب تیری نوازش ہے ،ناچیز نہیں قابل
اب اور وثاقت دے، اب اور متانت دے
اب اور وثاقت دے، اب اور متانت دے
تو مجھ کو بچا لینارسوائی سے محشر کی
یہ میری گزارش ہے بس ایک ضمانت دے
یہ میری گزارش ہے بس ایک ضمانت دے
ہے تیری رضا مجھ کو منظور مرے مولا
بس اپنی ہی چاہت دے ،کچھ اور نہ حاجت دے
بس اپنی ہی چاہت دے ،کچھ اور نہ حاجت دے
آخری تدوین:
