مظفر وارثی یا رحمت اللعالمیں

[سید شہزاد ناصر]

یا رحمت اللعالمیں
الہام جامہ ہے تیرا
قرآں عمامہ ہے تیرا
منبر تیرا عرشِ بریں
یا رحمت اللعالمیں

آئینۂ رحمت بدن
سانسیں چراغِ علم و فن
قربِ الٰہی تیرا گھر
الفقر و فخری تیرا دھن
خوشبو تیری جوئے کرم
آنکھیں تیری بابِ حرم
نُورِ ازل تیری جبیں
یا رحمتاللعالمیں

تیری خموشی بھی اذاں
نیندیں بھی تیری رتجگے
تیری حیاتِ پاک کا
ہر لمحہ پیغمبر لگے
خیرالبشر رُتبہ تیرا
آوازِ حق خطبہ تیرا
آفاق تیرے سامعیں
یا رحمت اللعالمیں

قبضہ تیری پرچھائیں کا
بینائی پر ادراک پر
قدموں کی جنبش خاک پر
اور آہٹیں افلاک پر
گردِ سفر تاروں کی ضَو
مرقب براقِ تیز رَو
سائیس جبرئیلِ امیں
یا رحمت اللعالمیں

تو آفتابِ غار بھی
تو پرچم ِ یلغار بھی
عجز و وفا بھی ، پیار بھی
شہ زور بھی سالار بھی
تیری زرہ فتح و ظفر
صدق و صفا تیری سپر
تیغ و تبر صبر و یقیں
یا رحمت اللعالمیں

پھر گڈریوں کو لعل دے
جاں پتھروں میں ڈال دے
حاوی ہوں مستقبل پہ ہم
ماضی سا ہم کو حال دے
دعویٰ ہے تیری چاہ کا
اس امتِ گُم راہ کا
تیرے سوا کوئی نہیں
یا رحمت اللعالمیں​

 

[عمر سیف]

جزاک اللہ خیراً

 

[عاطف بٹ]

تیری خموشی بھی اذاں
نیندیں بھی تیری رتجگے
تیری حیاتِ پاک کا
ہر لمحہ پیغمبر لگے
خیرالبشر رُتبہ تیرا
آوازِ حق خطبہ تیرا
آفاق تیرے سامعیں
یا رحمت العالمیں

واہ، بہت ہی شاندار ہدیہء عقیدت ہے۔ وارثی صاحب کی یہ نعت میری پسندیدہ ترین نعتوں میں سے ہے۔
شیئر کرنے کا بہت شکریہ سر! جزاک اللہ خیراً

 

[سید شہزاد ناصر]

آداب عرض ہے جناب

 

[الف نظامی]

سبحان اللہ!

 

[ابن سعید]

یہ رحمت العالمیں ہے یا رحمت للعالمیں؟

 

[عاطف بٹ]

یہ رحمت العالمیں ہے یا رحمت للعالمیں؟

رحمت اللعالمیں۔
ایک مصرع میں ’صدق و صفا‘ کو ’صدق و وفا‘ بھی لکھا گیا ہے!

 

[سید شہزاد ناصر]

یہ رحمت العالمیں ہے یا رحمت للعالمیں؟

قواعد کی رو سے تو دونوں ہی درست ہیں
مزمل شیخ بسمل بہتر رائے دے سکتے ہیں

 

[ابن سعید]

قواعد کی رو سے تو دونوں ہی درست ہیں
مزمل شیخ بسمل بہتر رائے دے سکتے ہیں

قواعد سے مراد قواعد ترکیبی ہے یا وزن شعری؟

 

[سید شہزاد ناصر]

قواعد سے مراد قواعد ترکیبی ہے یا وزن شعری؟

جناب میں قواعد ترکیبی کی بات کر رہا تھا
وزن شعری سے بالکل نابلد ہوں

 

[ابن سعید]

جناب میں قواعد ترکیبی کی بات کر رہا تھا
وزن شعری سے بالکل نابلد ہوں

پروردگار کی پناہ!

 

[سید شہزاد ناصر]

پروردگار کی پناہ!

 

[الف عین]

خوب۔ لیکن جہاں تک میرا خیال ہے، یہ نعت یہاں شریک کی جا چکی ہے

 

[نایاب]

سبحان اللہ
بہت پیاری نعت ہے ۔۔۔۔۔۔۔۔

 

[الف نظامی]

خوب۔ لیکن جہاں تک میرا خیال ہے، یہ نعت یہاں شریک کی جا چکی ہے

یا رحمۃ للعالمیں
الہام جامہ ہے ترا
قرآں عمامہ ہے ترا
منبر ترا عرش بریں

 

[الشفاء]

قبضہ تیری پرچھائیں کا
بینائی پر ادراک پر
قدموں کی جنبش خاک پر
اور آہٹیں افلاک پر
گردِ سفر تاروں کی ضَو
مرقب براقِ تیز رَو
سائیس جبرئیلِ امیں
یا رحمۃ اللعالمیں

سبحان اللہ۔۔۔
بہت خوب کلام۔۔۔

 

[محمد خلیل الرحمٰن]

یہ رحمت العالمیں ہے یا رحمت للعالمیں؟

رحمت اللعالمیں۔
ایک مصرع میں ’صدق و صفا‘ کو ’صدق و وفا‘ بھی لکھا گیا ہے!

تدوین کردی گئی۔

 

[ڈاکٹر مشاہد رضوی]

یا رحمت اللعالمیں
الہام جامہ ہے تیرا
قرآں عمامہ ہے تیرا
منبر تیرا عرشِ بریں
یا رحمت اللعالمیں

آئینۂ رحمت بدن
سانسیں چراغِ علم و فن
قربِ الٰہی تیرا گھر
الفقر و فخری تیرا دھن
خوشبو تیری جوئے کرم
آنکھیں تیری بابِ حرم
نُورِ ازل تیری جبیں
یا رحمتاللعالمیں

تیری خموشی بھی اذاں
نیندیں بھی تیری رتجگے
تیری حیاتِ پاک کا
ہر لمحہ پیغمبر لگے
خیرالبشر رُتبہ تیرا
آوازِ حق خطبہ تیرا
آفاق تیرے سامعیں
یا رحمت اللعالمیں

قبضہ تیری پرچھائیں کا
بینائی پر ادراک پر
قدموں کی جنبش خاک پر
اور آہٹیں افلاک پر
گردِ سفر تاروں کی ضَو
مرقب براقِ تیز رَو
سائیس جبرئیلِ امیں
یا رحمت اللعالمیں

تو آفتابِ غار بھی
تو پرچم ِ یلغار بھی
عجز و وفا بھی ، پیار بھی
شہ زور بھی سالار بھی
تیری زرہ فتح و ظفر
صدق و صفا تیری سپر
تیغ و تبر صبر و یقیں
یا رحمت اللعالمیں

پھر گڈریوں کو لعل دے
جاں پتھروں میں ڈال دے
حاوی ہوں مستقبل پہ ہم
ماضی سا ہم کو حال دے
دعویٰ ہے تیری چاہ کا
اس امتِ گُم راہ کا
تیرے سوا کوئی نہیں
یا رحمت اللعالمیں​

رحمۃ للعالمیں ۔۔۔۔۔۔۔ کا املا ۔۔۔۔۔۔ بغیر الف کے صحیح ہے