ابھی ابھی ابنٹو پر کچھ نئی چیزیں سیکھیں ہیں۔ سوچا انہیں یہاں لکھتا چلوں تاکہ اگر کوئی صاحب تازہ بتازہ ابنٹو انسٹال کررہے ہیں تو انہیں آسانی ہو۔
ابنٹو جینوم ڈیسک ٹاپ بائی ڈیفالٹ استعمال کرتا ہے۔ لیکن ونڈوز یوزرز کو شاید یہ سن کر حیرت ہو کہ آپ اس بائی ڈیفالٹ انٹرفیس کو جس طرح (جی ہاں جس طرح) چاہے تبدیل کرسکتے ہیں اور چاہیں تو اسے بالکل ان انسٹال کرسکتے ہیں اور کوئی نیا ڈیسکٹاپ پلیٹ فارم استعمال کرسکتے ہیں۔ جیسے کے ڈی ای۔
مجھے معلوم ہے کہ آپ کے پاس نہ اتنی ہارڈ ڈسک ہے اور نہ ریم کہ کے ڈی ای استعمال کرسکیں۔ اور اگر جینوم بھی آپ کی نازک مزاج ریم اور نحیف پروسیسر کو دشوار معلوم ہوتا ہے تو فکر ناٹ!
ابنٹو لائٹ انسٹال کیجئیے اور مزے اڑائیے۔ یا پھر اپنے جینوم پر
IceWM ڈالیں اور بحر ظلمات میں بھی خوب دوڑیں لگائیں تو بھی آپ کا پروسیسر ہانپے گا نہیں۔ بتیس سے ساٹھ ایم بی کی ریم بھی کافی ہے۔ اور اگر ذرا ٹرمینل اکا کنسول اکا کمانڈ پرامپٹ سیکھ لیں تو کسی بھی ڈیسک ٹاپ کی ضرورت ہی نہیں جس کا مطلب یہ ہوا کہ آپ بتیس ایم بی کی ریم پر بھی ابنٹو چلاسکتے ہیں۔ قدیر کہاں ہو تم؟؟؟؟ بھیا تمہیں صرف ایک جی بی کی اسپیس چاہئیے۔
سائبر کیفوں، ٹائپسٹ کی دکانوں، ذاتی استعال کنندگان یا پھر نیو کیمبرج گرامر اسکول (دینی اور دنیاوی تعلیم کے جدید مراکز جو ہمارے یہاں کثرت سے پائے جاتے ہیں) کے کمپیوٹر لیبز ہر کوئی کمپیوٹر خرید سکتا ہے یعنی چار ہزار روپے میں دنیا آپکی گود میں۔ یہ کمپیوٹر تو ایم آئی ٹی کے ڈالر ہنڈریڈ لیپ ٹاپ سے بھی سستا پڑے گا۔ اگر کوئی صاحب اسے تجارتی بنیادوں پر بیچنا شروع کردیں۔ ذرا سوچیں چار ہزار روپے میں ایک زبردست چلتا ہوا کمپیوٹر جس میں جی یو آئی بھی ہے اور انٹرنیٹ بھی۔
اوہ اوہ اوہ ابنٹو!
مجھے اردوِ معلیٰ بہت پسند ہے ، چلیے کوئی تو میرا ‘ہم مزاج‘ یہاں آیا ؛)
