ایاز صدیقی یوں تو ہر اک پھول میں تھا رنگِ رخسارِ چمن

[مہ جبین]

یوں تو ہر اک پھول میں تھا رنگِ رخسارِ چمن​

اک گلابِ ہاشمی ہے صرف شہکارِ چمن​

​

آپ کی مرضی جسے چاہیں مدینے میں بلائیں​

یعنی ہر غنچہ نہیں ہوتا سزاوارِ چمن​

​

حلقہء خوابِ نظر ہے سبز گنبد کا خیال ​

"سرو ہے باوصفِ آزادی گرفتارِ چمن "​

​

ہے تصور میں مدینے کی گلاب افشاں بہار​

میرے دروازے تک آپہنچی ہے دیوارِ چمن​

​

یارِ غارِ مصطفےٰ ، فاروق و عثمان و علی​

سروِ رنگ و نور ہے ایک ایک کردارِ چمن​

​

اے بہارِ دینِ فطرت اک نگاہِ گل طراز​

بے زرِ گل سرد ہے مدت سے بازارِ چمن​

​

گلشنِ دیں کے خس و خاشاک چنتا ہوں ایاز​

برگ و گل کہتے ہیں مجھ کو بار بردارِ چمن​

​

ایاز صدیقی ​

 

[سید زبیر]

حلقہء خوابِ نظر ہے سبز گنبد کا خیال
"سرو ہے باوصفِ آزادی گرفتارِ چمن "
ماشا اللہ ۔ ۔ ۔ نہائت ہی عمدہ کلام ۔ ۔ جزاک اللہ

 

[مہ جبین]

حلقہء خوابِ نظر ہے سبز گنبد کا خیال
"سرو ہے باوصفِ آزادی گرفتارِ چمن "
ماشا اللہ ۔ ۔ ۔ نہائت ہی عمدہ کلام ۔ ۔ جزاک اللہ

بے شک ناناجی کا کلام بہت عمدہ ہے
کلام پسند کرنے کا بہت شکریہ

جزاک اللہ سر جی