یُونہی تو شاخ سے پتے گِرا نہیں کرتے ۔ محسن بھوپالی

[شیزان]

یُونہی تو شاخ سے پتے گِرا نہیں کرتے ​

بچھڑ کے لوگ زیادہ جیا نہیں کرتے ​

​

جو آنے والے ہیں موسم، اُنہیں شمار میں رکھ ​

جو دن گزر گئے، اُن کو گنا نہیں کرتے ​

​

نہ دیکھا جان کے اُس نے ، کوئی سبَب ہوگا ​

اِسی خیال سے ہم دل بُرا نہیں کرتے ​

​

وہ مل گیا ہے تو کیا قصۂ فِراق کہیں ​

خُوشی کے لمحوں کو یُوں بے مزا نہیں کرتے ​

​

نِشاطِ قُرب، غم ہجر کے عوض مت مانگ ​

دُعا کے نام پہ یُوں بددُعا نہیں کرتے ​

​

مُنافقت پہ جنہیں اِختیار حاصل ہے ​

وہ عرض کرتے ہیں ، تجھ سے گِلہ نہیں کرتے ​

​

ہمارے قتل پہ محسن یہ پیش و پس کیسی ​

ہم ایسے لوگ طلب خُون بہا نہیں کرتے ​

محسن بھوپالی​

"گردِ مُسافت" سے انتخاب​

 

[سید زبیر]

شیزان !بہت عمدہ کلام منتخب کیا ہے
یُونہی تو شاخ سے پتے گِرا نہیں کرتے
بچھڑ کر لوگ زیادہ جیا نہیں کرتے
واہ ۔۔۔

 

[شیزان]

شیزان !بہت عمدہ کلام منتخب کیا ہے
یُونہی تو شاخ سے پتے گِرا نہیں کرتے
بچھڑ کر لوگ زیادہ جیا نہیں کرتے
واہ ۔۔۔

انتخاب کی پذیرائی پر دلی شکریہ زبیر بھائی

 

[فاتح]

واہ واہ کیا خوب غزل ہے محسن بھوپالی کی۔ شکریہ شیزان صاحب۔
مطلع کے مصرع ثانی میں "بچھڑ کر" کی بجائے "بچھڑ کے" ہو گا۔

 

[شیزان]

واہ واہ کیا خوب غزل ہے محسن بھوپالی کی۔ شکریہ شیزان صاحب۔
مطلع کے مصرع ثانی میں "بچھڑ کر" کی بجائے "بچھڑ کے" ہو گا۔

پسندیدگی کے لیے دلی شکریہ فاتح بھائی۔
ٹائپنگ کی غلطی درست کر دی ہے